ازاى تدلع حبيبك و حبيبتك ؟ ازاى تدلع حبيبك و حبيبتك ؟ - طبعاً الدلع مهم فى حياتنا و هو بلسم مرطب للعلاقه بين حواء و آدم و لابد من استخدامه بين الطرفين بأتقان و هو يخفف من ملل الروتين و واجبات العلاقه و له تاثير ساحر على تقبل الامور . اولآ ازاى تدلعى حبيبك ؟ - تعالى يا بافه اتعلمى تدلعى سبع البرومبه بتاعك و طبعاً الانثى اساس الدلع طبعاً خلى صوتك ناعم كدا و حنين مش متربس كدا و يخض ، و طبعاً مش تندهيه بأسمه يا احمد او محمد او نور ... الخ ، او تقليله يا ابو محمد و ابو على ... الخ دلعيه و اندهيه بأسم ( يا سبعى ، يا جملى ، يا مستتنى ، يا مهنينى ، ... الخ ) طبعاً الراجل هينشكح على طول و يحس بكبرياء ، و لازم تجبيله كل طلباته من اكل و شرب حتى لو كان بينه و بين الكوبايه 10 سم لازم تدهاله ، و بعد ما يرجع من الشغل تدعكيله رجليه و تغسليها له بالميه و الملح ، و لما يقلك اى امر تقوليه حاضر و نعم . دى بعض النصايح الصغيره علشان تدلعى سبع البرومبه بتاعك :m62: نيجى بقا ازاى تدلعى حبيبتك ؟ - علشان تعرف يا عم آدم حواء عقلهم صغير جداً و ممكن تضحك عليهم بالكلام يعنى لما تيجى تنده عليها اوعى تقول لها ( يا وليه او يا حجه او يا اختى .. الخ ) او تقولها باسمها يا زينب او يا فوزيه او يا بهيه خليك كدا كجول و برنس تظبيط اندها و قولها ( يا عمرى - يا قلبي - نور عينى - يا نخنيش قلبي من جوه - يا مستانى- يا مهنيانى - ) ، حتى لو كنت مش طايقه لازم تعصر على نفسك لمونه و تجبيلها هدايه فى الاسبوع يعنى فى الشهر 4 مرات اقل من كدا مش ينفع هتقلك بخيل ، لازم تديها فلوس علشان تشترى حاجات لنفسها ، اصل البنات ماديين اوى خلى بالك ، انت اديها تعبك و شقاك و فى الفجر انت و بتصلى ادعى ربنا و اتحسبن اوعى تغلط بقا يوم و تقلها انتى وحشه او فلانه احلى منك كدا بمثابة اعلان حرب عليها و تبقى ايامك مش فايته و خساره فيك الكلام الى بكتبه كفايه كدا . مش هوصيكم يا بنات و يا شباب ،، ربنا معاكم :18: |
حلوة هدايا الاسبوع كدة ممكن الجوازة تنجح بس فوكك من سبعي وجملي وجو الحيوانات ده شوفلهم دلع تاني |
اقتباس:
ما انا بقول انكم ماديين اوى :241: حسبي الله نورتى يا سما |
تؤ موش قصه ماديين بس انتا متعرفش ان تهادوا تحابوا ههههه |
اقتباس:
و لو مش معاه فلوس الغلبان يبقى يحتقر :( |
مقولتش كدة بس عاوز تفهمها كدة براحتك... دي ممكن تتقال ع الل مفهوش اي ميزة غير فلوس لو مفيش هدايا ولا فلوس يبقا ملوش قيمة بعدين انتا بتكلم ع جواز موش حب لو عاوز تكلم ع حب يبقا موش هتعلمهم يحبوا ازاي ولا يقولوو ايه لبعض.. |
يااا عم ربنا يقدرك ع فعل الخير ويخليك للغلابه :18: |
اقتباس:
علشان الجماعه دول مش يستغلونا :18: |
انت يابني معمول ليه ههههه مش كل البنات ماديه متعمش بعدين ايه نخنيش قلبي دا |
نخنيش قلبي ههههه والله موتتني ضحك طب خليه يقولها كده دي هتسيبه مش هتتعلق بيه وبعدين ع فكرة حكايه الهدايا والماديات دي ولا ليه اي لازمه اساسا خااالص بمعني انه لو واحده مبتحبش واحد وفضل يعطيلها كل يوم هدايا ويجب فيها ويحاول يتقرب ليها بيهم عمر الهدايا م هتاثر ابدا وجهه نظر بس.. |
الساعة الآن 12:41 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب