|
مش كل بعد بيبقي جرح مش كل بعد بيبقي جرح مش كل كلمة حب فرح ده الكلام بيكون جايب الآم وفي النهاية نشوفه صح مش كل حد يبيكنا .. هيبقي بيجرح فينا داحنا ممكن ننجرح من اللي قلبه علينا الحقيقة بتبقي دايما غير كل اللي بتنمناه نبكي جايز مش قضية واهي في النهاية حياه المهم ان نتعلم .. ده محدش عارف كل شئ نحضن بفرحة جراحنا يمكن نلاقي طريق ونشوف قلوب بتبكينا نستغرب اقرب ناس لينا ومبنفهمش لحظتها مين اللي بيدمر فينا وبعد فترة بنكتشف وببساطة بنعترف ان اللي كان خاين زمان هو اللي قلبه علينا بالعكس ممكن يبقي وجعنا في اكتر حد عاش يسمعنا ونلاقي راحة قلوبنا مع حد راح ومن زمان اوي ودعنا Ahmed adel 23-7-2016 عايز اقول رسالة مش كل حاجة هنفهمها في وقتها في حاجات بتبان بعد فترة ونكتشف اننا كنا مغيبين وتتبدل اماكن اشخاص وفي النهاية بنضحك عشان كنا يوم بنبكي |
الله الله الله معاك حق يا ابو عادل ساعات بنتخدع من ناس ومش بنعرف وبنرجع نآمن ليهم تاني وبنبعد عن الناس اللي بتتمنالنا الخير هي كده الحياة ..بس كل وقت وله ادان..ومش نهاية المطاف ايوة بنتأخر لحد ما نعرف الحقيقة ويمكن يكون فات الأوان بس مش غلط ..اهو نتعلم للي جاي تسلم ابو عادل على المعاني الجميلة دي والواقعية الحقيقة أسلوب جميل ..إحساس من القلب..إبداع في التعبير الله عليك ما اجملك |
عندك حق احيانا بيكون .. وما خفي كان اعظم مش كل حاجه بنشوفها بوقت بتكون زي ما احنا شايفيينها احيانا بتمر الايام وبنفهمها صح كلمات معبره.. صادقه سلمت اخي دوام الابداع ي رب |
كل حاجه معروف انها فى وقتها احنا الا بنستعجل الامور جميل الكلام يابن والدى |
لكل حاجه ظاهر معني ومعني تاني مستخبي مش اي موقف حزن يحصل اخد ف قلبي واقوم معبي احنا عايشين ف اكبر كدبه وربنا يصلح الحال جميل معني كلماتك تقبل مشاركتي اسجل دخولي الثاني الي ابداعاتك تحياتي لقلمك دمت في حفظ الله ورعايته |
تسلم اخى ربى يسعدك رائعه كلماتك تحياتى |
سيدي ياسيدي ع الكلام اللي بيجي م الشمخ الجواني ^^ آموت وآعرف آزاي 11 آنت ههههه |
اقتباس:
منور الدنيا تحياتي |
اقتباس:
وبنمشي امنيات مش حقايق ودي المشكلة تحياتي لمرورك الجميل |
اقتباس:
والاستعجال هو سر كل جرح لو نفتح هانشوف تحياتي |
| الساعة الآن 02:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب