منتديات بنات مصر - الحلقة(62)من برنامج اجدد عضو ومعانا (ahmed22)

http://banatmisr.com/up3/uploads/1475157963371.png
http://banatmisr.com/up3/uploads/1475158080261.gif
أهلا وسهلا بأعضاء المنتدى الطيبين
وحلقه جديدة واجدد عضو فى المنتدى
يمتلك موهبه وقلم مميز قدم مواضيع جميله جذبت كتير من الاعضاء
رحبوا معانا

ahmed 22

عضو جديد

http://img02.arabsh.com/uploads/imag...35404363f4.gif http://img02.arabsh.com/uploads/imag...35404363f4.gif

http://forums.banatmasr.net/image.ph...ine=1473279940
اهلا وسهلا بيك فى المنتدى والبرنامج
فى البداية عاوزة اشكرك على تواجدك المميز
ومشاركاتك القيمة اللى لفتت نظر الجميع من اول ماسجلت هنا

بشكرك علي كلامك اللطيف وزوءك ..
وبنتعلم بوجودكم اكيد .. وفرصة جميلة الناس تعرفنا من خلالها اكتر
ونتعرف عليهم بشكل افضل ..

وحابين نتعرف عليك اكتر
احمد .. 25 سنة

بلدك ومحل للإقامة
مصر .. المنوفية ( ولاء مش بخيل ولا هبقي رئيس الحمد الله ههه)

هههه طب ليه كده حتى يبقى لينا واسطه فى البلد دى:oio:

وظيفتك والحالة الاجتماعية
التجارة ... اعزب

عندك اخوات قد ايه وترتيبك بينهم
عندي اخ واخت .. وانا رقم 2

ايه الحكمة المفضل عندك
لو كان هناك طريقا للمعرفة .. لاصبحت كل الطرق كباري
هي مش مفضلة ... بس غالبا مش حافظ غيرها او معلقة معايا

ايه طموحك فى المستقبل
والله واخدها مراحل .. بس اكيد الطموح مالوش حدود

ايه الرياضه اللى بتحبها وبتابعها
كرة القدم

هواياتك ايه
حاليا .. مش بمارس هوايات بصراحة عشان الشغل وكدا
اللهم الا لو هنعتبر الكتابة في المنتدي هواية
وابقي كداب لو قلت القراءة كهروب ..
لانه تقريبا ماقريتش غير كراسة الأول في الدراسة
الكتابه هوايه جميله ومش اى حد يقدر عليها
وماقرأتش سلاح التلميد ولا ايه :)

مثلك الاعلى مين
اكيد بعد نبينا الكريم .. ابويا وامي
http://banatmisr.com/up3/uploads/1475158321591.gif
عرفت للمنتدى ازاى
والله كنت قاعد بدور علي منتدي اسجل فيه
عشان اكفي شغفي بالنقاش
لاني عشان مش بحب اقري .. بحاول اعوض ده بالتفاعل
مع الناس .. عشان اكتسب خبرة افضل وامارس شئ بحبه
ولاقيت المنتدي هنا ..فقريت شوية .. فلاقيت الناس محترمة ..
قلت اسجل واجرب تاني

سجلت على طول ولا فضلت زائر فترة؟
كنت متردد في البداية عشان اسم المنتدي بس ههههه
بس بعد كدا لما دخلته ..لاقيت العملية سهلة
وده كله ماخدش ربع ساعة

ايه شجعك تسجل فى المنتدى
انا ماكنتش محتاج تشجيع بامانة ..
لاني كنت حابب اني اسجل في اي حال من الاحوال

مشترك فى منتديات تانيه؟

انا كنت مشترك في منتدي تقريبا من ثورة يناير
حتي 2014 وبطلت لظروف وكدا ..
بس قفل من كام شهر ...
هو كان منتدي عربي .. فيه من كل البلاد العربية ناس
وكل بلد ليها خصائص وصفات وكانت الفكرة حلوة ..
انك تعامل ناس من بلدان مختلفة ..
والناس فيه بصراحة كانوا جمال جدا...
يعني السوريين ثقافة وتنظيم بشكل مبالغ فيه هههه
يغيظوا بصراحة.. اليمن اهل اللغة .. متمكنين جدا في الادب والمفردات ..
ولبنان اكترهم بيكتبوا شعر رومانسي .. و ..و.. و
ولسا علي تواصل مع ناس من هناك
بامانة اتعلمت كتيررر بوجودي بينهم ..
لان فترة الثورات دي مليانة زخم واحداث
وطورت ناس كتير في الفترة دي ...
حتى هنا فيه جنسيات من دول عربيه كتير
وان شاء الله تتعرف عليهم
http://banatmisr.com/up3/uploads/1475158321591.gif
اول قسم شاركت فيه؟
قسم النقاشات

لقيت ترحيب وتفاعل من الاعضاء فى مواضيعك؟
اه الحمد الله بشكل مقبول وكبداية كان التفاعل يشجع بأمانة

اخدت بالى من نوع القصص اللى بتكتبها وتقريبا
دى اول مرة حد يكتب قصص قصيره جدا هنا
ممكن تشرحلى اكتر الفكرة

هي فكرة ق ق ج او الومضة لذيذة جدا ..
لاني كنت قبل كدا بكتب قصص اللي هي 8 فصول و10 وكدا ..
بس دماغي مابقتش تطيق بسبب ضغط الشغل
مع انها كانت ممتعة جدا وبكتبها فصل بفصل وبشكل مباشر
وبدون تحضير علي طريقة الفلاش باك وتفاعل الناس بيشجع اكتر ..
فقلت اركز علي شئ ابسط ولقيتها في الومضة دي لانها مناسبة
للي ماعندوش الصبر والوقت يكتب قصص طويلة

يعني برضه انا اللي كنت مدخل نوع القصص في المنتدي
اللي كنت بدخله قبل كدامن 2012 تقريبا ..
بس كنت بكتبها سطور كتيرة وكنت بعتمد اكتر علي الفلسفة
اللي كانت بتجذب الناس بس غالبا كانت شكل القصة غلط ..
وكنت بعتمد علي الغموض اكتر ..
فكانت الناس تفكر وكانت كأنها فزورة اكتر منها قصة
وكلنا بنتباري بحل طلاسمها...
وكنت وقفت لحد كدا من فترة طويلة ... لما دخلت هنا
لقيتني فجأة بكتبها سطر واتنين
بس بصورة ابسط من غير ماخد بالي
وحاولت اطورها لحد ما مزجت العمق مع بساطة الفكرة ...
عشان ابعد عن الغموض المصطنع ..
ماعرفش بس اللي عاوز اوصله ان هو تقريبا تعليم ذاتي
او ماحدش بيعلمنافبنطور من غير ماناخد بالنا .. تراكمات يعني ...

يعني انا تقريبا اول مرة اعرف اني بعرف اكتب شعر عامي هنا ...
وماكنتش اتخيل في حياتي اني اكتبه ...
والله لقيت هنا ( همس الكناريا ) بتكتب عامي حلو جدا
فانجذبت للون ده من الشعر وقلت اجرب هخسر ايه..
مع اني كنت بسمع احيانا اشعار من دي بس
ماحسيتش بقا اني قادر اكتبها غير لما شوفتها مكتوبة قدامي ..
لقيتني بكتب مرة واتنين وتلاتة .. وماعرفش انا بكتب ازاي اصلا ..
بس حسيت الكلام عاجب الناس برضه الي حد ما
.. ومش بطال .. فساعات الواحد بيستغرب من نفسه عموما ..
بس التجربة حلوة .. والجرأة مطلوبة والخوف من الفشل
او انه ما يعجبش الناس ده مفروض مايشغلش حد ..
وخصوصا لما تفكري تجربي تكتبي الومضة دي ..
لانه صعب يتم اتقانها من اول مرة ..

انا كمان بداية الكتابه الصح كنت هنا
واتعلمت من الاخوة الاعضاء حاجات كتير
اتمنى تستمر فى الكتابه وتستفيداكتر
http://banatmisr.com/up3/uploads/1475158321591.gif
واضح انك بتحب الكتابة مكن اعرف من امتى بدأت تكتب؟
انا بحب اكتب لأني حابب فكرة اني اقول لنفسي
اني مابعرفش اكتب هههه اه والله ..
هو الموضوع متعة عموما لما الواحد يناكف نفسه
بس اول مرة اكتب كانت في المنتدي اللي كنت مسجل فيه قبل كدا ..
في فترة الثورات وكان في البداية كله نقاشات وفكر وسياسة
وبعد كدا قصص فصول وبعد كدا كتبت خواطر وشعر ...

بس الناس هناك هما اللي حببوني اني استمر في اني اكتب ..
ولفتوا نظري لحاجات كتير ماكنتش واخد بالي اني بعرف اعملها
غير لما جربتها ..

مين من الادباء بتحب تقرأ ليهم وبتابعهم؟
مش بقرأ لحد بامانة ... بمل من القراءة زي ما قلت وده عيب اكيد ..
بس انا غالبا بقرأ الهوامش في اي حاجة
وبحاول اطلع فكر جديد .. ومابحبش حد يؤثر علي افكاري
لانه احنا في زمن الأهواء .. ومافيش صاحب فكر او رسالة
الا صاحب غرض .. الا ما رحب ربي اكيد ..
والتليفزيون او النت اللي هما بقوا مصدر معلوماتنا ..
هما برضه مصادر استقطاب اولا واخيرا .. وانا حابب
اكون علي مسافة واحدة من الناس كلها
عشان اقدر احكم علي الامور صح ..
حابب ان اكون وسطي .. حابب اني اشوف واحد النهاردة كويس
بس اقدر لما يغلط اقوله انت غلط .. حابب اني مانصدمش في حد
وحابب اني اشوف الدولة بتاعتنا برئيسها موظفين عندي
وانا اقيمهم مش هما اللي يمنوا عليا بكرمهم ..
اشوفهم ناس بيتقاضوا اجور مقابل اعمالهم ..
مش ناس بيبعوا شعارات الحب .. ولو حتي فعلا جواهم بيحبوا البلد
اي كان مين بيحكم .. ده ما يشغلنيش .. ده علي سبيل المثال

انا اعرف بس اللي محتاج اعرفه علي هيئة معلومةفي سطرين ...
اللي هي المعلومات العادية او المصطلحات ..
وبعدين اكمل من عندي ..
بحاول اعمل كيان وفلسفة خاصة لكلامي ..

بس فيه مثلا ناس بسمع ليها اشعار عالساوند كلاود
زي مصطفي ابراهيم .. الرجل ده عبقري مالوش حل .. وخصوصا
تفرانيل .. والبنكنوت
او محمود درويش .. ده لسا سامعله قريب حاجات فذة علي اليوتيوب
زي لا شئ يعجبني ..
دول كفايه اوى ومتابعتهم متعه تانيه
انت لو حابب العاميه ممكن تقرأ لصلاح جاهين أو نجم والابنودى
وتابع بقى الاعضاء هنا وانا كمان:174:
http://banatmisr.com/up3/uploads/1475158321591.gif
اكتر قسم بتحب تشارك فيه؟
النقاشات .. بس لحد دلوقتي يعتبر ماشاركتش فيه

بتحب المسابقات ؟
لو علي سبيل تضييع الوقت او التسلية .. احب اشارك ..
بس ماحبش انافس

كونت صداقات هنا ولا لسه؟
لا عملت خناقات بس ههههه ..
يعني لسا بلمس مع الناس
نتشرف بيهم كلهم
ههههه خناقات بداية موفقه

مين من الاعضاء بتحب تقرأ ليهم
والله فيه ناس كتيرة بتكتب بشكل حلو بس انا ماتابعتش كله
بس فيه زي ما قلت همس الكناريا .. وخديجة ..
وفيه سيبويه .. اه وفيه
أ \ حسين إبراهيم الشافعي .. شفت مواضيع ليه
بالصدفة لانه تقريبا حاليا مش بيدخل..
بس ليه اسلوب خاص ومتمكن جدا .. ما شاء الله

هل قابلتك اى مشكله اثناء تصفح المنتدى؟
الأول بس لما كنت عضو جديد .. علي ما عينيا اتعودت
علي شكل المنتدي بس ..

عندك اقتراح او خاصية تحب تضيفها
لا والله .. انا شايف المنتدي محتاج بس ترابط اعضائه ليس الا..
والقائمين علي المنتدي يخلوا بالهم من هجرة الاعضاء من المنتديات
لان واقع مواقع التواصل وفكر الناس بقا مرتبط اكتر بالسرعة ....

بشكرك على قبول الدعوة واتمنى ليك التوفيق والإستمرار معانا

الشكر ليكي علي الدعوة الجميلة دي ..
ودايما يا رب بخير ..
http://banatmisr.com/up3/uploads/1475158321591.gif
وهنا تنتهى حلقتنا مع استاذ احمد
بشكركم على المتابعه واتركم للترحيب بيه
http://banatmisr.com/up3/uploads/1475158080312.gif