منتديات بنات مصر - الفيلسوف في رمضان

http://banatmisr.com/up3/uploads/1465115469573.jpg

السلام عليكم ورحمة الله وبركاته

كل عام وانتم بخير اخوتي

برنامج بمناسبة الشهر الكريم
ادم في رمضان
سيعرض يوميًا ان شاء الله
معانا اليوم
الفيلسوف

http://banatmisr.com/up3/uploads/1465115600412.png

كيف تستعد لاستقبال الشهر الكريم ؟

استعداد شهر رمضان هو استعداد نفسى روحانى بيجى كده
ماينفعش اقول انا ف رمضان حعمل مجهود زايد لانى السبب الوحيد
هنا هو ان العباده هو اقل شى اتجاه نعم الله الكثيره علينا

http://banatmisr.com/up3/uploads/1465115600412.png

شهر رمضان شهر مختلف عن باقي الشهور
فماذا يعني لك رمضان ؟

رمضان ده الدكتور النفسى بتاعى هو اللى لما يهل عليه
كده بيجيب كل حاجه حلوه من نفحات ربانيه
من قيم انسانيه من اخلاق فضيله من مقيم سلوكى
حاجه كده تتحس عمرى ما اقدر اوصفها ع الورق

http://banatmisr.com/up3/uploads/1465115600412.png

ما هي مظاهر رمضان في بيتك و مدينتك ككل ؟

مافهمت يعنى ايه مظاهر رمضان ف بيتى زى اى بيت اكيد
بعد ما ناكل نروح نصلى وان كان ف شغل بروح وان ماكان برجع
اقرأ ورد قرأنى وخصوصا انى مش من هواه متابعه التلفزيون
اوى ف رمضان لانى الوقت بيبقى ربانى لوحده مع الله ف مدينتى
اكيد زى اى حد مصر زى سوهاج زى المنيا كلها فرحانه بقدوم رمضان

http://banatmisr.com/up3/uploads/1465115600412.png

ما الشيء المميز جدًا بك في رمضان؟

الشى المميز بيبقى انا عن نفسى مش بلعب كوره غير كل فين وفين
ف حكايه الدوره الرمضانيه بتبقى حلوه اوى كمان بقابل صحاب كتير
ليه بيجمعنى بيهم رمضان بصى هو بيبقى مميز من اول يوم ف الشهر
تخيلى كده لما يدخل ضيف عزيز الناس كلها منتظره وبتحبه
لانى لما بيشرف بتيجى معاه كل ضحكه كل نور كل دعوه
كل فرحه كل تجميع ف الخير هى نفحات ربانيه من الله عز وجل

http://banatmisr.com/up3/uploads/1465115600412.png

يومك الرمضاني كيف يكون ؟

عادى الصبح بدرى الشغل بعد كده طبعا زى مامتعود
انى اقرأ كام معلومه كده وبعد كده ورد قرأنى كالعاده
وتسبيح بصى هو يومى
مش بيختلف ف رمضان اوى لانى عباده الله عندى مش مقيده بشهر معين
ولا كده يبقى انا منافق وبالليل بقى صلاه التروايح الشغل
الدوره الرمضانيه وف حاجه مميزه بنعملها ف رمضان انا واصحابى
اننا نعمل حلقه ذكر كده تسبيح وذكر لله عز وجل مش بيبقى فيه
اى شى مخالف

http://banatmisr.com/up3/uploads/1465115600412.png

موقف حدث معك في رمضان ولن تنساه ؟

هو موقف جميل جدا عادى كان طفل صغير وقايم بكوبايه يشرب الناس
ف الصلاه عادى كان ماسك الشفشق راح دلقه عليه وقتها
وع جزء كنت لسه طابعه من الماستر وقتها الجزء ده كنت تعبان
فيه اوى بس ضحكه الطفل وقتها نسيتنى اى حاجه
وقتها لما روحت شغلى بالليل ما لحقت اغير طبعا التريقه اشتغلت كشعب مصرى
ايه وايه وكده يعنى وربك امر بالستر

http://banatmisr.com/up3/uploads/1465115600412.png

رمضان مشهور بالأكلات و العصائر والحلويات
فما هي الأكله المميزة لرمضان في بيتك
وأي من الأكلات تحب و المشروبات والحلويات ؟

بالنسبه الى الاكلات النواشف انا بحبها جدا يعنى مكرونه بالبشامل جلاش
بوفتيك كده بصفه عامه النشويات اما بالنسبه للحلويات
كل ما تتخيله من الحلويات انا بحبه انا اصلا شخص مدمن حلويات
وبالنسبه للمشروبات بينى وبين العرقسوس عشق لا ينتهى
اشرب وانا متوجع وبطنى ع اخره واقول كفايا واشرب كانى بشرب علشان انسى

http://banatmisr.com/up3/uploads/1465115600412.png

هل تدخل المطبخ في رمضان وان دخلت ماذا تفعل ؟

انا شخص مميز جدا ف المطبخ شخص بدخل علشان اكل بس
لكن اطبخ لا انا خيبه اوى ف الطبيخ بس ف الاعمال المنزليه التانيه
جيد فيه يعنى وخصوصا ف سكن الطلبه كانوا بيستغلونى علشان
مابعرف اطبخ ومش حقولك بقى اهل الخير والصحاب لما يحبوا بعض
بيعلموا ايه

http://banatmisr.com/up3/uploads/1465115600412.png

اذكر أكلة مميزة أعددتها بنفسك و طريقتها ان أمكن ؟

بقولك خيبه ف الاكل تقولى عملتها بنفسك وحته طبعا لا انكر
امكانيتى كشيف معتبر برده ممكن اقولك طريقه الجبنه بالقوطه
والبيض المسلوق والله كمان بعرف اعمل البيض بانواعه
مسلوق اومليت عيون والتلاته اللى فاتوا

http://banatmisr.com/up3/uploads/1465115600412.png

متى أخر مرة ملكت فانوس رمضان ومن أهداه لك ؟

اخر مره كانت السنه اللى فاتت من انسانه عزيزه عليه جدا
د جنت ايوب رحمه الله عليه الدكتوره المشرفه ع البحث
بتاعى ف جامعه بوسطن وهى من اوصلتنى الى المكانه
والتفكير الفلسفى الذى اتحدث به والذى اخذ بسببه الكثير من
نظرات الاعجاب

http://banatmisr.com/up3/uploads/1465115600412.png

هل تتابع المسلسلات التي تعرض في رمضان ؟

مش اوى لما اكو ن بقى ف المستشفى لما اتسحر
خصوصا انى بصراحه مش من هواه استنى الحلقه وكده
انا بستنى لما يخلص رمضان واجيب المسلسل عندى
ماعنديش خلق استنى الحلقه طول ماعندنا الامكانيه تيجى الحلقه
لحد عندنا

http://banatmisr.com/up3/uploads/1465115600412.png

ما رأيك فيما يقدمه التليفزيون الآن في رمضان ؟

فن ساخر لا يقدم اى قيمه فنيه الا مع القليل دراما غرضه المكسب
اسلوب رخيض غرضه لم التبرعات احيانا يعنى مثلا دور
الاعلام المصرى الوحيد اللى بيسخر اسلوب الشحاته من ع التلفزيون
يعنى ممكن اى موسسه خيريه تصرف اعلانات الدنيا علشان
تزود الدخل ونبقى متصدرين ف تقديم الشو الاعلانى ف شحات متميز مبتكر

http://banatmisr.com/up3/uploads/1465115600412.png

ما هو المسلسل أو البرنامج الذي يذكرك دائما برمضان قديمًا ؟

هو مافيش غيره بكار وبوجى وطمطم ايوه انا الشخص الوحيد
اللى لا يمكن يفوت بكار ف رمضان

http://banatmisr.com/up3/uploads/1465115600412.png

كيف تستعد لاستقبال العيد ؟

ادى زى اى انسان بشترى لبس العيد واحيانا مش بشترى
بروح عند قرايبى نتجمع نلعب نهزر وخصوصا انا شخص
يعشق الجو العائلى اتنين متخصمين اجمعهم اهزر اعمل مقالب
بس الحاجه الوحيده اللي بحضر ليها اكتر واحد بيشترى كميه صواريخ
ف العيد ومن شبرا ووصيه هههه

http://banatmisr.com/up3/uploads/1465115600412.png

ما هي مظاهر العيد في مدينتك ؟

زى اى مدينه عاديه بصى الصعيد بصفه عامه مش بيبقى اى مظاهر
غير ضرب الصواريخ ف الشارع طبعا غير مصر ومناطق البحر
هما منطقتين اما ملاهى فرغل هههه او نادى المسلم حتى اسالى الماجيك

http://banatmisr.com/up3/uploads/1465115600412.png

هل تشتري ملابس للعيد الى الان ؟

لا عادى احنا كبرنا بقى الحاجات ديه احنا ممكن نشترى لحد
لكن لنفسى انا الشخص اللى اعرف اشترى لغيرى
ف نصف ساعه لكن ليه خيبه جدا

http://banatmisr.com/up3/uploads/1465115600412.png

هل تأخذ عيدية ام تعطي؟

لا بدى مافيش حد بيدى عديات ابتى وان اخدتى بتوزعيها

http://banatmisr.com/up3/uploads/1465115600412.png

الكحك و البسكوت واخواتهم من مظاهر العيد عند الجميع
هل تصنعه في البيت ام تشتريه وماذا تفضل ؟

لا بنعمله ف البيت وانا من الاشخاص اللى بتعشق خبيز العيد
ومش بهمد الا لما اسعى ف الارض فساداً واخلص عليهم

http://banatmisr.com/up3/uploads/1465115600412.png

موقف حدث معك في العيد ولن تنساه ؟

عادى موقف صغير بسيط كنا انا وصحابى شاغلين ف موقف
ف حصلت خناقه كبيره ع المنتدى ولانى شخص بعرف اختار
اصحابى عارفين اننا بنفصل مشكلتنا وعلاقتنا جوا عالم النت
وعلاقتنا الحقيقه ع الواقع الا لو كان الشخص ده شخص يقذف ويسب
ف ده بيبقى انتهى من صفحاتى نهائيا المهم جات السيره
وقولتهم يعنى حتعملوا ايه ولا حد يعرف يعمل حاجه كنا قاعدين
قدام بيتنا راحوا جايبين حبل وماما كانت موجوده وراحوا ربطنى اقولهم
طيب فكونى اجدعان عيب كده قعدت تلات ساعات مربوط
ربنا يمسيهم بالخير عمر ماحعرف ناس زيهم ف حياتى

http://banatmisr.com/up3/uploads/1465115600412.png

كلمة لاعضاء منتدى بنات مصر؟

المنتدى شى جميل يجمع ثقافات جميله
ياريت نحاول نقلل من خلافتنا حبه مش عيب انى اغلط
بس العيب انى استمر بغلطى ساعات بجد
بحس بشى كده وحش لما اشوف ناس مصممه تستخدم اسلوب
وحش ف التعامل عموما ربنا يكرمنا جميعا وكل نفس بتغلط
وخير الخطائين التوابين وانا بعلن اى انسان زعلته بدون قصد
ف انا اسف من كل قلبى واى انسان غلط فيه انا مسامحه بقلب
كبير

http://banatmisr.com/up3/uploads/1465115600412.png

الى هنا تنتهي حلقتنا
شكرًا لك نورت الحلقة
وكل عام وانت بخير
هدية بسيطه من البرنامج يارب تعجبك

http://banatmisr.com/up3/uploads/1465248744281.gif

انتظروني بكرة ان شاء الله وحلقة جديدة

تحياتي