|
" تعالو نلعب عاميه " ..! السلام عليكم / رمضان كريم ع الجميع وكل سنة وانتو جميعاً بخير وطيبيين / ف البداية آحب آقول .آن قسم العاميه من الآقسام اللي بتربطني بيها مشاعر وآحاسيس كتيرة ف سنين كتيرة ..آول ما آبتديت آكتب شعر كتبت ف آبداعات الآعضاء كان فيه فترة كدا ف الفورم ماشيه خلطابيطة ^^ اللي بيكتب بالفصحي يكتب معاه عامي ف نفس القسم يكتب خواطر ف نفس القسم وهكذا / لما الآمور آتحسنت شوية ف الآقسام الآدبية وبقت كل حاجة مُحددة وآتفهم القسم دا بتاع آيه والقسم دا بتاع آيه بعض الآقسام نجحت بس نجحت بالبلدي كدا ..علي قفة الكلمة العاميه الشعبية ^^ / واللي بقصدة هنا آن القسم العامي هو اللي بتخرج منه الكلمة البسيطة الكلمة اللي جواية وجواك بالطريقة الشعبية اللي كلها سلاسة وتلقائية لو بصينا ع بعض الآقسام الآدبية الآخري اللي نجحت طبعاً بمجهود مُشرفيها القائمين عليها دا آمر مفهوش جدال ..بس لو بصينا عليها كويس هنلاقي السبب الآول والآخير ف نجحها الكلمة ؟ ولو شوفنا معظم الكلام ..هنلاقيه معظمة عامي؟ ومن هنا بقول / آن القسم العامي دا هو الناس هو الآحساس .هو الشعور .هو الكلمة البسيطة اللي بتوصلني وتدخل قلبي بدون آي آستئذان وهو آساس نجاح الآقسام الآدبية اللي حوليه حتي من قبل ما يتوجد؟! / آنا بعشق الحرف العامي وبلاقي نفسي فيه وبحس بمتعه رهيبة جداً لما بعمل قصيدة او بقول شوية كلام بيأثرو فيا وف حد غيري قمة المتعة آنك تقول حاجة جواك وف الآخر خالص تقراها كآنها خارجة من حد غيرك مش منك ..وتحسها بطرقتين ؟ طريقة اولي وهو آحساس الكاتب ..والطريقة التانية وهي آحساس القارء / المهم القسم دا جميل جداً واللي آنا بشوفو ف معظمكم آنكم بتميلو للعامي آكتر زيي وعشان كدا جتلكم آنهاردة نعمل حاجة سوي كلنا منها تسلية ومنها سهرايه ومنها دندنة ومنها مُشاركة وآستمتاع ومنها بنستفاد من بعض؟ / آن شاء الله قيثارة الصمت بعد مسابقتها اللي شغالة دي هتبدء تشتغل علي مسابقة ضخمة ف القسم العامي بطريقة جديدة وآبتكار جديد ومحدش فكر فيه قبل كدا ..والمسابقة آنا هكون مجرد مُساعد فيها لمنة وعندي توقعات آن آي حد بيحب العاميه والشعر العامي والكلام البسيط آو عنده هواية الشعر والكتابة هيشترك فيها / بس قبل ما تيجي المسابقة دي ..تعالو نلعب سوي ؟ ندندن سوي ؟ نستمتع مع بعض بالكلمة وبالقسم العامي ؟ كل اللي بيحب القسم هيجي معاية هنا نتعلم العاميه آكتر مش بورقة وقلم؟ ولا بكلام مؤرخين ولا بكلام شعراء؟ عشان آحنا مش شعراء؟ آحنا هواة؟ تعالو نتعلم آكتر آزاي من نفسنا نوزن الكلمة ونجيب اللحن ؟ ونخرج الآحساس بتلقائية .. / القصيدة العامية بتعني فكرة؟ والفكرة بتولد الآحساس والآحساس بيولد الكلمة والكلمة بتجيب اللحن؟ واللحن بيجب الوزن :03: حد فهم مني حاجة؟ ههههه آولاً آنا مش عامل الموضوع دا عشان نقول ابن خلدون قال كذا والبوحتري قال كذا مع اني معرفهش مين ههههه انا عامل الموضوع دا نلعب فيه ونهزر فيه ونخرج فيه آحساسنا او كلمة هنقولها بشكل حلو يعني مثلاً هجيب فكرة صغيرة وتشتركو معايه فيها هنا هعرض مشكلة صغيرة وكل حد فينا يكتب عليها باللحن وطريقة ووزن وبكلام مختلف ونشارك كمان بعض ف اللي بنكتبه يعني هجيب الفكرة وهقول مثلاً للعضوة فجر؟ يافجر يلا وريني كدا هاتي لحن معين واوزني عليه كلام معين يناسب الفكرة دي ونبدء نعرض افكار كتيرة ونشارك بعض كلنا فيها فهمتو حاجة مني؟ / المقصود من دا ايه؟ اننا لما هنشارك بعض هتعرفو انا مثلاً بفكر آزاي عشان آخرج بقصيدة؟ فجر بتفكر آزاي؟ حازم منة الناس دي وكلنا هنشارك بعض ونبدء نسابق بعض ف الآخر مين هيخرج باللحن وكلمة ووزن آجمل / دا كله هيكون جوة التوبيك دا بدون مسابقات بدون جوايز بدون ما حد يقيمنا آحنا اللي هنقيم نفسنا بنفسنا وآحنا مش عاوزين جوايز وآحنا بنقول الكلمة عشان نستمتع بيها ونجتمع عليها ونتلاعب بيها ونلعب معاها ونهزر ونستفاد / لحاد ما تيجي مسابقة قيثارة الصمت ..نكون ادربنا كلنا مع بعض وسابقنا بعض وتعبنا بعض هههه وكتبنا حاجات كويسة ..نخش مسابقتها بقة بمستوي يفرقع الدنيا بآذن الله.. / بقول آيه؟ .. آتنين عايشين زي الآغراب وآساسهم كان مُصطلح الحب قفلو ف آحاسسهم مليون باب ومحدش فيهم حن بقلب / دول آتنين كانو بيحبو بعض آوي وكان حبهم على ما بيقولو يعني وقتها مبني علي مشاعر صادقة بس تفتكرو ان دا ممكن يكون واقع؟ البني آدم لما بيكون بيحب حد وبيفارقه وحبه دا بيكون فعلاً صادق لازم يحن لايامه لكلامة لصوتة يحن آنه يشوفو يحن لضحكته لهزارة لغلاستة لعصبيته يعني بيكون اصلاً مفارقه بس هو جواه ومش سايبه؟ / الآتنين دول آكيد اللي بنهم مكنش حب ؟ ممكن يكون كان مجرد شعور بالحب آو وهمو نفسهم آنه آحب عشان آحتياجهم للحب / لو انت حسيت كدا الموقف وجيت تخيلت انك حبيت بس محبتش؟ او ضحكت على شعورك وحسسته انك بتحب بس هو حب وهمي لآحتياجك لحد يقولك بحبك وتقوله نفس الكلمة / وآكتشفت دا وبعدت وبعد ما بعدت لقيت مفيش آي حنيه آو آي حاجة مخلياك بتحن او عاوز تحن للشخصية دي آتخيل كدا؟ طب آتخيلي طيب ياآنسة :03: وهاتو كدا لحن معين وتعالو نكتب عليه مين هيبدء معايه الآول؟ ومين هيلعب معاية لعبة العاميه؟ |
يا عم انت فرهدتني من كتر القرايه وأنا صايم الله يسامحك :314: بعد الفطار بقى وعليك خير ابقى أشوف انت بتقول ايه المهم الأخ اللى قاعد ورا اتخيل؟ طب الأخت اللى بتخرط ف البصل هناك اتخيلت؟ اتخيلت انت طيب يا مانش؟؟؟ ههههههههه عموما سيبنا كده نتخيل بس بعد الفطار معاك يا كبير ان شاء الله |
ههههههه طب انت اتفرهدت من كتر القراية انا اعمل ايه اللي بكتب وبعيد ع القراية هههه / الناس اللى قدام اتخيلت؟ الراجل ابو طربووش ابيض اللي هناك اتخيلت؟ هههههه / مستنيك |
حبيتك اه ويمكن لا حسيت بقلبي ليك دق بس بعدنا فيوم وليله فكرت حياتي هتبقي طويله لكني عشت عادي من غيرك سامحني يبقي كتر خيرك كلمات صغننه كدة سريعه بقي الفكرة حلوة فارس لكن الموضوع طووووووويل حرام عليك ايه الرغي دة كله |
لازم تدي الموضوع حقه ف اللت والعجن ههههه المهم ما تيجي نغير الطريقة يا ايمي ونشوف كلامك ممكن يمشي بآنهي لحن اسهل ..؟ يعني مثلاً لو خلناه / حبيتك يمكن آة آو لاء والقلب معاك وعليك آهو دق / وبعدنا مابين يوم آو ليلة فكرت آنها فترة طويلة ولكني بعيدة عنك انا عيشت / كتر خيرك فعلا ليك حق / حبيتك يمكن آة آو لاء / آيه رآيك؟؟؟ حد عنده لحن تاني ؟ |
هههههه يااااه ده الصيام بيخلينا نتخيل حاجات ومنشاوى يكتب عاميه ومربعات ويقولنا تعالو شاركونا باحساسكم ونقول راجعين بعد الفطاربالحلويات |
لا يا مانش بتاعتي احلي ^_^ انت عارف ماليش فالعامي بس قولت اشارك بكلمتين منور بقي |
لازم تكون آحلي عشان بتاعتك يا ايمي ههههه / ولو ملكيش ف العامي يبقة ليكي وبدل الكلمتين يبقو 100 ^^ / مين عنده الحان تانيه للمشكلة دي ؟ مين تخيل معايه |
تخيل يوم تقوم من النوم على قصة هواك بتضيع تحاول تفهم ده ليه وازاى وتغرق جوا صمت فظيع ووهم كبير بحجم كل كلمة حب قولتوها وطلعت كدب وبدون تفسير اتبنى بينكم سد منيع تخيل يامنشاوى :172: ده تخيلى للموقف ايه رايك؟ |
اااااااااه بغض النظر على طــــــــــــــــــــــــــــــــول الموضوع اللى صدعنى هههههه مش متعودين منك على كده ومنشاوى بالراحه علينا شويه بس الحمد لله تم الوصل الى اخر الموضوع بسلام وفهمت المطلوب وشكرا لانك بعتلى الموضوع واكيد طبعا معاكوا |
مفكرين الحب يملانا اتاريه وهم عايش جوانا ولو كلمه حلوه اتقالت فجاه تبقى ساحرانا ولو دورنا فى قلوبنا هنلاقى حروف تقلقنا كلامنا ده مش حب دى الدنيا كانت سارقانا كتبتها بسرعه معلش ^___^ |
تخيل يوم تقوم من النوم على قصة هواك بتضيع تحاول تفهم ده ليه وازاى وتغرق جوا صمت فظيع ووهم كبير بحجم كل كلمة حب قولتوها وطلعت كدب وبدون تفسير اتبنى بينكم سد منيع تخيل يامنشاوى ده تخيلى للموقف ايه رايك؟ آنتي نجمة مفيش كلام يامنة ^^ آحساس فظيع وبتقولي الكلام بمشاعرك بجد طب يلا نعمل حاجة كويسة كل واحد يقولنا فكرة نكتب عليها كام بيت |
هو احنا نيجى جمبك ايه ياكبير ده انت المعلم ومنك بنتعلم :) يلا نلعب على فكره جديدة بفكر فيك بمناسبه الخاطره الجديدة بتاعتى وده جزء منها ومش بإيديك ولا بإيديا نعيش قصتنا من تانى وأكيد عارف وحاسس بيا فى غيابك قد إيه أنا بعانى ولسه ليك جوايا حنين يناديك بيعزف غنوة ألحانها بفكر فيك |
طب يافجر بصي كدا .. / مفكرين الحب مالينا اتاريه وهم وعايش فينا تخرج من جوانا الكلمة كلها حب وشوق يهوينا وتبقة معاني الهوي سحرانا بس العجلة آكيد سرقانا لو هندور جوه قلوبنا هنلاقي كله كلام يقلقنا وآن شعورنا آساسه الكدب علشان آحنا ف حاجة للحب / \ آيه رآيك ف دي؟؟ |
فى يوم جانى وفكرنى بحبه زمان وقالى فاكره انا وانتى واللى بينا كان وقولتله!! اكيد فاكره حكايه كدب عشناها ولو اقدر امحى الماضى وانساها مش اتاخر عشان بالوهم بدأناها ياريت تمشى وتنسى كلمه قولناها فى لحظة ضعف انا وانت ظلمناها ده اصل الحب مش كلمه يادوب تتقال ده صدق مشاعربيترجم كده لاافعال وجوه القلب مقداره سنين متشال وبس كده😊 |
نقدر نعدل وراك يا استاذ عملتها بيتين شبه بعض كلها حب وشوق يهوينا زى يهوانا كده كده احلى اكيد |
يعني وصلنا فين كده يا كبير نكتب عن ايه؟ |
طب يا منة يادمعة حائرة انا هعمل شغلانة وارجع اسهر معاكم بقة ههههه عشان كدا القعدة هتحلو |
يا دكتور ده الموضوع الاول آتنين عايشين زي الآغراب وآساسهم كان مُصطلح الحب قفلو ف آحاسسهم مليون باب ومحدش فيهم حن بقلب / كتبنا كلنا اكتب انت بقى |
طيب خلاص لو دخلت انا تانى ابقى اكمل معاكوا |
د/ عبدالله وصلنا لحد فكرة دمعة حائرة / ومش بإيديك ولا بإيديا نعيش قصتنا من تانى وأكيد عارف وحاسس بيا فى غيابك قد إيه أنا بعانى / آتخيل وآكتب بطريقة تانيه لهذه الواقعه ^^ / فجر آحنا كلنا هنا آخوات وكلنا نعدل علي بعض ونقول لبعض مفيش اى مشاكل يلا يادوك يلا يافجر |
اقتباس:
تسلمي خلاص أكتب أنا بقى |
طب فكرة دمعة حائرة معاك برضه يعنى هتكتب للاولي ولفكرة دمعة كمان |
بالتاكيد طبعا منشاوى طيب احنا كده هنكتب تانى على فكره منه |
اقتباس:
وليا في سكتك كل يوم قصة أبدأها واستنى للحروف مرسى ياخدنا الحرف ويسافر بلا رجعه تزيد التوهه وقلوبنا بالوجع حاسه وليا في هواكي صبر مش صابر يقولى الصبر أنساكي..أقوله مش قادر مليش ف الهوى حيلة ولا بيدي وأصبّر صبري وأتمنى يقول حاضر |
طريقك كان جميل كانت احلى االايام ماطلبتش غيرك بديل وقولت فيك احلى كلام رضيت انا بالقليل وكنت نورك فى الظلام بس التقديرعليك تقيل مش كل الحب غرام حبنا بقى مستحيل مش هرجع تانى للالام بس ده |
وتوهنا ف سكة مفقودة مابين آها وبين عوده / تقول مشاعرنا مش قادرة عشان حنية موجودة / ترجعنا لليالينا لحب آساسه كان لينا / مصمم آنه يحيينا ويحيي قلوبنا من موتة / وتهونا ف سكة مفقودة |
اقتباس:
ولا كان بإيدك و ايديا نتفارق ونبعد تاني وتسكن الدمعه عنيا وتموت جوانا أماني ياللي القدر وهبك ليا ارجعلي نسيني احزاني إلدنيا قسوه وحنيا يا دنيا حلوه ارجع تاني لم توجه لي الدعوه وبالصدفه شوفتها الحق اشارك بمقطوعة دمعه |
من غير دعوه يا فندم حضرتك تنور الموضوع للجميع بدليل انى برد اهو هههه مش كده منشاوى |
اقتباس:
تسمحلى أقول أنا شايف مقطوعتك ازاى: لا كان بايديك ولا ايديا نبعد ونشقى من تاني وتسكن دمعه بعنيا وتموت جوانا الأماني يا قدري وكل ما ليا يا أحلى حاجة ف زماني الدنيا قسوة وحنية ارجعلى نسيني أحزاني شوف وقول رأيك.. |
طب مهي ممكن تبقة كدا يادوك / ولا بآيدك ولا آيديا هنبعد برضه من تاني / وتسكن دمعة ف عنيا تجمع كل آحزاني / تودع فيكي حنيه وتقتل جوانا آماني / ياقدري وكل ما ليا ياآجمل حاجة ف زماني / ::: آيه رآيك؟ |
في لعبة العاميه كل شئ مسموح نطلع بيها نرجعها تعالي بقي مع دي اسمحيلي اعترف حياتي من غيرك خريف في بعادك الدنيا صعبه كل شئ قاسي ومخيف حتي حرفي من تايه بين الهزيان والتخاريف آه بحبك يا حياتي |
تسمحيلي آعترف الحياة بعدك خريف وف بعادك الدنيا صعبه كل شيئ قاسي ومُخيف حتي حرفي مني تايه بين حقيقة وتخاريف / طب آيه رآيك كدا؟ نشوف الدوك وفجر هيشكولها آزاي |
انا شاعر لكن بمشاعر وبلاقي ف حبك شيئ مني وآن صيبتي غرامي بشيئ واعر يهاجرني الشعر بعيد عني وبتوه ف المعني وكلماته تناديني ف وصفك عبراته وآبقة الفنان فوق المسرح والناس تُعجب بيا بفني وان كنت انا نجم ف وسطيهم آنا نجم عشان ليكي بغني / |
| الساعة الآن 04:29 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب