|
الأهـَلي يتـَعثر أمام وادي دجلة بـَعد سلسلة إنتصارات متتالية .. حقق فريق وادي دجلة فوزًا قاتلاً على حساب مضيفه الأهلي بهدف نظيف، مساء السبت، باستاد برج العرب في الجولة السابعة والعشرين لمسابقة الدوري المصري لكرة القدم. وسجل وادي دجلة هدفًا في الدقيقة 90+4 عن طريق الكونغولي جونيور مابوكو، وألحق أول هزيمة بالأهلي في عام 2016 بجانب الخسارة الأولى تحت قيادة المدرب الهولندي مارتن يول. ورفع دجلة رصيده إلى 43 نقطة متقدمًا للمركز الرابع، بينما تجمد رصيد الأهلي عند 59 نقطة في صدارة الترتيب وتقلص فارق النقاط مع الزمالك صاحب المركز الثاني إلى 8 نقاط .. المــَـبارة ده مــَثال حــَي لمــَقولة ( الكــَرة غـــَدارة ) يــَعني تـَـلاقي فـَريق مـَستحوذ وضاغط والكرة بتلعب في منطقة جزاء الخصم بس وفرص ومحاولات بالهبل وصنع وكرة من اليمين وكرة من الشمَـال وكرة من العمق وكرة من خارج المنطقة وده بيحاول وده بيحاول واللعيبة بتلعب بشكل جيد وتقطع الكورة وتمرر كويس والمبارة متَـحكم فيها الأهلي وناقص بس إنه يسجل .. وتجي كرة من دجلة بشكل غدار وفي الدقايق الأخيرة تجبر الأهلي إنه يَـخسر لأول مرة في 2016 .. حـَـقيقي مقدرش أقول هارد لك للأهلي .. الفريق لعــَب بشكل ممتاز وحاول أينـَـعم ضـّيع كمية فرصة مش معقولة بـَس محدش ينكــَر إن سبب خسارة الأهلي الوحيدة هــَو الحــَارس الكـَبير ( عــَصام الحـَضري ) لولاه لكان الأهلي فايز بإرتياح .. مش رامي ربيعة ولا إكرامي إل غلطو فعـَليا الحضري والتكتيك الدفاعي البحت لوادي دجلة هو ال ضيع ال 3 نـَقاط .. أرقام كتيرة ظهرت بـَعد المبــَارة أهمـَها : * وادي دجلة حقق أول فـَوز ليه عل الأهلي خلال 8 لقائات جمعت الفرقتين .. * الكَـبير عصام الحضري مَـخسرش ولا مبارة ليه قدام الأهَـلي :m57: * الأهَـلي خــَسر أول مبـَارة ليـَه في 2016 .. * مـَارتن يـَول يَـخسر أول مرة مع الأهلي بـَعد 10 مباريات .. مـَـبارة وعــَدت ولآزم سيناريو المـَبارة ده مايتكررش تـَاني .. مش هتكلم عل مستوى اللعيبة لإنه بالنسبالي الأهلي لـَعب كـَوبس .. المَـباريات الجاية مش سـَهلة وعيزالها تـَركيز .. بالتوفيق فيـَها .. شَـاركوني رأيكم في المبـَارة وإزاي شوفتوها ؟! ومين يتَـحمل تَـعثر الأهلي النهردا قدام دجلة ؟! تـــَحياتي : سـَلمى ^-^ |
المباره دي بطلها الاول الحضري بس ان شاء الله تكون اخر هزيمه للمارد الاحمر |
كنت مستني بقى تحليلك بصراحه اللقاء يعصب ويرفع الضغط الكوره تمشى كويس وعند النهاية بتضيع الماتش 95 دقيقه الكوره مع الاحمر وكله بيلعب عند جانب دجله ولكن في اخر دقيقه بتيجي المباغته هي دي الكوره عموما اكرامي لا يسأل عن الهدف عشان كان المهاجم منفرد ولكن صبري رحيل فعلا ضيع كتير ورمضان كان بيلعب بشكل انانى ع غير المعتاد من عادته بيبقى انانى بس بفن بخلاف الماتش دا انانية زياده عن اللازم وفتحي مكنش موفق بالعرضيات غياب غالي كان مأثر ع نص الملعب كان ممكن يلعب فتحي ف مكانه ويلعب بمحمد هانى ف الباكات والسولية عموما عمل ميس باص كتيره الراجل دا مجهول معملش حاجه لدلوقت تبديلات مارتن مكنتش سليمه عموما مكنش المفروض يخرج مؤمن ولا عبدالله وتبديل ايفونا كان محتاج يعمله بدري اكتر من كده بس كانت مباراة قوية من نحية عصام الحضري فعلا هو كان رجل اللقاء ونتمنى يظل بالشكل دا دايما بقى تسلمي سلمي لموضوعك الله ينور بقى |
لو هنتكلم بمبدأ الحياد كما طالبتوني بيه بشكل عام يبقي نقول " لدغه قويه من دجله - تثبت بأن كرة القدم لا أمان لها " بالاحصائيات الاهلي قدم مباراه جميله من حيث الاستحواذ والوصول للمرمي بشكل عام ولكن كرة القدم لا تعترف الا بمن حرك الشباك وبالفعل دجله علي أد امكانياتها تستحق هذا الفوز الغالي أمام الاهلي وفي النهايه كما ذكرت من قبل بأن قيمة الحبر اللي اتكتب بيها اسم ايفونا في وسائل الاعلام اكبر من قيمته الفنيه داخل الملعب ومشاركة متعب علي الاقل مكانه من البدايه هتكون افضل بكتير أبو التفانين اللي برشلونه عوزاه بالاحصائيات اكثر لاعب فقد الكره وفشل في المراوغه بشكل سليم سواء من التمريرات أو الضغط من لاعبي دجله سبب هزيمة الاهلي في مباراة اليوم إصرار اللاعبين علي الفوز واندفاعهم للأمام بشكل كبير مما سمح لـ لاعبي وادي دجله من خطف هدف قاتل في الدقيقه الاخيره من المباراه بعد خسارة الاهلي في هذه المباراه وفوز الزمالك اليوم مازال الدوري في الملعب ومادامت الكره في الملعب لا أمان لها المباراه القادمه للاهلي في أسوان وبإذن الله بتعثر جديد أمام اسوان وستعود المنافسه من جديد وهذه المباراه رد علي من قال بأنه سيفوز علي الزمالك والاسماعيلي وهو نايم علي المخده :230: محمود الصاروخ |
اقتباس:
إن شـَـاء الله .. منـَـور يَـاكابتن .. تشكرات عل المشاركة والمرور ^^ |
اقتباس:
كل شيء جايز فيـَـها مرة هتيجي معاك ومرة ضدك :) بص أنا معاك في كل ال قلته لكن بشكل عام الأهلي لعب حلو وطالما لعب بأداء كويس وبرجولة ده يـَهون الخسـَارة .. بإذن الله الأخطاء تتصحح وتكون ده أخر خسارة للفريق .. منـَـور يا أبو حميد جدا .. تسسلم عل المشاركة والمرور المميز ^^ |
اقتباس:
ويقدر يصحح أخطأؤه واللعيبة تحسن مستواها .. تـّـشكرات عل مشاركتك ومـَرورك ياكابتن .. منـَور :) |
اقتباس:
كوره غدااره ع رايك اشوالي ههههههه وهى متعتها ف كده اصلا لانها خارج التوقعات كانت مباراه مميزه ومعظم الفريق كان بيقاتل ف الملعب وبيكفي الروح اللى كانت موجوده وشابو للحضري الاسطورة الجيات اعظم بقى وبعد نورك سلمي اكييد صباحكـ ورد :) |
اقتباس:
زعـَلنا النهَـردا بس هنـَفرح بكأس الدوري إن شاء الله إلا لو لسمح الله الكرة فجأتنا تاني :q10: وال حضري حبيبنا طول عمره واقف 100 سَـد .. إنت كويس يا أحمد ؟! صباح إيه ال بتقول عليه هههههه بس منـَـور والله ^^ |
اقتباس:
طيب مساء الورد :18: ربنا يسعدك سلمي انتى تستاهلي كل خير بقى |
| الساعة الآن 04:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب