منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   كومبــــــارس (https://forums.banatmasr.net/msryat555798/)

شاعر الحب الحزين 07-10-2016 06:51 PM

كومبــــــارس
 

فهمت الدرس دور كومبارس

دوري فيكي يا دنيا

امثل اني مبسوط وانا بموت

في كل ثانية

دور صغير في مشهد كبير

واسم الفلم دنيا فانية

دوري اني اتبهدل مع اني بعرف امثل

احسن من الناس التانية



كومبارس وزيي ناس كتير ظلمهم دورهم

كومبارسية ولسه بيستنوا ييجي دورهم

اللي دوره الخداع عجب الجمهور

اللي دوره يجرح عاش ف سرور

واللي رضي بدوره مات شعوره قصاد غرورهم

كومبارس مثل بذمة واختفى وسط ضلمة نورهم



دور البطولة لناس جبانة

دور الشرف لأهل الخيانة

دور الصدق للكدابين

دور الأمان لخاينين الأمانة

ولينا دموع عنينا ومشاهد الإهانة

ومين يتواضع مرة ويمثل الدور معانا



مين فينا مكنش يتمنى يلعب دور البطولة

ومين فينا اللي لعب دور البطل

في فيلم الدنيا الأبطال خاينين من الدرجة الأولى

خلوني كرهت العب دور البطل

كومبارس ف مكاني وياريتها ماشية معايا ومعدولة

مايلة دايما لسكة حزن وفشل

بكرا ينتهي التصوير العبرة ف المشهد الأخير وده ملامحه مجهولة

ورب الكون هو اللي هيكافئ عالعمل




شـــــــــــــــــــــــــــــــــــــــــــ . حــــــــــــــــــــــــــــــــــــــــ

فداااااااااااء 07-10-2016 07:24 PM

لا البطل حاله يعجب لانه حال أعوج
ولا الكومبارس حاله يعجب لانه حال مسكين
الدنيا كدا ادوارنا على مسرحها غريبة
وقليل منا اللى فاز بدور يسعده
لكن صدقت اخى شاعر العبرة بالنهاية
والله اسأل حسن الخاتمة
دام قلمك متألق وذو مضمون قيم
سلمت لهذه الروعة اخى

كريم عاصم 07-10-2016 08:10 PM

خالد
صورت لنا الحياة الدينيوية بصورة كومبارس
عبق نرجسى يسطر وثور ولكنه بروح العزوبة
وصياع يعانق السماء كروعة الإنتقاء
على الطرح الوافي
ياقيصر إبداع وتتألق غير عادى
وجودى هنا جعلنى أصل لقمة الإستمتاع
تشوقنا دائما على مزيد مما نقدمة
دام سماء فكرك ولا عدمنا جديدك
الف تحية

شاعر الحب الحزين 07-10-2016 08:56 PM

اقتباس:

المشاركة الأصلية كتبت بواسطة فداااااااااااء (Post 5037860)
لا البطل حاله يعجب لانه حال أعوج
ولا الكومبارس حاله يعجب لانه حال مسكين
الدنيا كدا ادوارنا على مسرحها غريبة
وقليل منا اللى فاز بدور يسعده
لكن صدقت اخى شاعر العبرة بالنهاية
والله اسأل حسن الخاتمة
دام قلمك متألق وذو مضمون قيم
سلمت لهذه الروعة اخى

معاكي حق كله ملاحق بعضه يا فدااااء

ربنا يحسن ختامنا جميعا يارب

تسلمي الله يسلم نبض قلبك ويحفظك

أسعدتيني بحضورك وتفاعلك وردك الفعال دوما

ربي يوفقك ويسعدك

شاعر الحب الحزين 07-10-2016 09:03 PM

اقتباس:

المشاركة الأصلية كتبت بواسطة كريم عاصم (Post 5037877)
خالد
صورت لنا الحياة الدينيوية بصورة كومبارس
عبق نرجسى يسطر وثور ولكنه بروح العزوبة
وصياع يعانق السماء كروعة الإنتقاء
على الطرح الوافي
ياقيصر إبداع وتتألق غير عادى
وجودى هنا جعلنى أصل لقمة الإستمتاع
تشوقنا دائما على مزيد مما نقدمة
دام سماء فكرك ولا عدمنا جديدك
الف تحية

تواجدك وردك هما التألق بحد ذاته يا أبا عاصم

الإبداع يستمد من طيب ردك وأثره الكبير بالنفس

سلمت يا أستاذ الكلمة الطيبة وصاحب الحضور والتفاعل القيمان دائما

أسعدتني يا ابو عاصم بروعة حضورك ونقاء ردك شهادة اعتز بها

ربي يوفقك ويسعدك

*فجر الاسلام* 07-10-2016 09:13 PM

فاكره انى قريته قبل كده
هو اتحذف ولا ايه :)
انت لسه باعت الامل فى النفوس ايه اللى حصل
ده حال الدنيا فعلا وربنا يقوينا على حالها
تسلم على الابداع تحيااااتى

بنت خديجة 07-11-2016 01:08 PM

مااجملك الحقيقة ياشاعر
تجيد صياغة الكلمات بطريقة هادئة وبسيطة وجميلة

شاعر الحب الحزين 07-11-2016 02:41 PM

اقتباس:

المشاركة الأصلية كتبت بواسطة fagr alislam (Post 5037913)
فاكره انى قريته قبل كده
هو اتحذف ولا ايه :)
انت لسه باعت الامل فى النفوس ايه اللى حصل
ده حال الدنيا فعلا وربنا يقوينا على حالها
تسلم على الابداع تحيااااتى

اه هو اتحذف هو ومواضيع كتير تانية لما المنتدى وقع

بس ده الوحيد اللي احتفظت فيه

مش حكاية أمل لا بس دي مجرد أدوار ولازم نكتب على كل لون

تسلمي ويسلم وجودك الطيب فجر الاسلام

أسعدتيني بردك الصريح وتواجدك الرقيق هنا

ربنا يوفقك ويسعدك

شاعر الحب الحزين 07-11-2016 02:44 PM

اقتباس:

المشاركة الأصلية كتبت بواسطة خديجة (Post 5038153)
مااجملك الحقيقة ياشاعر
تجيد صياغة الكلمات بطريقة هادئة وبسيطة وجميلة

تسلمي والله شهادة بعتز بيها كلامك

من انسانة مثقفة بحجم حضرتك

شرفتيني واسعدتيني خديجة بجمال ردك

ربي يوفقك ويسعدك

حكاية حب 07-11-2016 07:37 PM

جميله افيهاتك يا شاعر

حاله من العصيان تجتاح حروفك

لست بكومبارس ولكن ضحيه

كلنا ضحيه

لله الامر من قبل ومن بعد

ابدعت شاعر واكثر

مودتي وتقديري


الساعة الآن 12:12 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w