عشانك إنتي عشانك إنتي بسكت وعشانك بتكلم على إيدك إنتي قلبي لسه بيتعلم بيبان سكوتي لما تسأليني اخاف اقولك عاللي تاعبني ف قلبك يتألم واكلمك بلهفة لما بتوحشيني عشانك انتي بتحدى الدنيا كلها ولا بستسلم قلبي اللي عاشقك لغيرك انتي عمره ما سلم عشانك إنتي بحب دنيا عمرها ما حبتني عشانك بعيش في حياة من الوجود مسحتني عايش عشانك قبل ما اعيش عشاني ضحكتك بس اللي بتمحي همي واحزاني بتعب عشانك برتاح ف احضانك اللي بجد وحشتني بفكر فيكي بفكر ليكي وبتسأليني سرحان ليه ارد سرحان في عنيكي واخبي انا بفكر في إيه بفكر يا روحي اني اخليكي اميرة ده اللي قلبي بيحلم بيه بفكر اجيب دبلة البسها ف ايديكي وسلسال ف رقبتك تلبسيه خوفي من الجاي مش قد خوفي عليكي ربنا العالم انا بحبك قد إيه عشانك إنتي يا حبيبتي هعمل كل صعب ومستحيل ده انتي لو ف يوم تعبتي ابقى اكتر منك انا عليل ياريتها قبلك تبقى غيبتي وتعيشي انتي العمر الطويل شـــــــــــــــــــــــــــــــــــ . حـــــــــــــــــــــــــــــــــــــ |
يا عيني ي عيني هههههه المحب بيبقي عايز يعمل اي حاجه لاسعاد حبيبه جميله كلماتك تنفع اغنيه صدقني . دوام الابداع ي رب .. ودي |
رائع وجميل خالد قلمه وحبه تسلم ي الشاعر لروحك السعاده |
يا ضنايا بتفكر كتير بقي وسلاسل وحلقان يا حنين قول اشجيني يا واد قسم وسمعني دا انت بتقول ماوال |
مشاعر جميلة بين السطور اخى شاعر سلمت اخى و اسعدك ربي بمن تحب دام نبض قلمك الجميل اخى |
حلوة اوي ي خالد يبختها بيك |
جميلة مشاعر وكلمات الحب منك خالد والأجمل إحساسك بمن تحب دمت ودام قلمك ونبضك بالحب ناطق روحك السعادة.... |
الاحساس ثم الاحساس جميل احساسك وجميلة كلماتك واكتر بتعجبتي طريقتك بقفل الجملة سطرين وجملة بترجع لنفس الوزن دي دايما طريقتك وجميلة تحياتي |
جميل احساسك ومشاعرك اخي خالد سلمت لنا وقلمك الراقي ايضااً دمت في حفظ الله ورعايته |
اقتباس:
نلحنها ونغنيها يا افندم ولو بشكرك عالثقة الكبيرة دي والأجمل تواجدك وردك الرقيق اكيد نورتيني واسعدتيني بحضورك آية ربنا يوفقك ويسعدك |
الساعة الآن 11:13 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب