اسمك كان علي لساني... اسمك كان علي لساني و لسه حرفع التليفون و اقولك ياللي وحشاني انا المجنون.... . انا المسكون بعفريتك انا عاشق لياليكي و عمري ف لحظة ما نسيتك و عايش في الحياة ليكي و عشانك حكون شمشون . انا المزروع بقلب الطين انا المعجون بماء النيل و بضحك مهما كنت حزين و بصبر مهما شفت الويل و بدفع للعلا العربون . حبيبتي مهما يخونوكي و مهما يغمضوا عنيكي حتفضل روحي تحميكي و نفضل مربوطين فيكي فداكي م الشباب مليون . و مهما عسكروا حيطانك و مهما يقتلوا الاحلام حنفضل بس علشانك و نتحدي بك الايام شعارنا انتِ ام الكون . |
الله روعه بجد موزونه وكلها احساس بحب الوطن نجومى وتقييمى |
رااااااااااائعه جدا وبالتاكيد مهما حصل سنظل اوفياء للوطن تسلم ايدك اخى يدوم الابداع تحياتى |
من أروع ما قرأت في حب الغالية مصر تسلم إيديك وفكرك وقلبك وإحساسك ووطنيتك جميل يا مارد الغضب جميل يا غالي ربنا يوفقك ويسعدك |
عشق الوطن هيفضل مهما شوفنا فيه احساس جميل اخى الكريم يدوم قلمك الراقى |
الكلمات مفيهاش غلطة وجميلة لابعد حد بداية روعة جدا والنهاية جميلة بس مش بقوة البداية بالنسبة بقي لمصر.. بمنتهي الامانة ولاول مرة من يوم ماتولدت معنديش اي حنين للبلد دي وحاسس ببلادة مشاعر مستغرب ازاي وصلتلها بجد انا مبقتش احب البلد دي ولا هاكتب لها تاني لحد امتي هنفضل نضحي ونحب بدون مقابل المهم مصر ليه المهم مصر وانا مش مهم مفهمتش ليه ليه استحمل وليه وليه وليه وعشان مين بلا مصر بلا بطيخ علي فكرة انا مش خاين انا حاين وعميل وارهابي وجاسوس لو حب الوطن بيتقاس بالمنظر ده وسامحني ع اللي اتكتب تحياتي |
الله عليك يا عم المارد دا كله في حب الوطن برافوا عليك عليك |
الساعة الآن 05:04 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب