|
رسائل فضفضة مساء الخير جميعا ان شاء الله تكونوا بخير انا بأمانة عاوز افضفض برضه كنوع من التغيير واكون علي طبيعتي شويتين .. لاني مش عارف ليه انا واحد عامل اسكور تحفة يعني حوالي 68 مشاركة اهو بالصلاة علي النبي ولحد دلوقتي كل ما اجي ابعت موضوع واروح اشتغل ساعتين اجي ارجع الاقي الموضوع برضه لسا مانزلش .. انام واصحي و اجي ادور عليه في المشاركات الجديدة الاقيه راح بلطيم كدا لوحده في تالت ولا رابع صفحة .. :06: ولما اجي انزله يجيلي error database مش بيقولي تم الارسال واقعد ابعت فيه بتاع عشر مرات لحد ما اتعودت بقا وفهمت مـــآساة :hands: وانا ماعرفش الوضع ده هيستمر لحد امتي بس الصراحة انا لازم اعبر عن رأيي في االمأساة دي اللي بمر بيها كعضو جديد لانه اكيد بتزهق ناس كتير .. يعني كفاية 25 رد ... وشوفوا حل في الايرور ده .. فتخيل شايف ناس عمالة تكتب ستين موضوع في ساعة وانا قاعد بفكر في الحيلة اللي مش عاوز ينزل كأنه في ولادة متعثرة .. :68: وبعدين فيه نقطة كمان دلوقتي بصراحة انا واحد من الناس اتمني لو كتبت موضوع .... الاقي نقد .. نقد كتيرررر...مباح اي نقد .... ومن هنا انا بدي التصريح بده ..... لاي حد عاوز ينقد .. يدخل بقلب جامد بسلبية كانت او ايجابية ...... لاني حاسس ان احنا في المنتدي هنا متحفظين بشكل كبير او بنتخوف من اننا نشوف حاجة في موضوع مش مظبوطة وننقدها ... انا شايف النقد ما يقلش من حد بالعكس بيفتح افق جديد لعقل كل واحد فينا بطريقة كبيرة جدا .... انا مستعد ادخل انقد في مواضيع كتيرة .. بس بحس انه ماحدش عنده استعداد انه يتقبل ... فبخاف حد يزعل الصراحة .. فبقيت متحفظ انا كمان والحمد الله .. :28: ولو كتبت موضوع فكري او سياسي مثلا .... يا ريت يكون فيه نقاش .. نقاش كتير .. لانه اساسا ده سبب رجوعي للمنتديات في المقام الأول ... وحاسس برضه في تحفظات في النقاش او ملل من الناس علي ما اعتقد من المواضيع الفكرية والسياسية .. مع ان فيها متعة لما يكون في صد ورد واختلاف وبتاع .. وبعدين لاقيت العملية ملل في قسم النقاشات .. قعدت اخرف واكتب شعر عامي وقصص وانا اساسا والنعمة لا بعرف شعر و بسيط علي ما افهم قصص ... وقاعد بفتي في اللي ليا فيه واللي ماليش .. فياريت تسيبوني ارحمكم من الفتي في الاقسام دي :245: ... وحد يكتب موضوع نقاشي في قضية مثلا .. ولا حتي يكون في اختلاف ونظهره بشكل اكبر .. اصل مش معقول كلنا علي قلب رجل واحد فكريا .. لان الاختلاف هيفتح مجال اكبر انه نطور من وجهات نظرنا وننضج اكتر ... علي فكرة روح المنتدي بتهبط من التشجيع المتواصل طول الوقت... بالعكس حالة المديح المتواصل بتخلق لكل فرد فينا محيط من العزلة بيخليه يمل بعد كدا .... علي عكس انك تخلق روح وتعمل حافز لكل فرد يوميا ... انه يحاول يثبت نفسه من جديد ومن اخطاؤه ومن نقد الاخرين ليه ... ومايحسش انه اعلي من الناس الموجودة في نفسه لمجرد انه حس بنفسه بزيادة .. ونقطة تالتة علي سبيل الهزار ليه يا جماعة احنا ليه دايما بتعامل بعضنا بصيغة الغايب .. يعني انا مثلا لو حد رد علي موضوع ليا .. اجي ادور اشوف اسمي في الرد .. غالبا ماحدش بيذكره خالص .. لدرجة اني نسيته ... وبعدين انا بقيت اخاف اكتب اسم حد وانا برد عليه ... حسيت ان الموضوع فيه حساسية كبيرة هههه وبعدين قعدت افكر كتير في المعضلة دي يعني لما اجي انادي لحد هنا اقوله يا اخي ولا يا اختي .. ولا قعدة الزمخشري وسط اصحابه في وقفة عيد وانا لا بقول اخي ولا اختي ... انا بقول الاسم عاطول من الاخر طول عمري ومش عارف ليه حاسس ان الموضوع تافه بس عاوز اعمله قضية ... حاسس انه في دبلوماسية زيادة عن اللزوم في الردود بصراحة ... مع اننا المفروض شباب زي بعض والعملية سهلة .. :old: والله ما عارف اكتب ايه تاني لو افتكرت ابقي اكتب بعدين بقا لما ينزل الموضوع |
ههههههههه انت مسيبتش حاجه مكتبتهاش ههههه بالنسبه للمواضيع ففي اقسام حصريه زي الفضفضه مثلا لازم المشرف يراقب الموضوع ويوافق عليه الاول عشان كدا العمليه بتتاخر في حاله غياب المشرف لكن المراقبين موجودين وبالنسبه لان الموضوع بيكتب ايرور.. دي مشكله واكيد هتتحل قريب ... اما النقد انا بصراحه لو في نقد بوجهه للشخص خاص وليس عام لزوم منع الاحراج وفعلا عندك حق اهي حاله من الخمول بس مش هتدوم:) وزي ماتحب تنادينا نادينا عادي ههههه محدش هيزعل هنزعلوا ليه انا مثلا لما برد عليك بقولك اخي عشان احنا كلنا اخوات هنا واخد بالك؟ فالموضوع عادي مش اهانه او احراج انا بالنسبالي عادي جدا ينادوني باسمي او ب اي حاجه المهم الود والمحبه والاحترام موجودين تسلم بئا علي فضفضتك الجميله ومنورني دايما نزلته اهو اكتب تاني ههه في حفظ الله اخي احمد |
اقساام حصرية .. يعني الموضوع بيطبق علي كله قديم وجديد بس المفروض تعرفوا الناس الجديدة الحوار ده من اول يوم وبعدين هي حلها بسيط ... انا انزل الموضوع في قسم المطبخ وهما ينقلوه بعد كدا ههههههه وبعدين يا حياة موضوع الاخوة ده واخدها هزار والله اصل دي ترجع لكل شخص .. ومدي تقبله للي حواليه .. انا كدا كدا وجهة نظري بس ان المفروض كل واحد يكون علي طبيعته ليس الا بس لاقيتها قافية حلوة قلت اكتبها الصراحة هههه |
والله ضحكتني هههههههه مينفعش موضوع في اقسام غير حصريه يتنقل لاقسام حصريه لكن ينفع العكس متهيألي ومين بس قالك اننا مش ع طبيعتنا والله دا من باب المحبه والاحترام بس مينفعش برده نقلبها قهوه مفتوحه بس هنا محدش بيزعل من حد جميعنا اخوه ان كان جديد او قديم كلنا سواسيه اعضاء ومشرفين ومراقبين وغيره ف الاخر كلنا بنشتغل عشان المكان دا فمش هتفرق ولامحتاجه نزعلوا من بعضنا انت هتلاقيهم بس بياخدوا عليك بعد كدا هتلاقيهم بيقولولك ياحج كمان^^ |
اقتباس:
ههههههههه اصل احساس العضو الجديد ده ماختبرتوش من فترة طويلة قبسف بس والله عالموضوع ههههههه علي فكرة انا مش جديد علي فكرة المنتديات وعارف الدنيا ماشية ازاي عموما لاني كنت مشرف قسم الفكر الحر في منتدي عربي وعضو في الجدارية اللي فيه لحد 2014 وبطلت كتابة فترة .. عشان كدا كل اللي الفكرة اللي كنت عاوز اوصلها من الموضوع ده اني عاوز امارس الحاجة اللي حاببها وهي النقاشات وكدا وفكرة الناس هنا في نقدها للمواضيع .. وان مايكونش فيه حرج من فكرة النقد سواء فكري او ادبي سعيا للتطوير من نفسنا ... وبعدين بيني وبينك حتة اني داخل اشتغل للمكان دي حاجة وانه يكون فيه استمرارية وحافز للتواجد حاجة تانية وانا الحافز بالنسبة ليا اني الاقي الشئ اللي عندي شغف بيه وقادر اني امارسه صحيح الواحد عنده جرأة الفشل انه يجرب يكتب حاجات مايفهمش فيها من غير خوف في اي مجال جديد ويحب افتي فيها بس مع الوقت بمل بصراحة ههههه |
اقتباس:
بس علفكره منتدانا مليان ناس فكرها عالي وممتاز وبيحبوا يناقشوا ولو كتبت موضوع هتلاقي كتير مغاك وبيناقشوك وعلفكره انت من خلال المسابقه قلت لناس اني اكتشفت واحد بيكتب حلو فضفضتك راقيه وعاقله ويتحمل معاني من حوانب كتيره وهو دا اللي احنا عايزينه هنا انت تكتب بس ف النقاش او فضفضه او اي قسم وهتلاقينا كلنا دايسين يعني ^^ وماشاء الله بتكتب ف العامي علي ما اعتقد يعني انت متتعاماش كانك جديد واطلق العنان لاي موهبه عندك ومفيش مشرفين هيطفشوا متقلقش هههه ربي يسعدك اخي احمد |
اكيد طبعا الناس اللي هنا ناس راقية جدا اصحاب فكر عالي جدا بس ماعندهمش الدافع للنقاش ... ده كل اللي بكلم فيه والله او وضع البلد نفسه بما ان معظم اللي هنا مصريين عامل حالة تبلد ولا مبالاة عموما لينا كلنا يلا .. ان شاء الله خير بشكرك حياة علي زوءك وكلامك الجميل كل التقدير لشخصك الراقي |
كل سنة وانت طيب احمد في نقطتين انا كمان بعاني منها الاولى انك متعرفش موضوعك نزل ولا وتقعد تبعتو تاني ع اساس المشكله عندك بس تتفاجا ان موضوعك نزل وانت عمال تعيد ارساله هههه النقطه التانيه الاسماء مشكله فعلا بس بقيت مبدققش وانده الي قدامى وخلاص اه بالنسبه للمواضيع النقاشيه راي بلاش سياسه عشان بيتحول النقاش الى ساحه معركه غير مجدية ومبتوصلش في الاخر الا الى نزاع لا تغرنك العقول الهادئة فخلف قناع الهدوء شخص يفاجأك انت في غنى عن رؤيته وامر اخر اختلافنا يؤدي الى فساد القضايا جميعها بشكرك على الفضفضة |
اقتباس:
وانتي طيبة خديجة وعيد سعيد عليكٍ وعلي الاسرة الكريمة بس الحمد الله ماطلعتش انا لوحدي بعاني من المشاكل دي هههههههه بس والله بختلف معاكي جدا في موضوع النقاش ده انا حضرت نقاشات كتيرة جدا ... وفيها منها وصل لطريق مسدود فعلا وزعل وفيها منها اللي كان مجدي وغير في قناعات ناس عمري ما تخيلت انها ممكن تتغير بس في فرق بين خلاف واختلاف .. لو الاختلاف هيفسد مجتمع ... يبقي اصلا احنا نبقي مجتمع مانستحقش نعيش ولا نتطور ولو الاختلاف هيصنع خلاف .. فده فقط بيعبر علي حقيقة مجتمعنا المنغلق علي ذاته ومدي التخلف اللي هو فيه ... ومقياس لعدم تحضره ... ولو النقاش هيخليه فزاعة لناس كتير بسبب اللي حصل في احداث الثورة وما تلاها فده بيرجعنا عشر خطوات ورا لقبل الثورات كمان .... ولو مش هنقبل بعض علي عيوبنا واختلافتنا ... فربنا يستر علي اللي جاي شكرا خديجة علي حضورك القيم والثري كل التقدير ... |
اتفق معاك في رايك في الاختلاف والخلاف والفرق بينهما الواضح جدا في نقطه انا توصلت لها في قصة كيف نتناقش ولا نختلف ان يكون لدينا قدره على احتواء الموقف وتحويله لساحه حوار لا جدال الجدال يوصلنا ايضا لطريق مسدود وان وجدنا ان حوارنا سيوصل للنزاع نتوقف عند هذه النقطه ولا نتمادى لان التمادي سيجعلنا نخسر الكثير هل تتفق معي؟ |
| الساعة الآن 02:09 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب