|
حـــَافظي يا غــَربة عــَليه .. ♥ http://forum.kooora.com/user.aspx?id...Besm_salam.gif http://img.kooora.com/?i=fans%2f997523n.jpg أعلن نادي ستوك سيتي، المنافس في الدوري الإنجليزي الممتاز لكرة القدم اليوم الاثنين عبر موقعه على الانترنت التعاقد رسميا مع (رمضان صبحي ) لاعب الأهلي بطل الدوري المصري الممتاز .. وقال النادي إنه استكمل إجراءات ضم صبحي (19 عاما) بعدما حصل على إذن العمل في صفقة تصل قيمتها إلى ستة ملايين يورو (6.59 مليون دولار) وهي الأولى التي يبرمها ستوك قبل انطلاق الموسم الجديد.. رمـــَضونا إلى أشاد به الجميع ولفت الأنظار لمسؤلي النادي الإنجليزي لدرجة إنهم قالو عليه ماردونا إفريقيا :45eu9: .. صاحب ال 19 عام وال أثبت نـَفسه بسرعة وبمجرد ما لعب للفريق الأول .. فاز مع الأهلي بلقب الدوري مرتين , وكأس السوبر مرتين , وقدر ينضم لصفوف المنتخب الأول بسرعة وفي سن صغير ويتألق فيه .. رمـَضان سجل 17 هدف في 71 مبارة مع الأهلي , ولعب 6 مباريات دولية مع المنتخب وسجل هدف وحيد ومهم في نيجيريا ال كان سبب في تأهل مصر لكأس امم إفريقيا بعد غياب 3 سنوات .. رمضان كلنا عارفين إيه ال وصله لستوك ستي مهاراته ال بيتميز فيها سواء في صناعة اللعب أو كرأس حربة وهمي أو في الأطراف .. أفضل لاعب صاعد في مصر ومن أفضل لاعبي الأهلي يستــَاهل إنه ياخد حقه في الإحتراف والسؤال هنا : هل سينجح رمضان مع ستوك ستي ؟! هو بكل تأكيد هيضيف الكتير للفريق ورمضان يملك الشخصية والخبرة ال أكبر من سنه والمهارة الكافية لكدا وهو متعود عل أجواء المباريات الكبيرة والصعبة ال ممكن يخوضها مع ستوك .. لاعبين كبار ومحللين ونجوم إتوقعو ناجح كبير لرمضان مع ستوك ستي وإن شاء الله يكون توقعهم في مـَحله ونشوف رمضان ممبدع ومتألق مع ستوك سيتي ويقدم كل ال عنده ويطور هناك أكتر وأكتر ويااخذ خبرة .. كُل التــَوفيق والنجاح والتألق لإبن مــَصر والنادي الأهـَلي .. :m36: هتـــــَوحشنا يا أبو التفانين :a_021: ربنا يحفظك ويــَحميك في بلاد الغربة ده .. تـــــَحياتي : ســَلمى ^_^ ملاحظة : أعتذر بشدة عن التأخير وعدم تغطية الأخبار والأحداث ال حصلت الأسابيع ال فاتت أنا كنت دخلت وكتبت عن مبارة القمة والكأس للأهلي والزمالك وبعد ما كتبت الموضوع إتمسح ورجعت أكتبه تاني بردو إتمسح فقلت هكتبه بعدين بس حصلت ظروف معرفتش أدخل تاني لو حابين أنزل تقرير عن مبارة القمة والكأس والأبطال ال فاتت هنزلها :) |
يلا ربنا يكرم ويرزق بس بلده وناديه اولى بيه تسلمى يا سلومة |
اقتباس:
ورمضان رايح وهو حامل إسم مصر والنادي الأهلي وهيرجع لينا بإذن الله وهو ناضج وأكتر خبرة ومتطور :) وهو يستاهل إنه يحترف لإنه لاعب بالسن والموهبة ده صعب محدش يبصله .. ربنا يوفقه ويبدع ويتألق عل ستوك ستي .. الله يسسلمك ياجميلة .. تشكري عل المرور والتواجد نـــَورتيني ^^ |
رمضان يستاهل كل اللى وصله وان شاء الله يقدر يقدم عرض طيب مع سيتي هو دلوقت مبقاش بيلعب باسمه لوحده لا دا بيلعب باسم كل المصريين زيه زي صلاح والنني وجابر وكل المحترفين بره اللى بيميز رمضان انه مهاري وجسمه قوى ودي هتساعده في انه يتعامل مع المدافعين ويكون ان شاء الله نقطة قوة وركيزه اساسيه للفريق مش العكس المهم بس يتابع المدربين هناك ويسمع كلامهم كده وميتهورش في لعبه ولا يبقى اناني علشان البدايه دايما هى اللى بيبقالها الانطباع الاكبر وهو مطلوب منه يقنع جماهير سيتي انه لاعب مهاري ويتميز مع فريقه زي صلاح كده عشان يساندوه بره زي ما احنا هنا بنسانده تسلمي سلمي للتغطيه بقى بالتوفيق دايما |
اقتباس:
اهااااااا هيرفع راسنا ان شاء الله |
بعض التحفظات بعيد عن موضوع الاحتراف بشكل عام سلمي أولا هل يوجد تصريح رسمي لمسئولي ستوك سيتي بأن رمضان هو ماردونا افريقيا ؟ وهناك التصاريح الرسميه بشكل عام تتحدث عنها جميع الصحف الأوروبيه أو علي الاقل الصحف الخاصه بالنادي بشكل عام وبما انك ذكرتي بأنهم قالو هذا الكلام عن رمضان فمن المؤكد بانك شاهدتي صحف عالميه تتحدث عن الموضوع بشكل عام فأين مصدر التصريح ؟ ثانيا هل هناك دليل بأن رمضان مهاري من الدرجه الاولي ؟ وهنا في هذه النقطه بالتحديد سأذكر عام 2011 بشكل عام في عهد أبو تريكه وشيكابالا وبالفعل أبوتريكه صاحب الانجازات العديده سواء مع الاهلي أو مع منتخب مصر يبقي هنا السؤال من الامهر ؟ هل شيكا أو تريكا ؟ الاجابه هنا ستوضح بأن صاحبها هل هو مشجع كرة قدم أم محدث للاهلي فقط بشكل عام والخلاصه في هذه النقطه هل رمضان أمهر أم مصطفي فتحي ؟ والاجابه المتوقعه ستكون رمضان وهنا سأطلب دليل بالفيديو مقارنه بين رمضان ومصطفي فتحي أو كهربا بشكل عام وللعلم أتفق معاكي وبشده بأن رمضان صاحب قوة بدنيه عاليه ومن المواهب المميزه داخل مصر بشكل عام وله مستقبل عظيم ولكن كلامك مبالغ فيه بشكل عام والادله كثيره معلومه بالمقارنه بين رمضان وكهربا ومصطفي فتحي رمضان يتميز بجسمه والقوة البدنيه وطريقة اللعب الحديثه التي لا تعتمد علي المهاره بشكل عام أما فتحي وكهربا يتميزان بالمهاره العاليه جدا ومعلومه أخري بأن عبدالله السعيد بشكل عام هو افضل صانع لعب في مصر في الوقت الحالي ويتميز علي رمضان صبحي ( أخيرا ) وبعيدا عن كل شيء كما ذكرت من قبل بأن رمضان بالنسبالي وبلغة كرة القدم مصدر متعه داخل الملعب وشخصيا أتمتع بلعبه سواء مع الاهلي أو مع المنتخب أو في أي مكان يلعب فيه بشكل عام وصاحب موهبه عاليه واتوقع له النجاح مع ستوك سيتي بشرط الحفاظ علي موهبته والعمل علي تطويرها بشكل مستمر وسيكون النجاح معه دائما وأبدا سؤال اخير سلمي وعلي نفس المبدأ هل محمد صلاح أفضل من لاعبي الدوري المصري ؟ هل تريكه في عهده كان أمهر من شيكابالا ؟ الاجابه هنا ستوضح بشكل عام هل هذا الموضوع حيادي أم لا وأشهد الله بأنني اكتب هذا الرد بعيدا عن زملكاويتي بشكل عام بالتوفيق لرمضان بالتوفيق لعمر جابر بالتوفيق لكهربا بالتوفيق لجميع اللاعبين المحترفين |
اقتباس:
ربنا معاه المهمة مش سهلة بس رمضان قدها .. وعل العموم هو عارف إنها تجربة ونتيجتها وحدة وهيا التعلم والخبرة .. الله يسلمك يا كابتن .. تشكرات عل المرور نـــــــــــَورت ^^ |
اقتباس:
:m87: |
اقتباس:
لنفترض إنه مفيش تصريح وإني سمعت كدا من اي موقع مش عالمي رمضان رمادووونا حتى لو محدش قال :m56: أبو تريكة ده في كفة لوحدهاااا خالص محدش يجي جنبه ده حاجة ثانيا رمضان فعلا أمهر من من مصطفى فتحي وكهربا مش بالأهداف في الذكاء في الملعب وخلق الفرص ومهارات داخل الملعب وده ال خلاه يلفت أنظار فرق أجنبية وهو دلوقتي في ستوك ستي . إدخل اليوتيوب إتفرج عل مهارت رمضاان وإنسى المقارنات ال إنت بتقولها كفاية إنه عمل ال عملوه وهو عنده 19 سنة .. أكيد عبد الله السعيد أفضل من رمضان وأفضل لاعب في الدوري السنادي بس رمضان سنه صغيره وجاتله فرصة إحتراف كويسة وأغتنمها إيه المشكلة دلوقتي ؟؟ والمتعة ده هيا ال بيحبها جمهور الكورة يا محمود :) كل واحد ليه مهرته ومستواه ال بيتميز بيه ومحمد صلاح أفضل من لعيبة كتيرة في الدوري المصري والإيطالي ذات نفسه وأبو تريكة طبعا طبعا وبعيد عن أي إنتماء أفضل وأمهر من شيكابلا -_- لا يامحمود إنت زملكويتك عمرها مابعدت عنك في أي رد والدليل إني بتكلم عن لاعب جاله عرض إحتراف وقبله وبسأل هينجح ولا لا وإنت جاي تقولي هل رمضان أمهر من مصطفى فتحي وكهربا !!!! بالتووووفيق لجميع لعبتنا المصرية في كل مكان .. منوووووووور يا كابتن وتشكر عل المرور ^^ |
اقتباس:
رمضان ماردونا افريقيا ؟ من غير تصاريح ؟ طيب ما ممكن تقولي إن ده رأيك بشكل عام لكن متقوليش كلام محصلش ولو حصل فين المصدر ؟ ده اللي اقصده بشكل عام الغرض من كلامي مش التقليل من رمضان والكلام ده الغرض من كلامي إن تقريبا فيه ناس مش متابعه للأحداث بشكل عام وممكن تصدق أي كلام مش كده ولا ايه ؟؟ عاوز مصدر كلامك اللي في الموضوع بس سواء إن كانت جريده عالميه أو غير عالميه أبوتريكه امهر من شيكا ؟ رمضان أمهر من فتحي ؟ ماهو انا نفسي وانا بكلمك الاقي دليل علي كلامك مش مجرد كلام وخلاص هو مش تقريبا شيكا ده اللي مانويل جوزيه قال عليه لو عاوزين الاهلي ياخد الدوري كل الانديه تمسك شيكا ؟؟ بخصوص فرصة الاحتراف شيكا خارج من مصر وهو افضل لاعب في مصر من حيث المهاره ولكن راح عمل ايه ؟؟ مش كل تجربة احتراف بتنجح بشكل عام عموما كلامك كله مجرد كلام علي ورق وحاجه ترجعلك طبعا لكن الكلام في الكورة بيكون له مصادر بيكون له أدله نتكلم بناءا عليها بشكل عام مش كلام وخلاص بس الاهم حاليا إن بعد مقولة تريكه امهر من شيكا رمضان أمهر من فتحي وكهربا أحب اقولك تسلم دماغك الكرويه اللي من الدرجه الاولي وتسقط دماغ مانويل جوزيه ونقول تاني انا اللي خلاني دخلت فتحي وكهربا وشيكا في الموضوع كلامك في الموضوع اللي مفيش أي ادله عليه المفروض انك بتقولي علي لسانهم بس تقريبا مشوفناش أي تصاريح ليهم من النوعيه دي أما بخصوص محمد صلاح يبقي هنا سؤال برضه هل محمد صلاح أحرف من مصطفي فتحي أو رمضان أو ايمن حفني ؟ من الناحيه المهاريه بشكل عام ؟ نقطه اخيره رمضان صبحي يا اخت سلمي بيعتمد علي الطريقه الحديثه وطريقة اللعب الحديثه لا تعتمد علي المهاره بشكل كبير بل القوة البدنيه وده اللي بيميز رمضان صبحي أما مصطفي فتحي ف هو مهاري من الدرجه الاولي وده مش كلامي عموما ده كلام كتير من الخبراء بس حاجه اخيره رمضان صبحي أمهر واحرف لاعب علي مستوي القاره الافريقيه هل يوجد لرمضان فيديو يضم 5 أهداف خرافيه لا تأتي الا من أفضل اللاعبين ؟ أرجو ان تأتي لي بفيديو ولو بسيط مقارنه بين رمضان ومصطفي فتحي اولا من الناحيه المهاريه ثانيا من ناحية صناعة اللعب وتسجيل الاهداف نسيت أقولك حاجه اخيره أحمد حسام ميدو احترف وهو كام سنه ؟ وكان عامل ازاي ولعب فين ؟؟ أبو تريكه اللي هو أسطورة احترف فين ؟ عرفتي ان مش دي القصه بشكل عام ؟ أتمني تكوني فهمتي كلامي بالتوفيق لرمضان واتمني له النجاح مع ناديه الجديد |
| الساعة الآن 10:58 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب