منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   جاية في ملعبي (https://forums.banatmasr.net/msryat561737/)

a7med -3del 10-08-2016 08:29 AM

جاية في ملعبي
 
فاكراني عيل
هافرح واصدق
وانتي جاية تقضي وقت
تشتغلي قلبي وتلعبي
هتشوفي حالا
انا ابقي مين
هاثبتلك ده في يومين
اصل انتي جاية حتتي
وجاية في ملعبي

عارف تاريخك
كله فضايح
قلب جاي
مع قلب رايح
وانا مش تخصص
وعظ ونصايح
بس انتي معايا هتتعبي

الكل واقف ليكي طابور
مش حب دي اشارة مرور
جاية برضاكي
وانا وافقت العب معاكي
ولا يوم عليا هتصعبي
مانتي جاية في ملعبي

اكتر فترة فيها صونت
كانت يومين
بالنسبة ليكي انا لو هاخونك
هاخون سنين
معلش بقي حظك كده
جهلك رماكي
مع قلب فعلا غبي

8-10-2016
Ahmed adel

.Lamar 10-08-2016 11:01 AM

مش حب دي اشارة مرور

عجبنى التعبير دة كتير اخى
و دى غلطة
اللى دايما بيعمل ناصح
وفاكر ان مفيش حدا بشطارته

تسلم على الخاطرة اخى
تحياتى

شاعر الحب الحزين 10-08-2016 02:48 PM

جاية ف ملعبك يبقى لازم تتعب

جميل لما نحط حد لتصرفاتهم الغبية بغباوة تفوق غباوتهم

جميل يا ابو عادل واحساس قوي ومناسب للحالة

ابدعت..دوااام التألق

شاعرة الرومانسيه 10-08-2016 03:13 PM

جات بملعبك تبقى كدا ميه ميه

دائما لخروفك هدف راقى ومميز

تسلم ايديك احمد

همس الكناريا 10-09-2016 12:46 AM





والجدير بالذكر إني .. !
كنت فاكراك حته مني
كنت فاكراك نور عنيا ..
وإنك إيد مسكت إيديا
وإن نفسك هيا نفسي
وإن روحك هيا روحي
وإن إسمك هو إسمي
بس عمري ما كنت أفكر
إن أيوا هيجي يوم !
تبقي إنت سبب جروحي
وإن لما تبعد عني !
هتمشي مني كل حاجه
حتي روحي .
.........،

كالعادة مبدع بكل حالاتك
وقلم يطوع الكلمات كيفما يشاء
دمت للرقي عنوان
احترامي

همس الكناريا

a7med -3del 10-09-2016 01:11 AM

اشكر الجميع طبعا علي الردود الجميلة.
اما همس فانا تلميذك
وعلي فكرة انا مش راضي عن موضوعي دع وغيزه كتير
بكتب ليه
اولا عشان منساش اني بكتب
ثانيا للتواجد وفقط عشان مبعدش اكتر من كده
ده الواقع بدون مبالغة
مش ده الكلام اللي يرضيني انا شخصيا علي الاقل
ده بقي بالظبط شغل موظفين
بمضي وامشي
مليون تحية

a7med -3del 10-09-2016 01:13 AM

اخر موضوع كتبته بجد
وقال مسافر
وفخور اني عملت ده

فصيح 10-09-2016 10:54 AM

وأنا معاك يا احمد أنت قلمك وكتاباتك أعلى من كدا
ولو تلاحظ ردودي أقلت عليك لعدم المجاملة الأن أنت مش
محتاج مجاملة أنت أعلى واسلوبك ارقي لما الاحساس يزيد
كل الشكر والاحترام والتقدير ليك

a7med -3del 10-09-2016 03:09 PM

حبيبي وزدت في نظري جدا
لان فعلا دي الحقيقة
بس صدقني
مشكلتي اني مودي
ومبكتبش لما بعيش احساس معين
حال مصر واجعني اوي
بس اوعدك موضوعي الجاي
هيكون قنبلة
واكيد هتشوفه
استناني قريب
بعتذرلك ياوطن

فصيح 10-09-2016 03:10 PM

اقتباس:

المشاركة الأصلية كتبت بواسطة a7med -3del (Post 5087402)
حبيبي وزدت في نظري جدا
لان فعلا دي الحقيقة
بس صدقني
مشكلتي اني مودي
ومبكتبش لما بعيش احساس معين
حال مصر واجعني اوي
بس اوعدك موضوعي الجاي
هيكون قنبلة
واكيد هتشوفه
استناني قريب
بعتذرلك ياوطن

بكل شغف منتظر يا فنان
ربنا يوفقك دايما
خالص احترامي


الساعة الآن 11:45 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w