يوميـات بنات مصـر "اضطهاد المرأه ف المنزل "25/8 http://banatmisr.com/up3/uploads/1472128826371.gif حبيت اعتبر اليوم 25/8 طبعا الايام دي مش حقيقي كدا وانما لبنات مصر فقط اليوم العالمي لاضطهاد المرأه وغطرسه آدم ف الحياه :04: فبعتت السؤال دا لبنوتات وامهات المنتدي عمرك عملتي حاجه في البيت ولقيتي شكرانيه وكلمه حلوه؟ انا صخصياً هجاوب عليه:04: عمرها ماحصلت الحمدلله يعني انا شايله البيت كله ومش بلاقي غير نظرات النمر حينما يفترس ضحيته:04: ودا كان راي.. (دمعه حائره) لا استنى هقولك ومش هاتصدقى انا اى حاجه بعملها بلاقي تهليل واعجابات ولايكات وكومنتات لو حتى طبختلهم ميه وسكر او سلقت بطاطس يالهوى على كمية الشكر اللى باخدها ويفضلو يشكروا فيا ويحمدوا ربنا على النعمه اللى هم فيها وكل يوم الصبح يصلوا ركعتين شكر على وجودى ف حياتهم ومش عارفين يساعدونى ويشكرونى ازاى لدرجة انى بقوم من النوم سعيدة بالحلم الجميل ده:150: ~~~~~~~~~~~~~~~~~~• ╯ Princess ╭ البنت كان بقالها سنتين مدخلتش وانقضيت عليها اول مادخلت :150: هههههههههههه لا صعب اقولك رقم وفعلا مش بركز ف الحوار بصي اصل هما اتعودوا انها بقت عاده فاللي هو مهما عملتي محدش هياخد باله لانه شايف ان دا واجبك وبتاع بس مفيش كلام ان الكلمة الحلوة ليها عامل بردو ~~~~~~~~~~~~~~~~~~~~• YOo YA حطيت ردك كله :04: ههههههه كتير اووي . لما بشتغل ف البيت بضمير او لو بعمل حاجه ف المطبخ وتطلع حلوة ومن غير عمايل اصلا .. بابا رايح جاي بيقولي كلام حلو ههههه ~~~~~~~~~~~~~~~~~~• Eng Esraa بصي انا بعمل كتيييير بس مبيتقاليش كلمة حلوة دي ههههههههههه لا بجد .. دايما ماما بتدعيلي و بابا بيبوسني :04: ميعرفوش يقعدوا من غيري اصلا يا بنتي امال هيهزءوا ف مين ! :oh: اقصد هيبوسوا مين :183: هههههههههههه ~~~~~~~~~~~~~~~• همس الكناريا ههههههههه ماهي مفقوعة لوحدها ان كان ع الشغل كتير جدا وبابا الله يبارك فيه دايما بيخاف عليا ويقولي كلام حلو ربنا ما يحرمني منه:oh: أما أخواتي ولا بيعبروني وخصوصا أخويا يقولي ما ده شغل البنات..واد رخم بجد :322: ~~~~~~~~~~~~~~~• الآن مع الرد، اللي فقع مرارتي :18: حافظة القرآن ياااا جيتى ع الجرح هههههه قليل بعيدا عن انى مش دايما بعمل حاجات فى البيت يعنى بس بساعد بردو ساعات لما بساعد باسمع مدح الحمد لله وساعات بساعد و محدش يعبرنى عادى :04: ويتقالى قاعدة ع اللاب والموبايل والكتب مبتعمليش حاجة مينفعش كدة ههههههه يعني انتي زعلانه عشان بيقولولك كدا وانتي اصلا مبتعمليش حاجه:04: احنا بيتقالنا كدا واحنا شايلين البيت كله اساسا :04: ~~~~~~~~~~~~~~~~~~~~~~• ايمان طلعت ممممممممممم :709: مش فاكرة الصراحة بس قليل طبعا و هو من امتي الرجل بيعرف يقول الرجل بس صاروخ قبل الجواز ويبقي بالع راديو بعد الجواز يبلع سد الحنك رجاله تفقع المرارة عشان كدة جايبة فالجهاز طقم مرارات مستورد :04: انا عايزه من دا :04: ~~~~~~~~~~~~~~~~~~~~~~• Lamar انتى يا بت بتقلبى عليا المواجع ليه مفيش غير بابا طبعا اللى دايما يقولى حلو و تسلم ايدك :( هي اتصدمت متهيألي:04: ~~~~~~~~~~~~~~~~~• وبكدا شاركنا مع بعض همومنا وحطوا خيبتكوا يا اخواتي علي خيبتي واللي عايزه تهبش حقها من ادم اقصد تاخد حقها تشاركنا هنا :03: يلا مستنيه مشاركتكم:140: في امان الله |
اييييه كمية الماساة دي ! هههههههه .. لازم ناخد حقنا اكتر من كده:105: تسلمي يا جميل ع الفكرة |
والله هلكت ظحك على كلام ايمان ماشاءالله عندهاطقم قصى اطقم مراره الحقينى بكم طقم ياايمان حلوالبرنامج هاجر وحلوكلام الضيفات تسلمون كلش اشوفكم بطقم مراره حديث |
اخدتينى على غفلة يا جوجو افتكرتك مخنوقة و بتسالينى ايه الحال عندك فقولت بلاش ازود همك هههههه |
يا سلام يا سلام ههههههههههههههههههههههه الحمد لله كان الشكر والثناء من ادم ال هو بابا صح وعجبني اووووووووي حلم دمعه حائره وكلام ايمان هههههههههههههههههه انا بعمل الاتي هاجر تعمل شئ اقولها حاجه زي الفل وعسل وسكر واعطيها هديه فلوس مامتها تقول شوف الراجل بقي انا ما استحق اقولها تستحقي طبعا اومال ايه بس هاجر الاهم علشان تتعلم يا عسل تقوم هاجر بقي ايه الحاجه ال تتعمل في عشر دقايق تعملها في نص ساعه من ترتيب ووضع الزينه في الاطباق تبدع بجد اضحك واقول لمامتها شفتي اتعلمي ههههههههههههههههههه الحمد لله انا دايما بشكر حتي لو شي مش عاجبني في تريب او شئ انا ال اعدل بدون ما يعرفوا ويعرفوا ان الشكل دا احسن واريح هيا الحياه كدا وانتم ما تعرفوش وانكم فعلا نور عيون بابا وماما بس هما بيحبوا انكم تجتهدوا اكثر اومال ايه يسلموا علي ارئكم الحلوووووووووه دي والحمد لله طلع ادم هو ال بيقدر |
هههههههههههه معاناه كل بنت مصريه للاسف تسلمى ي هاجر ورد منه ضحكنى جدا |
ههههههههههه لما المآساة دي عشان سؤال عن شغل البيت اومال لو فضفضنا بكل اللي جوانا هيحصل ايه ههههههه رد ايمان تحفه هههههه وبطلي فضايح بقي اهاجر:194: حبيبتي انتي يا ناشرة غسيلنا:h035: همس الكناريا |
ههههه بجد موتوني ضحك لا وايمان والله عندها حق هاتيلي طقم من دا الله يسترها عليكي انا اكتشفت ان مفيش حد بيعبرنا ف البيت غير بابا حتي اسراء قالت كدا ههههه حلوة الفكرة ع فكرة يا حجه هاجر متابعه بقا الجوديد |
اتجوز بس وهجبلكو مراتى ترد عليكو وشوفو كميه الفرح اللى هتبقا فيها طايررة 👼👼 وايه كميه البؤس ديه صحيح بتاكلو وتنكروو 🙀 |
انا عن نفسي مش حخلي مراتي تقرا الموضوع ده اعوذ بالله المنتقم الجبار من كل من يقلب الاحجار و يولع النار مش حقول تحياتي المرة دي |
الساعة الآن 05:50 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب