امسحي كل الصور
 

خدي وقتك فكري
وابعدي لو تقدري
امسحي كل الصور
وحطي النهاية المحزنة

القرار هيكون قرارك
راضي جدا باختيارك
بس لو نبعد خلاص
هتكوني بعدي متطمنة

مفيهاش يمكن وجايز
كوني زي ماقلبي عايز
واثقة فيا متاكدة

ميهزكيش ابدا كلام
في مشاعر واحترام
الحب مش هيموت كده

هتخافي عليا
هاخاف
هتبيعي في ثانية
هابيع
وهالم حاجتي
والصور
واهي خلصت المواضيع

Ahmed adel
25-7-2016
حبيت الحالة دي
ملحوظة
كل كلامي له لحن بعمله وبغنيه ودي سكتي في الكتابة
وجل كلامي كده ولو مالقتش لفظ جديد في كل اضافة
بحس اني مقصر محدش يستني مني شعر عنترة 😄

اجمل مافي اي حرف مهما كان ....هو الاحساس فعلا
والشعر جي من المشاعر ...وتلحين الكلمه فيه اساس

وعمر الاحساس والمشاعر ماكانت عنتريه
مايميزك احمد هو السلاسه التى تتبعها بكتاباتك
فكن كما انت


اما عن الحاله والتعبير عنها
فقد اجدت بحق
وكان مشهد نراه امامنا
حوار ممزوج بموقفك فاصل
فيه الكثير من المشاعر والحيره

متابعه لجمال القلم و سلاسته

اجمل مافي كتاباتك

بساطتها وسهولتها ببساطه

جميل قلمك والاحساس فعلا اهم حاجه ف دا

لانه لاشعر بدون احساس ومينفعش تكتب شعر بارد لا مشاعر واضحهوفيه

اعجبتني الحاله

تسلم ايدك ودمت في رعايه الله

بقي عادي انك تنوري مواضيعي
الموضوع اللي ميعديش عليكي
بحس انه اتمسح
يارب يديم طلتك عليا
وبجد ببقي مبسوط بكلامك ولو حتي فيه بعض المجاملة
لكنه جميل كماهو تحياتي

هو اية دة .يعنى ما تفرق معاك.
....
هتخافي عليا
هاخاف
هتبيعي في ثانية
هابيع
وهالم حاجتي
والصور
واهي خلصت المواضيع


طيب لية كدة يا عمووونا
قول لها نسيت لية حبا
العيب فينا ومننا
فراق لية .منتمسك ببعضنا
دا العمر بيعدي سنة .سنة
وياما عشنا فرح وهنا
مين كان فى حبو زينا
تعالى نكمل حلمنا
ونبعد الحزن عن ننا
ونسلم لله امرنا
ويلا نلملم شملنا

دمت بخير
و جمال الحرف والمعنى.

ولازم يعنى موضوع الصور
دة .تعرف انا اعرف اتنين
بص ولا كلمة .بس نو صور
مداعبة بسيطة عديها .اوك

جميله اوي يجد
احب انا الكلام البسيط المفهوم
اللي فيه نغمه دا
بجد فيه كلام بقراه بحس انه لازم يتعمل اغنيه
كلمات جميل
وقصه قصيرة جميله اوي
دوام الابداع ي رب

لااااا
انا لازم اعررررف
احكببببببب مش هاعديها
مستني اهو