مفيش عوائق
 

اولا مش هتكلم بطريقة اللغه العربيه وكدا هتكلم عادى

لما كنا فى دبلومة التنميه البشريه وبيفهمونا معنها فا كانو بيقولو هو تنميه مهرات الذات

ومش فهمت اى حاجه وقتها يعنى ايه مهرات الذات ان شاء الله

وبعدين لقيت الدكتور بيكتب على السبوره حكمه صينيه بتقول "قل لي وسوف أنسى. أرني وقد أتذكر. أشركني وسوف افهم".
ودى قلها كونفوشيوس

فا وقتها فهمت ان انا مش هستفيد منغير مشركه كتير بنقراء عن التنميه البشريه كلام عظيم بس وبعدين

علمونا انو لو عيزه اوصل حاجه لحد اخليه يجرب يشارك فيها ووقتها هيفهمها بسهوله ومش هينسها

ودلوقتى هتكلم عن العوائق الى ممكن تقبلنا فى تحقيق هدف

مثلا عيزه ابقى من الاوائل هقابل عوائق كتير من حسد وشر وضعف وملل وهكذا اكيد فى الاول والاخر

لازم احط خطه للهدف ده يعنى مثلا انا هذاكر فى اليوم 4 سعات وساعه مراجعه هجمع للمستر اساله

وكذا حاجه بحيث انى اسهل كل الطرق للهدف ده تمام والعوائق بقا

هقول على حاجه ممكن تجربوها وعن نفسي عملتها مليون مره لحد ما نجحت فيها

هاتو حبل وخلى حد يربط ايدك ورجلك واعملو نقطه المفروض توصلها وانت مربط كدا والشخص ده يقف ادامك ويمنعك من الوصول للنقطه دى

صعب جدا تفضل تتنطط لحد النقطه دى وكمان فى حاجز بيمنعك اول مره عملهتا خسرت ووقعت والوقت خلص

زعلت اوى وبردو مش كنت فهمه السبب من التجربه دى وبعدين الدكتور قالى حولى تانى

مره ورا مره وقعت الشخص الى كان ادامى ووصلت للنقطه

هى دى بظبط مشكلك والعوائق الى ادامك فى تحقيق حلمك يعنى بقا بالعربى

لو سقط مثلا بعد كل التخطيط ده حاول تانى يعنى حققت نجاح بس مش اوى حاول تانى وتانى وتانى

انت ايدك ورجلك مفكوكين مش مربوطين هتعرف تتحرك وتحقق وتسعى

تجربه عملى وحصلت معيا فعلا جه وقت وتعبت واستسلمت ورجعت قولت طب ما احاول تانى

وتانى وتانى لحد ما بعد ما كنت بنجح بالعفيه بقيت التانيه على المدرسه

الوحيده فى مدرستى معها دبلومه تنميه بشريه وبديها للبنات فى الفصول فى الحصص الفاضيه

رغم انى طالبه لسه بس معيا شهاده انى مدربه وبقعد ع المدرسين اشرحلهم التنميه البشريه وهم يدوها للطالبه

لدرجه انو عندنا حصه فى الاسبوع فى المدرسه للتنميه البشريه زيها زى اى حصه

وبعدين كانت نقطه ضعفى الانجليزى اخت كورس واتنين لحد ما اتحسنت

سمعت كلام زى الزفت انتى فكره نفسك مين يا بنتى الهبل الى انتى بتعمليه ده ملوش لزمه

بس ديما كنت بفتكر النقطه الى وصلتلها وانا بطنطط والازاز الى مشيت عليه عشان اكسر خوفى

اوعى تخاف من تحقيق حاجه مفيش مانع انك تخلى العالم كلو دوله وحد

اوعى تنسى الرسول صلى الله عليه وسلم خلى الامه الاسلاميه دوله واحده

مش صعب ومش تطلع مبررات ونقط ضعف لنفسك لو بصيت للقدرات الى ربنا مديهالك هتتعجب

انت فاهم انو عشان بس تحرك ايدك وتكتب على الفون او الكى بورد ده بيحصل بعد مليون عمليه حيويه فى جسمك

انت اصلا مش حاسس بيها يعنى ربنا خلاك فى قمه العظمه دى وانت تطلع لنفسك اسباب للفشل

اوعى ترضى بحاجه قليله الحلم اهم من كل حاجه دور اوعى تسيبو لو عندك حلم خليه ادامك على طول

تحياتى

ميرا

اللى عايز يحقق حاجة هيحققها مهما كانت العوائق وفى تجارب كتير وناس فعلا حققت ده

تسلمى ي قمرايه وربنا يحققلك كل اللى بتتمنيه

اشكرك لمشاركة هذه التجربه الواقعيه و المهمه جدا
جزاكم الله جنه الفردوس
زكاة العلم نشره
موضوع قيم