( بقى دا كلام 5 ) مع ( ღهمس الحنينღ ) بسم الله الرحمن الرحيم مزاج الخير http://forums.banatmasr.net/images/s...miles2/133.gif اهلا بيكم جميعا والحلقه الثانيه من ( بقى دا كلام 5 ) http://www7.0zz0.com/2016/06/02/15/729887378.gif البدايه انا عامل توبيك جديد اسمه ( الحق ما يزعلش ) بستضيف عضو والمفروض انه يقول رئيه فيكم وهيكون ليكم حق الرد . دى كانت رساله بعتها لجميع الضحايا http://forums.banatmasr.net/images/s...miles2/133.gif وكان ردهم تمام موافقين . http://www7.0zz0.com/2016/06/02/15/729887378.gif تعالو نشوف ياترى ღهمس الحنينღ اتعمل معاها ايه :67: ودلوقتى تعالو نشوف اول رساله كانت عبارة عن ايه بصى دا كان رد الضيف لما سئلته عنك . ايه رئيك فى تواجدها بالمنتدى وشايف انها مفيدة للمنتدى والا لا ؟ طيب همس عضوة مميزة جدا اسلوبها جميل جدا بترد بشكل مميز على المواضيع بتدى نشاط كبير فى اى قسم بتدخله ولكن . فى شويه حاجات بعتب عليها فيها لما بتدخل فى نقاش مع حد لام كلامها هو الى يكون صح ماينفعش تتفاهم وتشوف مايمكن انتى غلط ودا حصل كتير جدا ولما حد يعترض على كلامها بتشتكى لادارة المنتدى فدا عيب كبير فى همس . مانكرش ان ليها مواضيع قويه جدا فى قلم الاعضاء لكن فى مواضيع كتير بيخونها قلمها وبرضو مش مقتنعه ولو حد اعترض بتزعل فياريت زى ما بيقولو تشرب واحد ليمون قبل ما تدخل المنتدى ( بهزر ) .:D http://www7.0zz0.com/2016/06/02/15/729887378.gif بعد ما شافت اللكلام دا طبعا كان قلبى عندها وعارف انها جريت جابت ليمون وردت بالرد دا :a_027: اولا تسلمى يا معرفش مين طبعًا لرئيك كل الاحترام وشاكره زوقك فى ثنائك وسعيده بنفس الوقت ان وجودى لفت نظرك بجد امر بيفرحنى تسلمى عليه ثانيًا نقدك غير صحيح بالمره ومش عارفه جاتلك ازاى فكره انى مش بقبل اى رأى غير رأى لو حضرتك بتابعى كويس نقاشاتى كلها بعرض الفكره وبترك المجال لكل الاعضاء تتناقش فيه سواء نقاش فى صفى او ضدى او حتى لو فى اختىلافات فى وجهات النظر لكن ردودى على كافة النقاشات بناقش فيها العضو ومافيش مره ولا رد ليا اصريت على كلامى او وجهة نظرى انما لو امور هتتعلق بمبادئ عندى وقتها بالتزم مبدأى حتى لو ضد وجهة نظر غيرى امر اخر وده فعلا استغربته منكِ لانه محصلش منى نهائيًا انى لجأت للاداره فى شكوى ولو انتى عندك دليل هاتى الدليل هنا بالعكس المره الوحيد اللى حصل فيها شكوى كانت مقدمه ضدى وكانت لساحر الاحزان ودمعه حائره وقتها وضدى انا يعنى مش انا اللى قدمت شكوى امر كمان حصل انى كتبت نقاش اعتراض على ردود منفره لبعض الاعضاء هنا وحولها الماجيك شكاوى ووقتها انا اعترضت لانها مكنتش شكوى كان نقاش واتنقل ومذكرتش ولا خصيت بالذكر اسم عضو واحد فى المنتدى فى اى شئ لالالا انت هنا بتتكلمى فى شئ محصلش ازاى توجهى ليا اتهام محصلش ثم