|
كنت فاكرك بتحبينى (شاعر العاميه) كنت فاكرك بتحبينى (شاعر العاميه) حياتنا بيلعب فيها القدر وغصب عننا بكل كيانا بنسلمله وبتعجز قلوبنا من الاهه وبيشيب ساعات الشعر برغم صغر سنه كان والدى سندى ولما مات حسيت انى كمان موتى قريب منه وان كل يوم بيعدى نهاره مش هيطلع واشوف اللى بعد منه ــــــــــــــــــــــــــــــــــــــــــــــــــ ـــــــــــــــــــــــــــــــــ لحد ماف يوم بالصدفه شوفت عيون وقولت لنفسى هى دى حور من الجنه هو انا مت؟ ودى جايزتى هنا من المولى عز وجلا؟ لقتنى لسه عايش فى الدنيا ودا جمال لو كنت عايز أموت علشانه استنى وبقت كل امنيتى فى الحياه هى . هى باختصار كل ماتمنى تكون بيتى واسرتى فى الدنيا وربنا يجمعنى بيها مره تانيه فى الجنه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ عشت انا وياها اجمل فتره فى حياتى وربى مفروض من عمرى ماتتحسب اليوم معاها كان ثانيه وكلمة الحب ليا منها مايكفيهاش قصادها حياتى لو تتوهب كنت اتمنى اهديها الدنيا وتكون عليها قليله كنت أتمنى اعملها العجب لكن فى يوم وقفت مع نفسى لحظة صمت وقولت انها لو ضاعت منى هيكون عليا العتب علشان كدا لازم اتحدى ظروفى ما انا ماملكشى واعمل حساب يوم يروح منى الحب اللى زى الدهب ــــــــــــــــــــــــــــــــــــــــــــــــــ ــــــــــــــــــــــــــــــــ سألتها هو انا لو جيت لعندهم ممكن تتجوزنى حتى وانا حالى معدوم قالتلى أنا أعيش معاك تحت الارض وحبى ليك مايحسسنيش ابدا إنه من شئ محروم قولتلها وانا ماقدرشى ابدا احرمك انا اسافر واغير الحال من مجهول لمعلوم قالتلى حبيبى تسافر لفين؟ قولتلها اى مكان لكن إوعدينى تنتظرينى ليوم يكون الحال غير الحال واوعدك إنه مش هيطول وهكون هنا كمان قبل اللزوم ــــــــــــــــــــــــــــــــــــــــــــــــــ ــــــــــــــــــــــــــــــــــــ وروحت اخبط فى الغربه وتخبط فيا واللى يظلمنى اقول استحمله واللى يقوللى إعمل شئ واكون مش عارفه اتعلمه ولازم اعمله ومسكت اول الخط وبقى غلطى كمان منى لنفسى اعدله وعملت فلوس وبقيت فى قمة السعاده إنى بقيت فى نص الطريق مش أوله وقولت ارجع لمصر اطمن حبيبى لبعدى واللى فاكره متحمله ــــــــــــــــــــــــــــــــــــــــــــــــــ ـــــــــــــــــــــــــــــــــــ لكن لقيت اللى صدمنى وحسيت إن الحال بقى غير الحال والكلام إتغير وحسيت من القلب عدم الاهتمام فى السؤال وعرفت إن فى غيرى متقدم وإنه بكل شئ جاهز وامكانياته عال العال بصيت فى عنيها وسألتها . قالتلى تعبت من كتر الانتظار وتغيير الآحوال رديت بكلمه واحده كفايه ومشيت وانا شايف لكل شئ مليون خيال مابقيتش عارف انا اتمنلها السعاده ولا اسئل نفسى انا مليون سؤال ليه الغدر ده ؟ هى الدنيا دى فيها حب؟ ولا قلوبنا غير الناس دى ياخال؟ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ لكن خدت الموقف ده درس وكملت طريقى واصبح ليا كيان اجتهدت واشتغلت ونجحت وبقى كل شئ امسكه تتغير ملامحه وكأنى فنان وف فتره قريبه إتغير الحال لغير الحال وبقى أكتر مما كنت أتمنى كمان بقيت حتى افضل من اللى فضلته عليا لكن مافقدتش أدميتى ك إنسان ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ ورجعتلى تبكى الندم وتقوللى إنت نور عينى ظروفى اللى عملت فيا كدا لكن انت الحب اللى طلعت بيه من سنينى انهى ارتباطى معاه وارجعلك وتحيى من تانى اللى بينك وبينى قولتلها إنسى إنتى ماحبتيش غير نفسك انا شكيت حتى إنك عرفتينى انا نحت فى الصخر انا عملت كل اللى انا فيه علشانك وكل اللى طلبته فتره تستنينى إنى أغير حالى للى أنا فيه من حال وإنتى بلسانك ده وعدتينى إنك تنتظرينى وأول مادقت على بابك الفلوس كان أسهل حاجه عندك إنك بعتينى وأنا بقلبى الطيب إللى ماتستهلهوش كنت فاكر إنك بتحبينى كنت فاكرك بتحبينى طارق الجميل الاحد 16/7/2016 |
جميل احساسك وكلامك تحسه فيه قصه كدا جسدت لنا قصه رائعه اخي تسلم ايدك دمت بحفظ الرحمن موفق |
طارق آنا مقدر تعبك جداً والله العظيم ومقدر قلمك لآنه من آرقي الآقلام اللي بشوفها داخل العاميه بس آكيد هتتفهم الموقف وتحترم قواعد المسابقة للآسف آحنا قفلنا باب الترشيح علي 13 عضو ؟ وآنت العضو ال 14 ملتحقتش بالتقديم قبل آغلاق باب الترشيح؟ آنا آسف جداً ليك ف الحقيقة وبجد زعلان آنك بره المنافسة بالقصيدة الروعه دي بس آكيد مش هتزعل وتفهم آن دا قانون اللعبة؟ وآن في عدد معين قفلنا عليه مسابقتنا؟ موضوعك هيتثبت ضمن قصائد المتسابقين كلهم .. وهيكون ليك جايزة مقدمة ليك ضمن المراكز الرابع حتي التاسع ان شاء الله ودا لتقدير تعبك وجهدك وآنضمامك ف المنافسة معانا.. بس سامحني هتكون خارج المنافسة ..وياريت تقدر وتسامحني بجد آنا آسف |
الله عليك بجد.... جسدت القصة بصورة شعرية هايلة بجميع كلماتها ومواقفها من البداية للنهاية بصراحه قلم جميل وإحساس أجمل اول مرة نتابعه....وليست الاخيرة إن شاء الله تمنياتي بالتوفيق لروحكـ السعادة |
الله الله الله على كذا روعه اخوى طارق بجد خاطره فى قصه عشنا معاك الاحساس الصادق ومااجمل قلمك الراقى وبصرف النظر عن المسابقه ومثل ماقال فارس قصيدك من اجمل المشاركات الله لايحرمنا تواجدك وقلمك الراقى لروحك السعاده |
قلم جميل وجسد القصه بكلام جميل وفكر راقي ما شاء الله عليك طارق ربي يحفظك سعدنا بتواجدك الراقي وكلماتك الجميله لك مني خالص التحيه والتقدير |
احساس عالى خى العزيز يدوم الحرف الجميل |
اقتباس:
ولكل منا قصه ومن يملك القلم هو من يستطيع أن يرسم لنا قصتنا بكل جمال حتى ولو كانت لاتحمل الا الألم انا عايز أقول انك شرفتينى بحضورك شرف البدايه |
اقتباس:
طول عمرى بقول ان النوع ده تخصصى وانى اكتر واحد ممكن يعبر بس انا من فتره هنا في المنتدى كنت قررت انى ماشتركش في مسابقات بس انا هشترك في المرحله الأولى والمرحله الأولى بس لان انا كنت نزلت في المنتدى قصتى المكونه من حلقات نزلت خمسه ولسه الباقى وماعدش عندى استعداد اكتب حلقات لقصه تانيه ف هشترك في المرحله الأولى او الحلقه الأولى وتحياتى للجميع للاستمرار...................... ده كان ردى على فكره ياغالى في الإعلان على المسابقه انا اساسامش مشترك اناالمفروض انى متحاسب على المسابقه ك ضيف شرف لان انا قولت حلقه واحده بس اللى هكتبها وحتى انا لو خارج المسابقه بسبب قوانينها ازعل اذاى بالعكس دا يخلينى احترم المكان اكتر واكتر وشخصك الكريم وكل الحاضريين أتمنى للجميع التوجد بقوه لامتاعنا ببقية حلقات القصه طارق الجميل |
مشوفتش ردك الحقيقة وانا بعتذرلك مرة تانيه آنت من المبدعين المتآلقين والشرف ليما آحنا ف المسابقة آنك تكون ضيف شرف معانا ونورتنا والله |
| الساعة الآن 05:09 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب