إكلير بكاسترد
 

https://scontent-mad1-1.xx.fbcdn.net...fd&oe=587B9DBD


المكونات:

1/2 كوب ماء
1/2 كوب لبن
1/4 كوب زبده
كوب وربع دقيق
4 بيضه
2 ملعقه صغيره فانيليا دريم
1/4 ملعقه صغيره ملح
ملعقه صغيره كيك شيف دريم
كاسترد دريم

الطريقة:

ضعي الزبدة والماء واللبن على النار لحد ما يغلى، بعد كدة إنخلي الدقيق وضيفي له الملح.
لما يغلى اللبن والزبده ضيفي الدقيق وقلبي وهو على النار لحد ما يتشرب الدقيق كل كميه اللبن والزبده ولما تتكون عجينه نرفعها من على النار وإنقليها لإناء تاني لحد ما تبرد.
إضربي البيض مع الفانيليا مع الكيك شيف، لما تبرد العجينه ضيفي البيض بالتدريج مع استعمال المضرب الكهرباء لحد ما تتجانس المكونات كويس.
جهزي صينيه عليها ورق زبدة وضعي العجينه عليها بملعقه او بكيس الحلوانى لتشكيل عجينة الاكلير على شكل مستطيل.
بعد كدة حطي العجينه فى الفرن اللي مسخناه من قبل كدة لمده 25 دقيقه الى 30 دقيقه على درجه حراره 200 درجه، وماتفتحيش الفرن قبل 25 دقيقه على الاقل.
بعد لما يحمر الوش خرجيها من الفرن وسيبيها تبرد ربع ساعه.
إفتحي كل قطعه من الجنب وإحشيها بالكاستر (زي الساندويتش) ولاحظي انها
مجوفه من جوة.
ممكن ترشي سكر بودرة فوق الوش قبل ما تقدميه..
..
.

تسلمي حبيبتي
في حفظ الله

شكلها حلو اوى

تسلمى

شكرا لمروركم ..