|
دمع حنين http://banatmisr.com/up3/uploads/1465075161241.jpg ومن تانى ياخدنا حنين لسكة طويلة مشيناها شهور وسنين نخبى الآهه فى عيونا ندارى الدمعه بين جفنين وجوا القلب ساكنة حكاية عاشوها اتنين كتبوا قصتهم كما رواية مابين عاشقين تقول اسطورة يخلدها التاريخ لسنين..! ده حاجة كده شبه غنوة بلحن حزين.. ومهما الدنيا تفرقهم تشوقهم وتبعدهم عارفين الطريق اللى يجمعهم واكيد راجعين وبإديهم يشاوروا للسما العالية ولنجوم حوالين القمر دايرين وتنطق دقة فى قلوبهم بصوت عالى لكل الكون يسمعهم ده عشق سنين يموت إزاى واحنا بنرويه بدمع حنين mena_hassan 5-6-2016 |
الله عليكِ حبيتى كتابتك بالعاميه جميله يا منه راقت لى كلماتك يا غاليه مودتى لكِ |
رآقت لى جدا من اروع ما قرأت النهاردة تسلم ايدك ي منه |
تسلم ايديكى منه راااااائعه حبيبتى |
انتي اشطر مني.. وهاقولك ليه لانك بتقدري تعملي حاجات كتير مع بعض وبتعمليهم بشكل جميل لكن انا هي حاجة واحدة اكيد عارفاها ومش شاطر اوي كمان تحياتي لاحساسك |
بحبك خواطرك بالعامية لانها بتدخل قلبي علطول تسلمي منة |
جميلة اوووى يا منون حسيتها بسيطة و تدخل القلب على طول يسلم لنا احساسك الحلو دة |
جميله يامنون يدوم ابداعك ياقمرى |
ومن تاني ياخدنا حنين لعشق زمان بيرمينا يفكرنا بشهور وسنين بحُب ولهفة تئوينا بآول نظرة جت م العين سببها سهرنا ليالينا / ومن تاني هنتواعد ويجمع ضينا شوقنا لآنه تملي ف الصاعد آكيد مقدرشي يفرقنا ومهما الدُنيا تبعدنا بنتاقبل بآرواحنا ف سكة تملي موجودة طريقها آساسه نبض حنين ومن تاني آكيد راجعين //// منة ..عارفة كويس آني مش برد علي آي قصيدة غير لما بتلمس فيا آنا شخصياً حاجة آو بحسها وبتكون صادقة وآنتي من الناس اللي بتكتب بآحساسها بجد ..ودي نقطة ضعفي بصراحه^^ بلاقيني بعد القراءة بنجرف للكتابة تلقائياً ف آعذوريني علي الكام بيت اللي شاركت بيهم معاكي..وبجد مبدعه ^^ |
الله عليكى وعلى احساسك وحروفك العاميه جميله اوى منه تقييمى |
| الساعة الآن 10:53 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب