|
على الشباك http://banatmisr.com/up3/uploads/1467322047711.png علي الشباك تملي أنا واقفة بستناك أسقى الوردة والفله واستني منك ولو طلة تاخدني معاك وناس في الرايحة والجاية يشاوروا عليا ويقولوا شاغلها هواك تغيب عني تحيرني وعارف هاصبر اكمني روحي واخدها معاك ياما ليالي تزعلني تسكت ولامرة تفهمني بس أنا فهماك حتي لو بتكشيره ونظرة عينيك دي تأشيره تاخدني معاها للجنة أعيش وياك وهافضل يوماتي كدة استني علي الشباك mena_hassan 30-6-2016 |
جميلة اوى منة تسلم ايدك قمرى ويدوم نبضك الحلو دوماا |
رائعه كالعاده يدوم هذا الابداع غاليتى تحياااااتى |
ولحروفك نكهة خاصه ... تسلمي حبيبتي ويدوم الابداع لروحك السعادة |
عارفة لما قريتها افتكرت مشاهد في الافلام المصرية القديمة ايام فاتن حمامة وشادية وزهرة العلى وسعاد حسني زمن فيه حاجة كدا مختلفة حتى لو كانت الافلام دي ابيض واسود بس نفس الاحساس الي بيعشنا فيها مختلف الشباك كان سر التقاء العشاق بشكرك على هذه المعزوفة منة بجد شكرا |
الله الله عليكى دمعه دايما كلامك بيخطف قلوبنا ويعيشنا معاه حكايات جميلة تسلمى يا رب ويدوم الابداع الجميل |
حتي لو بتكشيره ونظرة عينيك دي تأشيره تاخدني معاها للجنة أعيش وياك تسلمي بجد حلوه اووي ♥ منتظره جديدك |
الله يامنه جميله اوى حبيبتى تقديرى وتقييمى |
علي الشباك لقيتها الحلوه واقفه هناك شاورتلي ورمشها سلم انا بستناك قولت يا حلوه سامحيني علي النظره بتقتلني وتحيني علي الشباك روعه بجد يا دمعه تسلم ايدك وقلمك وقلبك مودتي وتقديري |
ايوة بقا...رووعه يامنه فعلا ااا فكرتني باغنيه نجاة الصغيرة سلاسه تلازم قلمك الرقيق دائما دمت مبدعه ورائعه |
| الساعة الآن 09:50 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب