منتديات بنات مصر - شُفْت بعيني محدش قالي ؛

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - شُفْت بعيني محدش قالي ؛ (https://forums.banatmasr.net/msryat562485/)

شُفْت بعيني محدش قالي ؛

http://banatmisr.com/up3/uploads/1364064346551.png

شُفْت بعيني محدش قالي

http://scontent.cdninstagram.com/t51...k3Mw%3D%3D.2.c

(1)

شُفْت بعيني محدش قالي
إن الدنيا غريبْةْ الحال

ناس تِتْعَلم، ناس تِتْألم
ناس بتغني تقول موال

ناس بتحب الخير وبتؤمن
إن الفرحه ف راحة البال

أما الصِنف التاني يا بويا
حب الخير ف حياته محال

أصل الدنيا ب تفتن فينا
واللي يعيش هيشوف أهوال

/

(2)

واحد ربك وهبه بنعمة
كان وياه المال علي طول

كان بيبحتر فيه و بيشرب
خمرة ووسكي وكان بيقول

ديه فلوسي وتعبي وكدي
أزاي اأزكي ده مش معقول

أوحش أكلة صاحبنا ياكلها
كبدة ومخ ولحم عجول

جات له حريقة ف بيته وماله
خلّت أحسن أكلة الفول

شُفت بعيني محدش قالي
إن المال دا مسيره يزول

/

(3)

ودا شُغلانته أُستاذ قاتل
أصله بحاضر ف الإجرام

يقتل يسرق كل دا جايز
وكمان يلعن ف الأيام

ركب المركب يوم يتفسح
قضي حياته ف الأوهام

قام واتخانق مع سواقها
سب ياناس دين الإسلام

إلا وجت له موجة قوية
مات علي غير دين الإسلام

شُفت بعيني محدش قالي
إن القاتل عيشته حرام

/

(4)

شُفت أنا راجل قاسي وظالم
قلبه اتجرّد م الإحساس

يسرق ينهب ف الأموال
يعمل شر ويأذي الناس

حط فلوسه ف شركة كبيرة
قضّي حياته ف شرب الكاس

حظُّه ملطّش خبته تقيلة
رمز الشِركة بقي الإفلاس

شُفت بعيني محدش قالي
إن الظلم مالوهش أساس

/

(5)

و دي عمّاله بتدهن بُدرة
قال بتحسِّن إيه خِلقتها

كل ما تيجي تروح مشوار
جوا الشنطة تلاقي مرايتها

خرجت مرة عشان تتفسح
ويّا صحابها ومع صَحْبَتها

سهرت برة لنُص الليل
كل الناس جابت ف سيرتها

شُفت بعيني محدش قالي
إن حياء البنت حياتها

::::::::::::::::::::::::::::::::::::::

همس الكناريا

حلوة اوى منك همس
وكتير ياما نشوف فى الدنيا أصناف بشر
تسلم ايدك يا راقية

جميلة اوي كلماتك ..
تسلمي حبيبتي ^^

شوفت بعيني محدش قالي

رساله نصح باحلى كلام

للي وخداه دُنيا الظلام

أب وأم عليهم الملام

زي ما قلنا خير الأنام

هذيان قلمي المجنون

أبنتي همس الكناريا

جميلة قصيدتك يا بتي وراقت لي كثيراً

نصيحة مُباشرة لكل من أخذته الدُنيا الفانية بِلَهوِها

وبعد عن دين الإسلام

تستحق التثبيت + وسام التَمَيُز عن جدارة

ومعاهم تقييمي البسيط + ***** 5

تحياتي لفكرك الراقي وقلمك المُبدِع

والذي صار في اتجاه أدعو الله أن يوفقك فيه

وهو النصح والإرشاد للغافلين

أبو عصام

ياجدعان مشوفتش حد ينافس الست دي ^^
ياجدعان انا عاجز عن مسواة الروس بيني وبينها
دي عدت كل مراحل الآوصاف بصراحه ههههه
تستحق التثبيت فعلاً
سندريلا الشعراء بجدارة ^_*

انتى ازاى كده
حلوة اوى ي همس
مبدعه بجد وموهبتك فوق الخيال
تقييمى بقا ^^
وبنر لموضوعك هديه
لانه يستاهل

تبارك الله

مش هزود عن اللي قبلي طبعا

عارفه رايي بكتاباتك

ادام الله موهبتك نعمه في منتدانا :)

تسلم ايدك ياجميله

نجومي قبلها تحياتي

روووووووووووعه يا همس
لوحه جميله معبره
بتحكى عن اشكال واصناف بعض البشر
وفعلا الاصناف دى واقعيه وموجوده فى الحياه
تسلمى همس

كل مابعد عن الكتابة وادخل اتسلي
ومبقاش عايز اكتب اقرا موضوعك ده
فغصب عني بفكر اكتب وادوس
مجرد تفكير مش اكتر وده لاني كاره دلوقت اركز. عندي حاجات شغلاني اكتر
بس انتي بكلامك بتسحبي مني الكلام.
انتي رقم واحد في الشعر العامي الصريح
اللي انا مبكتبوش كتير
يدوب اعبر باغنية خفيفة
انما انتي في مكانك مبدعة
ومش هاقيمك لاني اقل
بس هاعبر عن اعجابي بكل كتباتك
انتي حدوتة
شابوه

رائعه ومبدعه ومفيش كلامك يوفيكى حقك
تسلمى همس دمتى راقية