حبيبتى مش همس اللى تروح للاداره تشتكى لا يا قمر انا لو بيحصل شئ بروح للعضو نفسه واكلمه مش بحب انا اشكى ولا ضعيفه عشان حد يجبلى حقى ده لو على فرض انى هشتكى نصحيتك ممكن اتقبلها لو كانت صحيحه بمناسبه القلم معلش ياقمر عمرى ما فى يوم قولت ان قلمى افضل الاقلام ولا انى مقبلش نقد انتى بتقولى كلام وخلاص لكنى اثق بقلمى كثقتى بنفسى فلم ولن يخذلنى قلمى قط حتى وان لم يرق للبعض فلكل منا وجهة نظر وتفكير خاص به وما عليا سوى احترام الغير واحترام الاقلام بكل انواعها وبتقبل اى نقد ضدى او لمصلحتى فالامر النهائى انى بكتب لانى بعشق الكتابه بكتفى http://www7.0zz0.com/2016/06/02/15/729887378.gif كل دا رد دا انتى فاضيه بقا هههههههه عموما اقنعتها ان الضيف شاف كلامك ورد عليه تانى . تمام بص يا احمد ا مش عرفه هى زعلت ليه ودا طبعها تقريبا زى ما قولت بتحب تكون هى رقم واحد ومحدش ينتقدها مش حابه ندخل فى خلافات لان اغلب كلامها كذب واسفه انى بقول كذب بس دى حقيقه لوحابه اقولك اسماء اعضاء اشتكتيهم لساحر اقولك والحمد لله ان دمعه موجودة فى المنتدى لما الحلقه تنزل اكيد هتشوفها وتقول الاسماء دى فعلا اشتكت همس منها والا لا وفى اعضاء كتير اشتكوها لادارة المنتدى بخصوص تركها لقسم قلم الاعضاء وتصر انها تمسك النقاش اكيد فى حاجا ورا لكلام دا دا اخر رد ليه لو حابه ترد على كلامى مفيش مشكله وانا متاكده لما تعرف انا مين هتتاكد من كلامى شكرا . http://www7.0zz0.com/2016/06/02/15/729887378.gif طبعا عارف ان الرد رخم شويه بس هى بنت حلال وتستاهل تعالو نشوف كان ردها ايه . لا انا مزعلتش من كلامك خالص وردى بناء على اتهامك انتى اللى بتاخدى الكلام بحسب فهمك وهاتلى الاسماء اللى انا اشتكتهم ودمعه هنا وانا شخصيا بثق فى دمعه كثقتى بنفسى لو دمعه قالت انى اشتكت لها من اعضاء وقت ما كانت اداره ياستى هعتزل علنا هنا مش بخاف كمان عندك الفيلسوف والماجيك هنا اسأليهم اشتكت لهم امتى واشتكيت من مين امر كمان انتى بتدخلى الامور فى بعض اولا تركى الاشراف على قلم الاعضاء كان بناء على طلب منى للماجيك بعد وفاة والدى رفض وتركلى مده وكررت طلبى تانى للماجيك بترك الاشراف لظروف وافق بشرط اوعده انى ارجع مشرفه تانى لما ظروفى تسمح الماجيك موجود واسألليه لما الفليلسوف طلب انى ارجع مشرفه عرض عليا كذا قسم انا اخترت النقاش لان بحب القسم الحوارى ولانى بكتب نقاش كتير ثم عيب عليكى تقولى بكذب ايه بكذب ايه هو بالعافيه تتهمى بدون ادله وعاوزه اوافق ولو اعترض ابقى بكذب لا كمان واضح انك متعصبه منى اوى معرفش ليه بس امر يرجعلك انما الاتهام بدون دليل مش هقبله ولو اقسمتى على كده غير انا لا قولت انى صح ولا قولت ابدا انى مقبلش كلام غيرى بقولك انتى فعلا بتقولى كلام للعرض بس يا بنتى بفضل الله انا بحترم الكل وبحترم اى نقد طبيعى ازعل لما حد ينتقدنى بس لو نقد بحق مبزعلش وبعدين ياقمر مردش عليكى عليه انا عادى خالص برد ومنتظره الادله بتاعتك واسماء اللى اشتكتهم للاداره بس بشرط تجيبى نص الشكوى ده لو فيه شكوى من الاساس يا قمر تسلمى http://www7.0zz0.com/2016/06/02/15/729887378.gif ودلوقتى مع الرد الاخير وياترى عملت ايه لما عرفت :m46: الاول يا احمد احب اقولها كويس انك اتعصبتى فياريت تشربى ليمون زى ما قولتلك قبل ماتدخلى واحب اقولك يا حبيبتى انا morshooo http://forums.banatmasr.net/images/s...miles2/m37.gif ومفيش ضيف والا حاجا ودا كان مقلب وعلمت عليكى :D ها ايه رئيك بعرف اعمل مقالب والا لا والنبى :D قوليلنا ايه رئيك وحسيتى ايه وانتى بتشوفى الكلام دا وتقولى ايه لاعضاء المنتدى بمناسبه شهر رمضان . هههههههههههههههه قمسًا بربى انت مستفز ياعنى يابن الحلال حرق دم واتهامات وبنت مصممه بطريقه غريبه واشرب ليمون وفى الاخر تطلع انت حرام عليك يابنى أدم والله ربنا على الظالم ومش هسكت انا الا بهديه يالا امر ى لله ماشى يا ابو محمود مقلب حرق دمى بجد منكرش بس كل عام وانتم بخير ورمضان كريم على الامه الاسلاميه كلها يارب وتعيش يا مورشو وتحرق دمنا ولا يهمك كل عام وانتم بخير http://www7.0zz0.com/2016/06/02/15/729887378.gif وبكدا بيخلص المقلب الثانى ^_^ ياترى مين هيكون صاحب المقلب الثالث :197: |
عيني عليكي ابسنت روح ياشيخ منه له عصبت البونيه وحرقت دمها معلش بسنت تعيشي وتشربي ليمون^_^ |
انا مش زعلان غير علي كميه الليمون اللي شربتها عملت ازمه ليمون في رمضان من كتر الناس اللي دعت عليك يا مروشو هتموت وانت واقف معلش يا همس انت طيبه علشان كده الواد ده استفزك نورتو بمقلب |
شربتى ليمون واحنا ف رمضان فطروكى كمان ادعى ي بنتى ع مورشو احنا ف صيام وربنا بيتقبل بس عجبنى الهدوء اللى ف الردود بصراحه تعيشى وتنقلبى بقا وانت ي مورشو تعيش وتعمل مقالب |
شربوكي الليمون بسنت هههههههههه حلقة حلوة تسلم مورشو |
انا الجملة دى ضحكتنى تسلمى ياللى معرفش مين هههههه حرام عليك همس غلبانة اوى حلقة حلوة منك اخى مرشوا وتسلم همس بعفويتها الجميلة |
هى كلمة اشربي واحد ليمون قبل ما تدخلى المنتدى دى لوحدها تحرق الدم اصلا ههههههه مروشو انت بتجيب الحاجات دى منين ابقي اكتبلى ورقة بكل الحاجات ال تحرق الدم ممكن احتاج استعملها ولا حاجة زى روشته كدا معلش يا همس هنعمل ايه .. مقالب مروشو لا بد منها ههههههه |
ههه مهو دى عوايدك يارشرش مش غريبة عليك منورة همس نعم الاخت والاخلاق الحميدة كل سنة وانت طيبة |
عينى عليك هموس هههه بس جميله فى ردك رغم عصبيتك ومورشو يارب يتعمل فيه مقلب وافرح فيه عشان يبطل اللى بيعمله فى الاعضاء ده |
ههههههه اسمى مكتوب ياعينى يابسنت انت مفترى امرشد |
الساعة الآن 12:05 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب