منتديات بنات مصر - أهلا رمضان (مسابقه الأدبى)

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - أهلا رمضان (مسابقه الأدبى) (https://forums.banatmasr.net/msryat553702/)

أهلا رمضان (مسابقه الأدبى)

ونبدأ كلامنا بأجمل سلام

نصلى نسلم على خير الأنام

نبينا محمد رسول السلام

نشر دعوتة ومعاها محبته

وصانا نصلى ونصوم رمضان

شهر المحبة عبادة وتقوى

خشوع وإيمان

أهلا رمضان

شهر الرحمة والغفران

صلاة وصوم ونقرا القرآن

شهر كريم وثوابة عظيم

لما تحسوا بالغلبان

بركة وخير,,ورزق كتير
طهارة ونور

دعوة أم تسمعها فطارسحور

والكل تلاقيه راضى وفرحان

يتجمع فيه الاهل والحبايب

على المغرب يستنوا الغايب

وفى عيونهم الفرحة ساعة الأدان

فرحة تملى كل شارع وبيت

والفوانيس والزينة على كل حيط

يلعبوا يفرحوا

ومافيش فيهم واحد زعلان

التراويح بتجمع المسلمين

فى الجوامع يصلوا وراضيين

لاتسمع شكوى ولاواحد تعبان

ربنا يقوينا على الصيام والقيام
ومانقولش غير احلى الكلام
والله بعودة رجوعك يارمضان

شهر الخير فى كل مكان

شهر الرحمة والغفران
mena_hassan

6-6-2016

عليه افضل الصلاة و السلام
جميل يا منون
كل سنة و انتى طيبة حبيبتى

ينعاد عليكى بكل خير ياقمر
رائعه واكثر
بالتوفيق ان شاء الله

منة تعبيرات أقرب ما يكون للنفس
ترحيب برمضان وكأنه الصديق الغائب
الذي زادنا الشوق له
جميلة وأكثر

كل سنة وانت طيبة
اسعدالله قلبك بفضل رمضان
وروعة كلمات ومعانى
بالتوفيق

كل سنه وانت طيبه منه
تسلمين وهاالروعه

كلمات بسيطة وعفويه وتلقائيه
تدخل القلوب بسهولة
يدوم القلم المعطاء دمعه
كل سنة وانتى بالف خير
وموفقه ان شاء الله

جميل اوى ^ ^

كل سنه وانتى طيبه .. :)

رمضان كريم

جميلة كلماتك وتعبيراتك منون
تسلم ايدك منة
كل عام وانتى بخير قمرى

عليه أفضل الصلاة وأتم التسليم
جميل حبيبتي تسلم ايدك
موفقه إن شاء الله
مبارك عليكي الشهر الكريم