اليوم العالمى للسلام http://banatmisr.com/up3/uploads/1474466277011.jpg السلام عليكم ورحمة الله وبركاته الامم المتحدة حددت يوم 21 سبتمبر من كل عام للاحتفال باليوم العالمى للسلام وبتقدم فى اليوم ده دعوة لكل شعوب العالم وحكام الدول بوقف العنف ونشر السلام فى العالم بكل الطرق بنحاول ننشر السلام بالفن او التعليم او الندوات فى الوقت اللى فيه لسه حكام ماتت ضمائرهم وكل شغلهم الشاغل هو القتل والدمار ضيعوا شعوب وأوطان عشان اطماعهم فى الحكم فى اليوم العالمى للسلام لسه سوريا بتقصف وشعبها بيموت لسه فلسطين بتصرخ وتنادى على صلاح الدين لسه اليمن بتنهار لسه العراق بيعانى التشتت والطائفيه لسه فى كل بلد ارهاب وخوف ورعب من المستقبل فى اليوم العالمى للسلام بقدم ليكم دعوة وهدنة انشروا الحب والسلام فى اى مكان تكونوا فيه يمكن تكون بذور تطرح محبه وامان فى المستقبل |
هيهاتٍ هيهات يا مِنَة أي حُب وأي سلام تطلبينهم مِن حُكام بالاسم مُسلمين أي حُب وأي سلام تنتظرينهم مِنْ أعداء الله وأعداء الدين أي حُب وأي سلام في من يُخَطِطَ للقضاء علىَ المُسلمين بإيديهم دون حرب مُباشرة بل بتثبيت حُكامِهِم في كراسي الحُكم كَي يضمنوا ألا يكون هُناك قوة إسلامية تُهدِدَهُم وَتُهَدِدَ مصالِحِهِم تطلبين السلام من أعداء السلام يا مِنَة تطلبين السلام مِنْ حُكام فقدوا ضمائِرِهِم حسبيَ الله وَنِعمَ الوَكيل |
ماعتقدش ي منه ان الناس دى هتهتم بالسلام ، لان لو كان فى عندهم اى مفهوم للسلام العالم مش كان هيوصل للحال ده الجدير بالذكر ان ديننا دين السلام مش ليوم واحد لكن من وقت ما بدأ لاخر يوم على الارض تسلمى منون وسلامى ليكى |
اولا تحياتى وتقديرى لقلمك الرائع دايما ولكن ساكرر ما قاله ابوعصام اى سلام يطلب من شخص كل معانى السلام تتمثثل ف ندوه او ف كلمه اما الجماهير وتصفيق ولكن نتمنى ف دعوتك للخير منه تيحاتى وتقديرى لقلمك الجميل دائما ً |
ازاي وهم اساس الخراب والفتن داخل العالم هما محتاجين دعوه للرقي والصلاح ونحن نحتاج تلك الدعوه الي السلام تسلمي يامنون في حفظ الله وربك الهادي و المستعان |
حينما تكون قلوب المسلمين على بعضهم حينما يكون هدفهم الإسلام لا كراسي يتنازعون عليها حينما يقطعون اي علاقة بأعداء المسلمين وترك النفاق والكذب ويكونوا يدا واحده هنا نقول حق لهم الدعوة لسلام كله كلام على ورق فقط لا يمكن ان يتحقق منهم. على ارض الواقع موضوع رائع وقيم غاليتي وأختي منه سلم القلم وصاحبته لك خالص التقدير والاحترام في حفظ الله ورعايته إيلانا |
لا يمكن ان ينشر السلام طالما النفوس لم تصل إليه هؤلاء محبون فقط لمصالحهم وليس للسلام كذب وخداع ومشاعر مزيفة تأتى منهم لا أكثر ندعوا ان يصل السلام إلى جميع النفوس حتى تنعم الأرض به جميل الطرح عزيزتى سلمتى |
الامم المتحده يعني امريكا وامريكا هي اساس الفتنه والخراب بالعالم تطلب منا السلام و ديننا دين السلام وبالوقت الي احنا نلتزم فيه هما يخربوا علينا بالتخطيط والقتل ونشر الفكر المنخرف هي لابسه قناع الطيبه والحنيه وهي بالاصل اهل الفساد والدمار |
المفروض يعملوا بوم حداد على موت السلام فى الشعوب ويتم كل عام اختيار شخصيه شاركت فى عملية القتل تسلمى اختى الكريمه على موضوعك الراقى |
واي سلام يا استاذه انتي راقية ومبدعة وأنا اللي هقولك السلام هههههههههه تحياتي أكيد |
الساعة الآن 07:00 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب