|
الحلقه السابعه .. ليه ماكنتش عايز اكمل وكنت بتمنى انها تعلمنى من شقاوتها شقاوة حبيبى اللى كنت بعد البعد ليها أقرب دا حتى لو غبت انا يقوللى ياحبيبى فينك هنا قرب أنا أصلى خايف انا من البعد تعالى قوى قرب وبلاش بعيد عنى بعيد عنى بلاش تهرب وقرب لو مش مصدق انى بحبك تعالى هنا كدا وانت تعرف بس قرب هتلاقى نبض قلبى بيذيد قوى. قوى لما تقرب علشان كد بلاش البُعد أخاف منه هنا قرب واخاف من ليالى البعد لما بتغيب وتسهر بعيد ولا تقرب وأنا نجمك ولا حبش ظهورى غير بس لو لقيتك بتقرب أقولها انتى اشقى ما عرفته من كتر انا ماكنت بقرب تسألنى وايه رايك فى شقاوتى لما كنت بتقرب؟ أقولها حقيقه كنت اخاف منها اكتر من ماكنت بقرب ياحبيبى شقاوتك خفة دم زايده تخلينى اخاف منك أقرب الناس كانت بتشاورلما تنده عليا وتجرى ورايه علشان اقرب وأنا عارف انك مكوى بنار البعد ونفسك انى منك أقرب لكن عايزك تغير جنونك وشقاوتك انا مش ههرب منك وهقرب ورغم كدا كنت بتمنى ساعات يازمن كل ماتبعد اشوفها تانى علشان الايام ماتغدرشى حاكم غدرها بيحصل وف ثوانى المهم كان بعد الضحكه نمشى ودا على امل اللقاء فى يوم تانى لكن قبل مانمشى اشوف شقاوتها واللى اتعود عليها خلاص وجدانى وبرغم الشقاوه والجنون رغمهم كانت سحرانى وكانت ظروف مكان دراستى شويه كانت عنها بعدانى كنت برجع متأخر ولازم لما افوت تكون شيفانى فى عماره كانت بتاخد فيها درس ودى تلاقيها ع الطريق وانا راجع لبيتنا مكانى تقف مع البنات فوق على السطح وعنيها على الطريق ولا تغمضهاش ثوانى وساعة لما اكون انا راجع مافيش غير الطريق ده طريق تانى اكون انا تحت وهى فوق ولا اخدش انا بالى من طيف اللى شغلانى وهى اذاى تورينى نفسها كانت تعمل الحاجات اللى مجننانى واقول معقوله دى واحده عاقله معقوله دى اللى عاشقها وجدانى كنت ف كل يوم وانا فايت الاقى صفاره وعلى نفس النغمه اسمعها اتعودت عليها ودانى فى يوم قولت لا انا عايز اعرف دى اشاره ليا ولا لحد تانى وقفت وقولت ابص؟ لقيتها هى اللى بتصفر من على العماره وبتشاور ب إديها اللى حبانى قولت يانهار ابيض! الصفاره طلعت منك؟ انتى اللى مبرجلانى؟ بتمسك شفايفها وتصفر حد ممكن يقولى وصف اللى متوهانى ان كان على الوصف انا مش هقدر اوصف حبيبى اللى مايتوصفش اتجمعت فيه كل المعانى واللى تتشاف بس ولا تتوصفش كان جميل . كان رقيق . وكان التواضع اكتر ولا يتوصفش كان مجنون. كان شقى. علشان حاببنى وحبه كان مايتوصفش كان طيب. كان حنون. واكتر من كدا اوصافه اللى ماتتوصفش كان يعبر باى طريقه ينده.يجرى.يصفر. اى شىء تتخيله للتعبير مايتوصفش حبيبى اللى انا عرفته بكل السمات والصفات مايتوصفش كان يخاف منى ازعل من شقاوته اللى ابدا ما تتوصفش اقوله لايمكن تفرق بينا حبنا اكبر من كده ولا يتوصفش دا حبيبى اللى انا عرفته . بس خان؟ وخيانته تتوصف. ماقدرش اقول ماتتوصفش وباعت. لا" مش هى اللى باعت هى بتقول كدا. لكن هل هى دى الحقيق هنتكلم عن لحقيقه فى الحلقه اللى جايه إن شاء الله طارق الجميل |
حلقاتك وان كانت طويلة فصولها ومتعددة الاانها تحتاج المزيد والمزيد من التفصيلات أيها الجميل الراقى طرقت ابواب قلبى وعقلى لتشغلهما ببديع عزفك الحانى اعتذر لتقصيرى فى الرد بداخلى امراض واحزان تمنعنى ان ارد بمايليق بمقام كلماتك البديعة لك منى التحية ولك منى السلام فانى لك محب ومخاوى |
جزاكم الله خيرا |
اقتباس:
من وجب عليه الاعتذار هو انا لتاخيرى فى الرد عليك وتطويلى فى فصول القصه ايها العاشق شرفنى ويشرفنى دائما حضورك هنا دومت بكل الود والخير |
وبتحكى مشاعر مااصعبها باسلوب رائع وبمنتهى الاحساس تسلم ومتابعه ان شاء الله |
يعنى بعد كل الحب والشقاوه دى تخون بانتظار الحلقه الجايه بقا عشان نعرف اسلوب جميل وقلم اجمل دام تواجدك |
اقتباس:
تستاهل لمتابعه دمعه حائره اسعدنى مرورك الجميل |
اقتباس:
هو فى اجمل من الخيانه بعد الشقاوه والحب مهو علشان تكون الصدمه فى مقتل لانها غير متوقعه منة الله.... يسعدنى متابعتك ومرورك |
| الساعة الآن 09:18 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب