منتديات بنات مصر - شاعرة الرومانسية في رمضان

http://banatmisr.com/up3/uploads/1465115469351.jpg

السلام عليكم ورحمة الله وبركاته

كل عام وانت بخير

بعمل برنامج بمناسبة الشهر الكريم
حواء في رمضان
يشرفني ان تكون ضيفه فيه

http://banatmisr.com/up3/uploads/1465115600371.png

كيف تستعدي لاستقبال الشهر الكريم ؟

كل سنه وانتى طيبه ايمى وكل حبايبك بخير وصحه جيده
زى كل المسلمين بفرحه وبهجه لانه شهر العباده والخير والحب ياريت كل السنه رمضان

http://banatmisr.com/up3/uploads/1465115600371.png

شهر رمضان شهر مختلف عن باقي الشهور
فماذا يعني لكِ رمضان ؟

العيله واللمه والرحمه والألفه بجد
يمكن هو الفرصه الوحيده لجو العيله
واللمه الى محرومين منها طول العام

http://banatmisr.com/up3/uploads/1465115600371.png

ما هي مظاهر رمضان في بيتك و مدينتك ككل ؟

مظاهر الاحتفال برمضان بتختلف فى المدينه
عن الريف ومن بلد لبلد وانا كنت محظوظه
انى عشته فى طفولتى فى البلد وفى المدينه
وفى ايطاليا وفى مصر
وبجد له زكريات روعه عندى
مستحيل انساها

http://banatmisr.com/up3/uploads/1465115600371.png

ما الشيء المميز جدًا بكِ في رمضان؟

روح العيله والعزومات الى بتقسم وسطى
طول اليوم بالمطبخ
وكله كوم وتشطيب المطبخ بعدها
كوم تانى هههههههه

http://banatmisr.com/up3/uploads/1465115600371.png

يومك الرمضاني كيف يكون ؟

انا بقى بلاحسد كدا ههه طباخه شاطره
يعنى بيتاويه قوى احب اتفنن فى الطهى
واحب اعمل الحلويات والمحاشى
والمشويات كيف بقى عندى
بصحى حوالى 9 فى نهار رمضان
اقوم ارتب البيت والمطبخ
وافكر بقى اعمل ايه افنن كدا فيه
واجهزه وبعدين اصلى الضهر واقرا بالمصحف
واريح شويه للعصر اصلى وادخل بقا المطبخ ومش بحب حد يساعدنى ابدا
احب كل حاجه من ايديى
وبعيدبن الفطار واشطب المطبخ واصلى
وكدا يعنى ههههههه

http://banatmisr.com/up3/uploads/1465115600371.png

موقف حدث معكِ في رمضان ولن تنسيه ؟

نسيت مره وأكلت ساندوتش وشربت
وما افتكرت الا بعد ماشربت الشاى
هههههههههه فضحونى بيها

http://banatmisr.com/up3/uploads/1465115600371.png

رمضان مشهور بالأكلات و العصائر والحلويات
فما هي الأكله المميزة لرمضان في بيتك
وأي من الأكلات تحبي و المشروبات والحلويات ؟

الحلو ماليش فيه كتير يعنى مش كيفه حضر او ماحضر
مابتفرق ولكنى بموت فى الجاتوه بالشيكولا
والبسبوسه بالقشطه
وبعشق عصير المانجو موووووووووت

http://banatmisr.com/up3/uploads/1465115600371.png

هل تدخلي المطبخ في رمضان وان دخلتي ماذا تفعلي ؟

يووووووووووووووه دا شغلتى

http://banatmisr.com/up3/uploads/1465115600371.png

اذكري أكلة مميزة أعددتيها بنفسك و طريقتها ان أمكن ؟

انا هاقولك طريقه البط المشوى عملته انهارده

طبعا بطه مغسوله غسيل كويس وننقعها
فى المااء مضاف ليه الخل والليمون
وبعض من الملح
عشان ريحه الزفاره وكمان الخل
بيحافظ على احتفاظها بقيمتها الغذائيه
وبينقيها من اى ميكروبات

تعالى بقى نحضر التتبيله بتاعتها
المقادير

طبعا البطه ههه
فلفل اسمر مصحون
2 وحدات فلفل احمر واخضر
ويفضل يكون حار
مستكه وحبهان وملح
وورق لورا

التتبيله بقا

2بصله -- 2 قرن فلفل احمر واخضر
2 معلقه سمنه - معلقتين زيت اى زيت
بتستخدميه
معلقه فلفل اسمر - وزيها شطه
وزيها عصير ليمون

تفرمى الفلفل حلو ناعم والبصل وتشوحيه
بالزيت واسمن وتهدى النار وتضيفى
المقادير الى عندك
وكمان الكسبره المسحونه والكمون
عشان الريحه بقا

الطريقه

تضعى نصف الحله ماء على النار
وتضيفى ليها البصل والفلفل الاسمر
والمستكه والحبهان والورق الورا
تهدى النار حتى تصل نصف سوى

نخرجها من الماء ونصفيها جيدا

نجيب المخلوط ونضعه عليها كلها

نضع بالصينيه زيت وبصله وفلفل مقطع حلقات ونضع البطه فوقه
وضعه بالفر حوالى نص ساعه

وبالهنا والشفا

وادعولى بقا

http://banatmisr.com/up3/uploads/1465115600371.png

متى أخر مرة ملكتي فانوس رمضان ومن أهداه لكِ ؟

بصراحه كل سنه بابا بيجيبه لى

http://banatmisr.com/up3/uploads/1465115600371.png

هل تتابعي المسلسلات التي تعرض في رمضان ؟

مش قوى انا بحب التركى ههههههههه

http://banatmisr.com/up3/uploads/1465115600371.png

ما رأيك فيما يقدمه التليفزيون الآن في رمضان ؟

صراحه مش متابعه بتابع بليود فقط

http://banatmisr.com/up3/uploads/1465115600371.png

ما هو المسلسل أو البرنامج الذي يذكرك دائما برمضان قديمًا ؟

بوجى وطمطم ههههههه

http://banatmisr.com/up3/uploads/1465115600371.png

كيف تستعدي لاستقبال العيد ؟

بالكعك طبعا والبسكويت والبتيفور هههه

http://banatmisr.com/up3/uploads/1465115600371.png

ما هي مظاهر العيد في مدينتك ؟

العيد فرحته تقريبا واحده ربنا يسعد الجميع

http://banatmisr.com/up3/uploads/1465115600371.png

هل تشتري ملابس للعيد الى الان ؟

طبعا ههههههههههه دا شىء اساسى

http://banatmisr.com/up3/uploads/1465115600371.png

هل تأخذي عيدية ام تعطي؟

بعطى والحمد لله

http://banatmisr.com/up3/uploads/1465115600371.png

الكحك و البسكوت واخواتهم من مظاهر العيد عند الجميع
هل تصنعيه في البيت ام تشتريه وماذا تفضلي ؟

ماما علمتنى نعمله بالبيت بس على حسب
لو مفيش وقت او لينا مزاج نعمله بالبيت
بنعمله

http://banatmisr.com/up3/uploads/1465115600371.png

موقف حدث معكِ في العيد ولن تنسيه ؟

كان سرقه للاسف وانا كبيره حوالى 17 سنه
لاقيت شاب فى ضهرى وبيقطع الشنطه
بمطوه وقفت مكانى رحت قالع الشنطه
من كتفى ونزلتها على الارض
عشان ياخدها ويسيبنى
هههههههههه
بعد ما اخدها وجرى
كنت هاموت من الخوف
ولا نطقت بكلمه

http://banatmisr.com/up3/uploads/1465115600371.png

كلمة لاعضاء منتدى بنات مصر؟

اقول لهم بحبكم جدا وربنا يسعدكم جميعا

وكل سنه وانتم طيبين

وانتى ايمى ربنا يخليكى حبيبتى

ويارب الجميع بخير

http://banatmisr.com/up3/uploads/1465115600371.png

الى هنا تنتهي حلقتنا
شكرًا لكِ نورتي الحلقة
وكل عام وانتِ بخير
هدية بسيطه من البرنامج يارب تعجبك

http://banatmisr.com/up3/uploads/1465852089761.gif

تحياتي