منتديات بنات مصر - دمعه حائره في رمضان

http://banatmisr.com/up3/uploads/1465115469351.jpg

السلام عليكم ورحمة الله وبركاته

كل عام وانت بخير

بعمل برنامج بمناسبة الشهر الكريم
حواء في رمضان
يشرفني ان تكون ضيفه فيه

وعليكم السلام
كل عام وانتى بخير ايمى
وبنعاد عليكى الايام بالخير يارب واسرتك
شكرا على الدعوة الجميله

http://banatmisr.com/up3/uploads/1465115600371.png

كيف تستعدي لاستقبال الشهر الكريم ؟

فيه حاجات خاصه بالبيت الاول
طلبات وترتيب يعنى نشوف ناقص
ونشتريه لان بتكتر العزومات
ومابقدرش اخرج كتير فى رمضان
كمان بحب اوى اشترى فانوس وحاجات
مرتبطه برمضان سواء مفارش
او ادوات للمطبخ
ده غير استعدادى انا النفسى
وبحاول مايكونش عندى اى التزامات
متأخره عشان افضى للصلاة والقرآن

http://banatmisr.com/up3/uploads/1465115600371.png

شهر رمضان شهر مختلف عن باقي الشهور
فماذا يعني لكِ رمضان ؟

شهر العبادة والصفاء النفسى
وده من احب الشهور لقلبى برتاح فيه
جدا واى تعب صحيا او نفسيا الحمدلله
بيروح ده غير صلة الرحم وزياره الاهل فيه
باختصار فيه نفحات ايمانية بتميزة

http://banatmisr.com/up3/uploads/1465115600371.png

ما هي مظاهر رمضان في بيتك و مدينتك ككل ؟

فى الشارع كتير تلاقى الزينة والفوانيس
والسهر للصبح
المدينه مش بيناموا تقريبا
لانها تجارية وبيجيلها زوار من كل حته
فيه كمان ميدان السيد البدوى هو شبه
اوى الحسين بكل مافيه من طقوس وروحانيات
المسحراتى لسه موجود حتى لو مش بيصحى حد
بس مانقدرش نستغنى عن وجوده
والاغانى بتاعته
صلاه التراويح اللى بتجمع اهل الحى
مع بعض ويمكن مش بيتقابلوا
غير من السنه للسنه
زيارات وسهرات رمضانيه
بتنظمها الكافيهاات والنادى
يعنى شهر مبهج

http://banatmisr.com/up3/uploads/1465115600371.png

ما الشيء المميز جدًا بكِ في رمضان؟

بتألق فى المطبخ واطلع مواهبى
هههههه
بحب اعمل اكلات جديدة وتلاقينى
طول الوقت ادور فى النت والقنوات
والحمد لله بحافظ على الصلاة والقرآن

http://banatmisr.com/up3/uploads/1465115600371.png

يومك الرمضاني كيف يكون ؟

بصحى الضهر تقريبا
اصلى واقرأ قرآن
واشوف هاجهز ايه للاكل
وبنتجمع كلنا سواعلى الفطار
وبعد التروايح ممكن اتفرج على مسلسل
او اخرج شويه
والنوم طبعا الصبح

http://banatmisr.com/up3/uploads/1465115600371.png

موقف حدث معكِ في رمضان ولن تنسيه ؟

مش متذكرة موقف معين
بس ممكن تجيلى عزومة قبل الفطار بساعتين
مثلا وده بيحصل كتير ربنا يخليه بابا بقى
واحس بتوتر واشتغل بسرعه
بس ربنا بيسترها ونكفى الناس
ومره كنت راجعه من اسكندرية
والمغرب اذن علينا فى الطريق
بس لما رجعنا لقينا الفطار جاهز
من واحده قريبتى
فرحت اوى هههه

http://banatmisr.com/up3/uploads/1465115600371.png

رمضان مشهور بالأكلات و العصائر والحلويات
فما هي الأكله المميزة لرمضان في بيتك
وأي من الأكلات تحبي و المشروبات والحلويات ؟

الحمد لله بعرف اعمل كل الاكلات
بس بفضل المشويات والمحاشي اكتر
طواجن فى الفرن وكده انماالحلويات
لازم كنافه وقطايف ولقمه القاضى
لازم حاجه منهم كل يوم
واى نوع عصير بقى

http://banatmisr.com/up3/uploads/1465115600371.png

هل تدخلي المطبخ في رمضان وان دخلتي ماذا تفعلي ؟

ههههه زى ماتفعليه بالظبط
وقدرى اللى مش عارفه اهرب منه
لابجد بستمتع جدا فى المطبخ
وانا مطبخى منظم ومريح فيه كل حاجه
الحمد لله بتساعدنى

http://banatmisr.com/up3/uploads/1465115600371.png

متى أخر مرة ملكتي فانوس رمضان ومن أهداه لكِ ؟

آخر فانوس لسه جايلى امبارح
نور راحت اشترته بنفسها
فانوس كبير للبيت

http://banatmisr.com/up3/uploads/1465115600371.png

هل تتابعي المسلسلات التي تعرض في رمضان ؟

ممكن مسلسل او اتنين بالكتير
وبختاره حسب الفنان
يعنى عادل امام اواحمد مكى
بس اتمنى يكون فيه مسلسل دينى
هانسفيد منه اكتر

http://banatmisr.com/up3/uploads/1465115600371.png

ما رأيك فيما يقدمه التليفزيون الآن في رمضان ؟

حشو وتضيع وقت الناس
لكن انا بحب اتابع البرامج الدينيه
وخصوصا عبله الكحلاوى ودعاء عامر
بستفيد جدا منهم

http://banatmisr.com/up3/uploads/1465115600371.png

ما هو المسلسل أو البرنامج الذي يذكرك دائما برمضان قديمًا ؟

بكار وبوجى وطمطم
بيفكرونى وانا صغيره

http://banatmisr.com/up3/uploads/1465115600371.png

كيف تستعدي لاستقبال العيد ؟

بنزل اشترى لبس وكحك العيد
مابقناش نعمله فى البيت زى ايام تيته
وبحب اشترى ورد جديد
واغير مفارش الصالون ههههه

http://banatmisr.com/up3/uploads/1465115600371.png

ما هي مظاهر العيد في مدينتك ؟

زحمة اوى وخصوصا فى الملاهى والمولات
مش بعرف اخرج فيها لكن بسافر

http://banatmisr.com/up3/uploads/1465115600371.png

هل تشتري ملابس للعيد الى الان ؟

مش مرتبط لبسي انا بالعيد
لانى بشترى فى اى وقت
انما الاطفال لازم يجيلهم لبس جديد

http://banatmisr.com/up3/uploads/1465115600371.png

هل تأخذي عيدية ام تعطي؟

ههههه انا باخد عيديه لسه
وبنتخانق عليها كمان بس بهزار

http://banatmisr.com/up3/uploads/1465115600371.png

الكحك و البسكوت واخواتهم من مظاهر العيد عند الجميع
هل تصنعيه في البيت ام تشتريه وماذا تفضلي ؟

لحد وقت قريب كنا بنعملوا فى البيت
مع العيله وكده
لكن خلاص بنشترى جاهز

http://banatmisr.com/up3/uploads/1465115600371.png

موقف حدث معكِ في العيد ولن تنسيه ؟

كان وقت بابا فى عمرة ومحضرش العيد معانا
عدى العيد كأنه يوم عادى خالص ولاحتى خرجنا فيه وكان اسوأ عيد

http://banatmisr.com/up3/uploads/1465115600371.png

كلمة لاعضاء منتدى بنات مصر؟

كل عام وانتم بخيرويارب دايما متجمعين
على المحبه والاحترام
واهتموا اوى بالعبادة فى الشهر ده وعلى طول
لان الدنيا قصيرة اوى ومش هايبقا
لينا الا العمل الصالح

http://banatmisr.com/up3/uploads/1465115600371.png

الى هنا تنتهي حلقتنا
شكرًا لكِ نورتي الحلقة
وكل عام وانتِ بخير
هدية بسيطه من البرنامج يارب تعجبك

http://banatmisr.com/up3/uploads/1465332117521.gif

تحياتي