منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   انا الفقير (https://forums.banatmasr.net/msryat561933/)

ahmed 22 10-10-2016 09:47 PM

انا الفقير
 


دم الغلابة اتحط علامة استفهام ؟
أصل الحياة دايرة تلف حبال
فن السؤال عمره ما شاف إنسان
سوء الإجابة ضمير ما بين ورق سيلوفان
برضه العيون دايسة في قلب سيقان
بصت لفوق تعبت من الأنوار
راحت شمال لاقت فلوس تٌغتال
تابت يمين لاقت الكفالة جنان
أصل الحوالة غلاف سفير بلد غلبان

ماشي في حول الله بصرخ بقول مولاي
بلادي بانية حيطان وأنا الفقير قبطان
أعيش اواجه موت وفي كل يوم قرصان
بيقولوا عني كلام والتهمة في الشكوة
أصل الحياة حلوة والعقدة دي مرة
يحكولك الفكرة في الصبر والتقوي
شافوني أنا الكافر والمعدن اتصفي

الحلوة ماشية هناك قادر أغازلها
بس عيوني السود تخاف من المولي
أنا الفقير إلي الله قادر أكون إنسان
الفكرة فيك أنت وفي حكمك البطال
عايش ظنون في ظنون أنك أمير الكون
لكن مافيش للكون غير سفير للموت



بنت خديجة 10-10-2016 09:50 PM

الله عليك وع قلمك يااحمد
مبهر في كل مرة اقرا لك
دام نبض
وكلنا فقراء الى الله

ندوشه 2011 10-10-2016 10:39 PM

ربنا يهدي الحال احنا مانقدرش نقول حسبي الله ونعم الوكيل في كل ظالم. ..ماتزعلش مني ماتسيبنا من السياسه دي والله انت زي اخويا وزي ما بخاف علي أهلي انتو كمان أهلي روح بقي هاتلي حاجه اشربها هههههههه اوعي تقول غلسه زي غيرك

αЛαstoOorα 10-10-2016 10:43 PM

الله ينور ياابو حميد
آداء وجمل وتعابير رائعه
دام نبض قلمك
بالتوفيق

همس الكناريا 10-10-2016 11:14 PM


وآه يافقر ليك طعنة
بتقتل فيا احلامى
وانااللى ف صورتى 100معنى
لكن محتاجة إعلامى
يسلط بالضمير عدسة
وترصد كل آلامى
لكن خاطفاهارقاصته
وعنى سيادته متْعامى
وشايف الجرح بعيونه
ولماطلبت برشامى
لقيته قلى ليه يعنى
اساوى بنفسى خدّامى
وحتى ان جبت براية
مبلقاش سن ف اقلامى
دانا اللى ف الحياة عايش
وجوعى بقسوته لجامى
لسانى جف من عطشى
وكمان واتكسرو عظامى
رصيف يرمينى ع التانى
وكاتم حزنى ف صمامى
لكن كل البشر حالفة
تدوس بالرجل ف حطامى
انا اللى ذنبه ف الدنيا
(رافض يتقال لى ياحرامى)

.........

أبدعت أحمد
.حرف حر وقلم نابض وفكر مستنير
ومهما قولنا وكتبنا لانوفيك حقك
دمت ودام نبض قلمك
احترامي.

همس الكناريا




توحد ارواح 10-10-2016 11:23 PM

كلمات ذات معنى ومغزى

جميل ما خطه قلمك

تحيتى

الفيلسوف العآشق 10-11-2016 01:01 AM

رووعااتك احمد ..
كلام ومعاني جميله
والي بين السطور اجمل
قدرت اري المعني اكتر في مابين السطور
دمت متالقا

فصيح 10-11-2016 09:23 AM

الله الله
روعة يا غالي

لنا رب اسمه الكريم
والجروح بكرة تطيب

تحياتي لك والتقدير

دمعه حائره 10-11-2016 01:01 PM

ماشاء الله كلمات رائعه
والاروع ان قلمك ليه رساله بيحاول يوصلها
تسلم اخي

فداااااااااااء 10-11-2016 01:23 PM

الله قادر يغير الحال
نقول يارب
كلمات جميلة منك اخى الكريم ذات مضمون قيم
سلم قلمك
احترامى


الساعة الآن 12:30 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w