اعاده حساب
 

السلام عليكم و رحمة الله وبركاته

فيه ناس بحسها قريبة مني اوي
وفيه ناس علاقتي بيهم وسطية
وفيه ناس بيربطني بيهم مجرد سلام
وفيه ناس على خلاف معاهم

دة العادي والطبيعي في الحياة
و المواقف بتظهر معادن الناس دي

فلما الاقي اللي قريبين مني في ظرف بعيد عني
او سؤال زي اي حد علاقتي بيه سطحيه
سؤال بس لمجرد انه عمل الواجب
وفيه اللي مسألش

فحين اني الاقي اللي على خلاف معاه بيسأل ويتابع ومهتم

دة يبقى ايه

دة بيدل بس ان المظاهر والكلام كتير بيبقى خادع للعقل
وفي وقت الاحتياج بس
هنعرف مين فعلا اللي ليه الحق ويستحق يكون حد في حياتنا
و دة اللي ظهرلي الفترة اللي فاتت
ودلوقتي محتاجه اعيد حساب علاقاتي واعيد ترتيبها
والتخلص ممن لا احتاجه

احب اشكر هنا كل انسان سأل عني او دعى لامي بالشفاء
والحمد لله تم الشفاء وخرجت من المستشفى
واكيد دعائكم كان سبب بعد رحمة الله

تحياتي للجميع

واضح ان الايام صعبه على الكل
انا كمان ولدتى تعبت اليومين اللى فاتو
والحمد لله قامت بالسلامة نحمد ربنا
الف سلامة لمامتك يا ايمان مكنتش اعرف والله
وربنا يحفظ امهاتنا جميعا

حبيبتي ربنا يطمنكوا عليها دايما
الف حمدالله ع سلامتها
نررتي من تاني حبيبتي
في، حفظ الله

المواقف بتظهر الناس دى حقيقه
حمد لله على سلامتك ايمان وعلى سلامة والدتك

طب الحمد لله

ربنا يدى امهاتنا كلهم الصحة ياااااارب

حمد لله ع سلامتها يا حبيبتي
ربنا يطمنك عليها

سلامة مامتك ربنا يشفيها
حاسة بكل كلمة عشان مريت بيها
ولما تعبت الل كونت فاكراهم اقرب ناس ليا
مسالوش عليا
متزعليش ايمان ده كلو خير

انا كمان لا هقدر الومك و لا اغلطك
الشدة بس هى اللى بتظهر حقيقة النفوس

المهم بس ان طنط قامت بالسلامة
ربى يزيد لها فى الشفا ويبارك لك فيها

فاهمة احساسك ياايمان

ودي مشكلة اللي بيتوقع اهتمام اللى حواليه
زي ماهو بيهتم بيهم وبينشغل عليهم



بس عايزة اقولك...اهم مافي الكون هو صحة والدتك
والنظرة ف وجهها تنسيكي اي تقصير من اي حد


ربنا يعطيها الصحة ويسعدك بقلبها الكبير