مهونتيــــش..حكاية حــب مهونتيش مرة ولا تهونـــي معشتيش عقلي ولا جنونـي لأنك حالة من عمـــري لكنّك أصل تكوينــــــــــي فـي قلبك شــــــــوق وأشواقـك بتحيي الــــــروح وتحيينـي في إيدك نــــار وبفراقـك بتكويكــــــي وتكوينـــــــي فاكره؟ فاكرة العمر اللي عشناه.... في عمر جديد ولحظة قرب نسرقها ...... ونمشــي بعيـــد ونبض القلب والفرحة .......بنظرة عيــــن بلمسة ايد بتتنفــــس...... هوى قلبيــــــن وفاكرة الشوق في أشواقنا كأنه بدايــــــة لفراقنـــا وليه يجمعنــا لو ناوي من الفرحــة هيســـرقنا أنا فاكر ومش هنســى بدوب من نظـــرة والهمسـة ولو حنيتـي ورضيتــي يتوه العقل من لمســـة ولسـه الذكرى ف ايديا رايحة ف قلبي أو جايه بعمر لقانا ف بدايته وتبقى ف قلبـي وعنيـا ولو فاكرانــي متغيــر وكنتي حكاية مش أكتـر هقولك قلبي صان حبك لكن همّـي معاه أكبــر ولو محتاجـة لوجودي وطلَّ الشوق على عنيكي تلاقي القرب من قربك تحسي اللمسة ف ايديكي وجودي بعيشه ف وجودك أنا روحي بتجري فى عروقك بعيش العمــر لو عشتـي وبرسم فيكي من صورتي ولو هتقولي ف يوم هنتـي هقولك برضو من تاني مهونتيــــــــــش |
يا سلام علي الاحساس يا سلام علي الكلمات دي روعه الروعه ولاكاسه الاكاسه وفخامه الفخامه كمان سلم قلبك يا دك وتتهنا مشكور يا نجم ع الابداع |
عامية بقمة الاحساس والروعه مترادفات وتراكيب اعطت دفء غير معهود رغم لغتها الدارجه .... احييك عبدالله دائما لقلمك رونق منذ بداية تواجده سلم نبضك وسلمت يمينك |
ههههههه لكاسه بالهجه بتاعتنا يعني جامده موت ومزينه الشبوره معلش يا استاذه بلاشه هنا الهجه دي شكرا دك كنت بوضح بس ا. جبل يعني ايه لكاسه |
كلمات فى غاية الروعه واحساس راقى الى أبعد مدى تسلم اخى الكريم لروعه نبضك |
قمة الاحساس والروعة والحبيب عمره ما يهون علي القلب راقية دكتور تحيتي |
انا من متابعينك ومحبينك هنا سجل ده فيك شيء بيشبهني الاحساس يمكن اللي جوه الكلمة اللي بحاول اوصله تحياتي |
قول من تانى وسمعها وداوي جرح بيوجعها لما سمعت من غيرها ورحت بسرعة تودعها. قول وما تستنى منها رد قول ولو حتى جاوب بدلها الصد ايوة . ما هو انت لازم تعرف ان الامها مكان له حد. ما هنتشي وانت ماهنت ما تقولش كنتى ولا كنت خلاص فاتت باوجعها ويلا لملم وجمعها يلي حافظت وصنت. وانتى ياحلوة يا حليوة زغرودة عالية وغنيوة والفرحة رجعت لقلوبكم وسكنت فوق فى العليوة. وابعد ياشطان بعيد عنا كفاية سنين ضاعت منا وادية ما هان ولا هنا فرقنا وما تقرب تقرب تانى منا . جميلة كتير دكتور دمت بكل خير |
ماشاء الله على حرفك معنى وايقاع واحساس اكثر من رائع دكتورنا نجومى |
كلام الحب و الاحساس كلام موزون يخش القلب قبل الراس و يملا الكون و يتنافس مع الالماس بفوز مضمون . د عبدالله اراك تغرد بالعامية فتفيض سحرا كما تعودنا منك الكلام الجميل و الاحساس النبيل فخبرني؟ هل تشرب ماء ام شعرا؟ |
الساعة الآن 07:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب