" وبرضه الشعر مش واصفك "! بحبك ياللي من ضيك يغيير الكون وبكتب شعر لعيونك وكله فنون وبرسم بالقلم وصفك وبرضه الشعر مش واصفك لكني بدوب ف تفاصيلك كما المجنون / وهجعل شعري بهواكي يكون مفتون وينطق حتي بالمعني وبالمضمون بآنك كل آبحارهُ وليله وسُهده ونهاره وآنك مدخل العشاق وساكنه تملي ف ديارهُ وآنه ف عشقك السامي عايش مديون / ف قلبك توهت بالمعني وآنا وشعري ف حيره ونار بتخلص كل معانينا ف وصفك تركع الآشعار وقلبي البيه صبح عبدك ولا يقدر ف مرة يخون / عيونك جنة والجنة لناس ولناس وآنا مؤمن بكل هواكي جوايه وبالآحساس آنا عارف بآن الجنة ويايه وآنك من بنات الحور وشعرك بُستان الؤلؤ وكله غصون / سبيني آتوه ف معانيكي وآغني بكل حرف آتقال يا آصل الشعر والموال سبيني آعيش ف تكوينك وآنيم نفسي ف جبينك ويبقة الحلم جواكي ولو هقدر آموت فيكي انا موافق ف قلبك؟ آصبح المدفون / ده حسنك ف الوجود آيه وآسمك غنوه ف لساني وبحلم تبقي ويايا وقلبك يبقة علشاني ونهرب م الوجود فينا نسافر كوكب العشاق وتبقة حياتنا م اللهفه حنين وشجون / بحبك ياللي من ضيك يغير الكون.. وبرضه الشعر مش واصفك / المنشاوي..! |
الله عليك بجد ماشاء الله جميله جدا فوق الوصف كلمه واحساس ووزن ومعنى جميل ربنا يزيدك ابداع ويديم تواجدك الجميل نجومى وتقييمى |
عالمى ومبدع كلمات فى منتهى الجمال تسلم منشاوى |
|
جميل منشاوى ومشاعر بتحكى وتقول وتشكى روعة انت |
ورااائع كالعاده وكلمات رائعه يدوم ابداعك تحياااااتى |
تروقني جدا القراء لك منشاوي دام نبض كلماتك |
أكتر من رائعة يا منشاوي كلمات وإحساس وموسيقى.. فوق الوصف هقولك رأيي بس في حتتين: عايش مديون... عشان تمشي مع اللحن محتاج تخطف عايش متنطقش الألف رأيي ممكن تخليها مثلا: صبح مديون الحته التانية: وشعرك بستان لؤلؤ وكله غصون أولا شايفها مش ماشيه مع اللحن وتقيلة شويه ثانيا بستان لؤلؤ متمشيش لأن اللؤلؤ مش بيتزرع رأيي ممكن تخليها: وشعرك عقد من لؤلؤ بيسحر قلوب وعيون أو: وشعرك جنة من نرجس وكله غصون وفي رأيي أنك تختم القصيدة بالقافية اللي أنت ماشي بيها م الأول يعني كنت قفلتها ب : بحبك ياللي من ضيك يغير الكون دي مجرد أراء قولتها وشوف رأيك ايه فيها تحياتي ليك يا نجم العامية |
اقتباس:
ربنا يخليكي يا منة ..مشرفاني دايماً والله وربنا يدوم التواجد .. ربنا يعزك.. |
اقتباس:
الآبداع موجود ف آسمك يا منة كوكب الشعر العامي بدون منازع ربنا يعزك..منوراني |
الساعة الآن 07:33 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب