منتديات بنات مصر - " لحظة بس "!

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - " لحظة بس "! (https://forums.banatmasr.net/msryat554051/)

" لحظة بس "!

لحظة بس؟
/
قبل ماتمشي وآسيبك
لحظة بس؟
بعترف آني بحبك
آنتي بس؟
/
وآني قلبي عمره ماهيروح
لغيرك او يحس
لحظة بس
/
تفهمي فيها الحقيقة
اللي مدريها
آني هبعد غصب عني
وقلبي باكي
/
بس قلبي قالي مره
خاف عليها
وآني آضحي بكل
حاجة كانت
معاكي
/
قبل ما تمشي ونبعد
لحظة بس
شبعي عيوني بملامحك
وآهمسيلي
/
رجعي بسمة شفايفك
وآثبتي بيها وجودك
وآضحكيلي
نشفي الدمع اللي نازل
من عيونك
فوق خدودك
وآسمعيني
/
شبكي آيدك ف كفي
خلي آحساسك
ف صفي
بدلي بآحضان حنانك
قسوة الدنيا ومافيها
وودعيني
/
قبل ما تبعد قلوبنا
عن شعور كان لينا حاله
آستحاله هكون ناسيكي
/
عشقي آنتي وروحي فيكي
بس م الآفضل بعادنا
قلبي قالي آخاف عليكي
والفراق شيئ مش
بآيدنا
/
قولي ليا السيم بتاعنا
وآنطقي كلمة حبيبي
لحظة بس تشيل وجعنا
آنتي فعلاً مش نصيبي
/
لحظة بس
!

جميله جدا والموسيقى اللى ف الكلمات عجبتنى
تسلم ايدك ودام ابداعك ي منشاوى

ابداع وكلمات جميله متناغمه
تسلم فارس ويدوم التواجد الجميل

آيه ياحكاية
منة يادمعة ^^
منورني وربنا
وبحب مداختلكم دايماً
منورني ومشرفني

كلمات جميلة منك اخى المنشاوى
دوما مبدع اخى بقلمك الرائع

اسعدك الرحمن

كلمات سلسة وبسيطه ومتناغمة
دام قلمك وابداعك
لروحك السعادة

فيدوووو
مونايه
منورين العاميه كلها
ومشرفني ف قصايدي آكيد
تحياتي وتقديري ..

لحظه بس ..

شاوري نفسك واسأليها

ايه لازمة العند اللي فيها

قبل ما يضيع الطريق مننا أو نحس

لحظه بس

***

المنشاوي يدندن بكلماتك نغمه موسيقيه جميله

لحن سلس .. كلمات خفيفه تنساب عزف علي وتر

راقت لي كثيرا ً منشاوي

ودي وتقديري

حكاية حب
/
منور جميع قصائدي ..
واهلاً بك قلماً جديداً مبدعاً
تحت سماء صرحنا العظيم
منور وشاكر آعجابك وخربشتك

انت اصلا حروفك حكايه
ربنا يزيدك ابداع بجد
يسلم قلمك منشاوى ويسلم وجودك الجميل بالعاميه