منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   ابن النظام (https://forums.banatmasr.net/msryat555574/)

a7med -3del 07-06-2016 03:08 PM

ابن النظام
 
في بلدنا دي ممكن تشوف
الحاجة عادي وعكسها
ويبقي اللي قلبه عليها
بيقطع فيها
وواقف ضدها
لا ينفع حتي تحلم
ولا هتحقق احلام
لو تمشي الف خطوة
مبتطلعش لقدام
اعلام
شغلتهم كلام
اي كلام في اي كلام
عادي جدا لو يقول
علي الحلال انه حرام
وكله يهون علشان عيون
وخاطر ام النظام
اه يابن النظام
بتكلمني عن الامانة
وانت غرقان في الخيانة
وتسميني كمان عميل
علشان بقول راي بصراحة
شوفت البجاحة
اعلام العار يابلادي
بيهد من بعدي ولادي
نموت نضيع شايفه ربيع
احنا في وادي وهو في وادي
بيعلمونا الغدر بس
الصيغة مغلفة
بيزرعو في عقولنا
كل فكرة متخلفة
ويصورو الخاين امين
والامين ابن ستين في سبعين
بدلو كل الحقايق
عملو كل اللي يضايق
وانت لو متضايق
سافر تبقي تمام
اه يابن.....
جاهل وقال
هاثور علي حكم الاخوان
قولنا عادي
وحقه انه يعيش في امان
كان رافض كل الاوضاع
التخابر ومرسي باع
ودلوقت بقي ياكبير
فين تيران ولا صنافير
وعشان خيبتك تقيلة
ساكت وانت شايفها نيلة
اصلك عبد وحالف
تعيش و تموت جبان
مشكلتك مش مصر
ومش اي وطن
انت كرهك للاخوان
فعلا خلاك ح... ان
جبان
Ahmed adel
6-7-2016

شاعر الحب الحزين 07-06-2016 04:20 PM

الله يصلح حالك يا مصر ويهونها على أهلها

كلمة الحق لازم تتقال وانتا قلت الحقيقة بسطور مؤلمة واقعيا وجميلة ف صياغتها

الدنيا فانية لا هي دايمة لرئيس ولا غيره ولا حد هيتخلد فيها

الله يعطيك العافية ابو عادل

منور شاعر الثورة

جبل عالي 07-08-2016 01:22 PM

واهو كله نظام ابن نظام ....ابن نظام
ولا عارفين مين فيهم ...واللي ...حرام
ومين اللي فاكرينه ...تمام التمام ...



لك ولنا الله يامصر


الساعة الآن 12:10 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w