منتديات بنات مصر

منتديات بنات مصر (https://forums.banatmasr.net/)
-   منتدى الرياضة العام (https://forums.banatmasr.net/f167/)
-   -   هفــَضل واقف في صفه لأخر الزمن .. ♥ (https://forums.banatmasr.net/msryat558128/)

سَـلمَى 08-15-2016 02:45 AM

هفــَضل واقف في صفه لأخر الزمن .. ♥
 
https://fbcdn-sphotos-a-a.akamaihd.n...a883f1da25c01e

الأهلي دا حياتنا
شوفنا معاه المعجزات
وتاريخه كله يحكي
عن أغلي الإنجازات

من صغرنا وراه
في الأزمة ننسي اللي فات
دا النادي اللي جمعنا
ولا نسيتوا الذكريات

أنا عمري ما هقدر أنسي
أي ذكري كانت معاه
المحنة اخرها فرحة
وبنتعلم من الحياة

هفضل واقف في صفه
لأخر الزمن
في الشدة انا برضو ضهره
أنا ليه درع الأمان

في ظــَل ظروف الأهلي ال بالنسبالي أول مرة أعيشها

ياريت يكون وضح للكارهين إن جمهور الأهلي مش بيشجع الفريق عشان بطولاته ولا تاريخيه وبس

إحنا بنشجعه في كل وقت وزمان ومكان وتحت أي ظروف وفي المرة قبل الحـَلوة ..

متعودين منهم يقومو ويقفو ويرجعو أقوى من الأول

مكانة النادي وسمعته وكبريائه وتاريخيه ووضعيته وحبنا وعشقنا تحتم علينا إننا نعاتب
إننا نفوق المسؤلين إننا نعارض ونطالب برحيل كل من خذل الكيان ..

مارتن يول مش كفاية إنه ودى الفريق لخسارة بطولتين مهمين وبس
لا ده بتصريحاته وإنتقاصه من بعض اللعيبة ورمي المسؤلية عليهم
حاجات كدا خلت الجمهور مقدرش يتسحمله هو وغيره

مفروض إنك مدرب كبير وليك خبرتك ميصدرش منك تصرفات
تقلل من مكانتك عند الجمهور :/

صفقات كلفت خزينة الأهلي مبلغ وقدره
وفي الأخر بردو مصمم عل عمرو جمال ومؤمن وصبري وغالي !!

مع إني لحد دلوقتي بعتبر إننا عملنا صفقة واحدة بس وهي علي معلول
الباقين لسه مشفناش حاجة وده يرجع بردو إنه النادي جيبهم عشان يقعدو دكة
ومايخدوش فرصتهم ونشوفهم أكتر -_-

الأهلي بداية من رئيس النادي لعمر جمال يا إما يفووقو عل نفسهم
يا إما هيلاقو نفسهم بيودعووو ..

لإنه ده مش الأهلي ولا عمره كان لو مش قد المسؤلية متشلش
الأهلي مش محتاجكم عشان ترفعو إسمكم إنتو ال محتاجين الأهلي عشان تترفعو

أيون كرة القدم فوز وخسارة وممكن تكون الظروف أقوى من الفريق

لكن شخصية البطل متتهزمش شخصية البطل بترجع وتقوم وتقف

كأس مصر وأبطال إفريقيا ودعناهم بس هنرجع ونأخدهم بإذن الله
ومازال الأهلي الأكثر تتويجا بيهم .. ♥

لنــَا عودة بإذن الله ولعله خـــَير ..


شافين مين السبب في ال بيحصل للأهلي ؟؟
وإيه حلولكم لصحوة الفريق ؟!



طبعا أنا داخلة عل السريع عشان كدا مش متعمقة في الموضوع
ووسامحوني عل التقصير :)

تــَحياتي : ســـَلمى ^-^

راجعة لحبيبى 08-15-2016 04:29 AM

عجبنى روحك الحلوه
وتشجيعك وحبك وعشقك للاهلى
وهدا ظاهرفى كلامك وتحليلك
الاهلى اول فريق عربى
وهيفضل كبيىليوم الدين
لكل جواد كبوه
وبحول الله تعدى هادى المرحله
مشكوره سلمى
لروحك السعاده

حكاية حب 08-15-2016 07:00 AM

كلامك عجبني اوي وبضم صوتي لصوتك

لكل جواد كبوه

وزي ما قولتي الكوره مكسب وخساره

ويبقي الاهلي هو الزعيم بلا منافس

الاكثر فوز ببطولة الدوري والكأس المصري

الاكثر فوز بدوري ابطال افريقيا بطل القرن بلا منازع

تحياتي لكي سلمه

مودتي

سَـلمَى 08-16-2016 05:14 AM

اقتباس:

المشاركة الأصلية كتبت بواسطة راجعة لحبيبى (Post 5057024)
عجبنى روحك الحلوه
وتشجيعك وحبك وعشقك للاهلى
وهدا ظاهرفى كلامك وتحليلك
الاهلى اول فريق عربى
وهيفضل كبيىليوم الدين
لكل جواد كبوه
وبحول الله تعدى هادى المرحله
مشكوره سلمى
لروحك السعاده

حبي للأهلي بيجبرني أترجم الحب ده
وكل الكلام والعشق قليل عليه .. ♥

أكيد بلآ أدنى شك :)

إن شاء الله هتعدي ..

الشكر ليكي ولكلآمك وروحك وتواجدك الجميل .

نـــــَورتيني جدا ^^

سَـلمَى 08-16-2016 05:16 AM

اقتباس:

المشاركة الأصلية كتبت بواسطة حكاية حب (Post 5057039)
كلامك عجبني اوي وبضم صوتي لصوتك

لكل جواد كبوه

وزي ما قولتي الكوره مكسب وخساره

ويبقي الاهلي هو الزعيم بلا منافس

الاكثر فوز ببطولة الدوري والكأس المصري

الاكثر فوز بدوري ابطال افريقيا بطل القرن بلا منازع

تحياتي لكي سلمه

مودتي



بالضبط الأهلي لو وقع ليه ألف قووومة :)

مش أسياد العَالم من فراغ .. ♥

تششكرات عل التواجد والمرور الجميل

نـــــــَورتي ^^

محمود الصاروخ 08-20-2016 10:36 PM


يعني حاليا التشجيع مش عشان بطولات ولما كنا بنقولها كانت مجرد شعارات ؟
بالفعل جماهير الاهلي معاه علي المره قبل الحلوه والأدله موجوده
وقت مباراة أورلاندو الموسم الماضي والهتاف الشهير لاعيبه عاله مفيهاش رجاله
وقت مباراة زيسكو الماضيه تم تكسير المدرجات من قبل جماهير الاهلي
وأخيرا الاحداث الاخيره في التمرين وضرب اللاعبين وهروب مارتن يول
خوفا علي حياته من جماهير الاهلي وكل ده مش بتشجعوه عشان بطولات ؟
أما بخصوص لقب أسياد العالم ومؤمن حراق والكلام ده بشكل عام
أرجو الرجوع لـ التصريحات الناريه التي فجرها كابتن الاهلي السابق مصطفي يونس
وانتي بتشوفي تصريحات مصطفي يونس ياريت تحطي جنبها كده
وشهد شاهد من أهلها

بالتوفيق سلمي

سَـلمَى 08-25-2016 10:42 PM

اقتباس:

المشاركة الأصلية كتبت بواسطة محمود الصاروخ (Post 5060068)

يعني حاليا التشجيع مش عشان بطولات ولما كنا بنقولها كانت مجرد شعارات ؟
بالفعل جماهير الاهلي معاه علي المره قبل الحلوه والأدله موجوده
وقت مباراة أورلاندو الموسم الماضي والهتاف الشهير لاعيبه عاله مفيهاش رجاله
وقت مباراة زيسكو الماضيه تم تكسير المدرجات من قبل جماهير الاهلي
وأخيرا الاحداث الاخيره في التمرين وضرب اللاعبين وهروب مارتن يول
خوفا علي حياته من جماهير الاهلي وكل ده مش بتشجعوه عشان بطولات ؟
أما بخصوص لقب أسياد العالم ومؤمن حراق والكلام ده بشكل عام
أرجو الرجوع لـ التصريحات الناريه التي فجرها كابتن الاهلي السابق مصطفي يونس
وانتي بتشوفي تصريحات مصطفي يونس ياريت تحطي جنبها كده
وشهد شاهد من أهلها

بالتوفيق سلمي

مين قالك بنشجعه مش عشان البطولات
بطولات الأهلي تاريخ وفخر وإعتزاز لينا
أنا قلت مش بنشجعه بس عشان بطولات
عشان كُل حاجة فيه وتحت أي ظروف ..

ده أدلتك ؟؟
أنا لو ذاكرتي قوية زيك كنت جبتلك أدلة أقوى لجماهيرالزمالك وهيا
مش مقصرة بالشتايم والضرب لفرقها وأظن رئيسكم مرتضى منصور دليل بحد ذاته
بس مش بيهمني ..

مبارة أورلاندا وقتها فعلا اللعيبة ملعبوش برجولة
والألتراس لما بيهتف بأي هتاف ضد اللعيبة ده مش كرها فيهم
ده عشان يستفزهم ويقويهم
وأحب أقولك الأتراس من زمان بعبر عن مشاعره وقهره وإستفزاه
الجديد إنك تفكر إن ده معناه الجمهور بتشجع الفريق لبطولاته -_-

مبارة زيسكو مش فاكرة أحداثها ..

الأحدااث الأخيرة ده مستحيل تكون من طرف مشجعين الأهلي
إما بلطجية أو مشجعين مش بحبو الفريق
والجماهير كلها والصفحات والألتراس بنفسه إستنكرت الفعل ده
لإنه ميصدرش من جمهور الأهلي أبدا ..
إحنا أخرنا نهتف ونطالب بالرحيل ..


نارية وفجرها مين مصطفى يونس ده أصلا -_-


خليك في فرقتك الله يكرمك يا محمود ..

تحياتي ..

محمود الصاروخ 08-25-2016 11:28 PM

اقتباس:


مين قالك بنشجعه مش عشان البطولات
بطولات الأهلي تاريخ وفخر وإعتزاز لينا
أنا قلت مش بنشجعه بس عشان بطولات
عشان كُل حاجة فيه وتحت أي ظروف ..

ده أدلتك ؟؟
أنا لو ذاكرتي قوية زيك كنت جبتلك أدلة أقوى لجماهيرالزمالك وهيا
مش مقصرة بالشتايم والضرب لفرقها وأظن رئيسكم مرتضى منصور دليل بحد ذاته
بس مش بيهمني ..

مبارة أورلاندا وقتها فعلا اللعيبة ملعبوش برجولة
والألتراس لما بيهتف بأي هتاف ضد اللعيبة ده مش كرها فيهم
ده عشان يستفزهم ويقويهم
وأحب أقولك الأتراس من زمان بعبر عن مشاعره وقهره وإستفزاه
الجديد إنك تفكر إن ده معناه الجمهور بتشجع الفريق لبطولاته -_-

مبارة زيسكو مش فاكرة أحداثها ..

الأحدااث الأخيرة ده مستحيل تكون من طرف مشجعين الأهلي
إما بلطجية أو مشجعين مش بحبو الفريق
والجماهير كلها والصفحات والألتراس بنفسه إستنكرت الفعل ده
لإنه ميصدرش من جمهور الأهلي أبدا ..
إحنا أخرنا نهتف ونطالب بالرحيل ..

نارية وفجرها مين مصطفى يونس ده أصلا -_-

خليك في فرقتك الله يكرمك يا محمود ..
تحياتي ..

بخصوص أخر نقطه في ردك وهي
( خليك في فرقتك الله يكرمك )
بعيد عن إن الموضوع مطروح في قسم الرياضه ومن حق أي عضو
كتابة أي رد كيفما شاء مادام هناك احترام من كاتب الرد لكاتب الموضوع
وبعيدا عن كل شيء انا مقدر الظروف التي مر بها الاهلي في الفتره الماضيه
ندخل في موضوعنا بشكل عام

طوال السنين الماضيه ظل الزمالك أكثر من 10 أعوام لم يحصل علي بطوله
ولا انكر بأن كانت هناك شتائم من جماهير الزمالك موجهه لبعض اللاعبين
وهذا أمر طبيعي في كل فريق ولكن هل حدث في يوم وجماهير الزمالك ضربت اللاعيبه ؟
اذا كان الكلام صحيح بشكل عام أرجو ان تأتي لي ولو بفيديو واحد يثبت هذا الكلام
وأما موضوع انكارك لما حدث وانه ليس جمهور الاهلي وبالفعل انا متفق معاكي
بأن جمهور الاهلي ( العادي ) لم يفعل أي شيء ولكن يبقي السؤال هنا

انا كـ محمود الصاروخ عضو في سواء أولتراس أهلاوي أو وايت نايتس
ومتابع جيد لكل جديدهم بشكل عام ولم أشاهد لهم أي بيان بخصوص هذا الموضوع
أين الدليل بأن الاولتراس إستنكروا كل هذا ؟؟ ولا هو كلام علي ورق ؟؟

أما بخصوص بطولات الاهلي ف بالفعل مش انا اللي هتكلم عليها
لان الكابتن مصطفي يونس كابتن الاهلي السابق قد تحدث عن كل شيء
وفجرها بشكل ناري وقال بان الاهلي هو أكبر مفسده في الـ 10 سنين الماضيه
وقد يتفق معي البعض نظرا لفساد حسن حمدي الذي جلب البطولات للاهلي
ولا حسن حمدي مكنش فاسد كمان ؟؟ وكان مقبوض عليه زياره وخلاص ؟

أعلم تماما بأنك ستنكري كلام مصطفي يونس وهنا سيكون الرد للتوفير
بأنه اذا كان هذا الكلام صحيح فإن الاهلي هو أكبر مفسده فعلا كما قال الكابتن
واذا كان هذا الكلام غير صحيح ف هنا يتضح بأن كباتن الاهلي علي مر العصور
يبيعون النادي من أجل المصالح الشخصيه أمثال الكابتن مصطفي يونس
والكابتن عادل هيكل والكابتن طاهر ابو زيد والكابتن شوبير
وأخرهم فساد الكابتن حسن حمدي

وأما بخصوص المدعو مرتضي منصور
ف نحن جماهير الزمالك لا نعترف به بشكل عام بالرغم من النجاحات التي
حققها داخل النادي وهذه ميزتنا علي اتم الاستعداد الاعتراف علي أي شخص
فاسد داخل نادينا عكس نادي المباديء الذي يتستر علي كل ماهو فاسد

أخيرا ياسلمي
إقنعيني بأن اللي كسروا الاستاد يوم ماتش زيسكو مش جماهير الاهلي
وانا اقتنع إن اللي ضربو اللاعيبه مش جماهير الاهلي :03:

وأما بخصوص نادي المباديء بشكل عام سأعرض عليكي صورتين
الاولي في فتره من الفترات


http://store2.up-00.com/2016-08/1472160221171.jpg

والان هي الثانيه


http://store2.up-00.com/2016-08/1472160221212.jpg

أين المباديء التي أخبركم عنها المدعو صالح سليم ؟

بالتوفيق سلمي






الساعة الآن 12:08 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w