" فـ قُـرب العيد "! ( ف قُرب العيد ) / وبعد سنين بيتجدد لؤانا ببعض بدون حكايات ولا حتي سلام بالآيد وملامحها الرقيقه زمان محاها البُعد وتتبدل بشكل جديد بحزن شديد وبصة من عيون فيها تقول ياجراح تعيد القصة من تاني ف قرب العيد / تقدم خطوة والتانيه ف وشها خوف يقول الهجر كان لينا ف ظل ظروف وتحكي عنيها ليالينا بكل سكوت ودمع غرامها متآلم بنظرة شوق سجين ف النني ورموشها عليه سجان وقلب النبض جواها ف كلبش حديد ف قُرب العيد / بتتجدد فينا المواعيد لكنك توهتي من قلبي ف سكة موت وخدت عزاكي بجراحي بعلو الصوت وناري الوالعه بغرامك دي مش بتئيد وكل مشاعري وياكي بقت ف جليد ف قُرب العيد / كانت آحلامنا نرسمها وتطرح نور وعش الحب بانينه وعاملين سور بهمسة ولمسه بنرفرف نكون طايريين نحلق ف السما ونلعب داير ميدور وننسي بحبنا الدنيا ونبقة طيور ونهرب من عيون الناس نروح لبعيد ف قُرب العيد / كانت لحظة وداع بنا بتنهي الشوق ودمعك من عينك نازل علي الآيام مكنتش جواكي ف لحظة فتي الآحلام هجرتك وآنتي فيتالي ف قلبي جراح مكنشي الحب جواكي بشكل مُباح وراجعه بتحلفي آني ف هواكي فريد ف قُرب العيد / آنا من بعد آيامك بقيت آنسان خلعتك مني وقلعتك لبست جديد ف قُرب العيد / مجرد شعر ...! |
مع انى متنرفزه منك .. :( بس حلوه كلماتك ^^ |
مش مجرد شعر ما شاء الله تبارك الله عليك امبراطور في العامية بشكل مذهل اشكرك بجد منشاوي على كل اشعارك وكلماتك |
اقتباس:
ربنا يخليكي متشكر آوي |
جميلة. اوي وخصوصا اخرها ثانكس.. |
|
في قرب العيد تتجدد بنا المواعيد وتجمعنا خطاوينا وتتشابك يا حبي الايد يا حلم جميل بتجمعنا بإصرار كل يوم بيزيد ومن بعد الفراق راجعين ونتقابل في يوم العيد *** لحن جميل سلس ينساب رقه وعذوبه ليس بجديد عليك الابداع منشاوي بتعجبني موسيقي الكلمات اللي دايما تصاحب حروفك الرقيقه كن بخير يا رفيق الدرب مودتي وتقديري |
رائع اخى المنشاوى. مبدع العامية انت سلمت ودام روعة ما تنثره هنا أسعدك الرحمن وعيد سعيد ان شاء الله عليك وعلى الأسرة بلاش تفرقع بومب ابقا هههه |
رائعه بكل ماتحمله الكلمة مبدع يامنشاوى وكل مره تكتب اجمل تسلم اخى ويدوم التواجد الجميل |
شهادتى دايما فى حروفك العاميه مجروحه منشاوى ربنا يزيدك اخى تقديرى ونجومى |
الساعة الآن 11:27 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب