حياتي
 

هاخرج من صمتي جايز..
الاقي نفس من تاني
كتير بقول مش عايز..
بس الكلمة وحشاني
كلام كتير جوايا
حكايات ماليها نهاية
عن نفسي عن كل اللي عيشته
نفسي احكي واقول حاجات
ذكرياتي وعمر فات
حتي الدموع واصعب اوقات
عن فرحة قلبي وكل الازمات
واتكلم في كل حاجة
مفيش حاجة معينة
يمكن الاقي راحتي
وارجعلي انا
ارجع لشخص نسيته
معايا ومش معايا
واتعرف عليا من جديد
واكتب اجمل بداية
واكلمني واسكت واسمعني
بميت احساس يرجعني
لحالتي الاولة ويمنعتي
من سكوتي.. والاقي صوتي
ويعلي تاني صوت بحنين يرجعني
واحلم بفرحة جاية
جمبي بس معيشتهاش
وادور ع الحاجة اللي نقصاني
وحياتي اللي معرفهاش
ومهربش
واسيب الفرحة تلقاني
بجد الكلمة وحشاني

كلام زي ماكتبته كده بدون تعديل او ترتيب
ولا حتي بصيت عليه قبل مارفعه
صوتي اتختق جوايا
جت كده زي ماهيا

اجمل شئ فى الدنيا الكلام التلقائى
..
بيطلع كل اللى جواك تسلم ايدك
..
تحياتى

الكلام التلقائى بيجد صداه لدى القارء والسامع

كلمات سلسه لكنها معبره

تقديرى

الالم و الحزن الشديدين و محاولة الهروب من الواقع
ضاقت بهم انفاسى فهون على نفسك اخى الكريم
وازح عن ما فى قلبك لله ..
وأنخ عنده الهموم يحملها عنك و يكفيك إياها
رغم جمال الكلمات الا ان المرارة عند كتابتهم وصلتنى
فأصبر لحكم ربك
ربنا يعجل بفرجه بما يرضيك و يرضيه
اللهم اكفيه همه بما شئت و كيف شئت و آنآ شئت
بما يرضيك
تقبل مرورى