|
فيلم هندي تقتلني الدنيا ألف مرة ولسه عايش واللي بحبها قلبها بالحب مش حاسس وانا ولا شاروخان.. ولا سلمان خان مجرد انسان في درب الأحزان ماشي ودايس مليش حد تعبت بجد واديني بجاملها وبسايس القلب مليان جروح.. ولمين اشكي وابوح اللي بتمناه بيروح واللي برفضه لازق فيا ولابس ما شفت هنا وف حزني انا اقدر أي حزن انافس تبقى حياتي فيلم هندي.. دور البطولة ليا وضدي واديني بمثل فيه لوحدي ومش شايف جنبي حد خالص الحزن خصمي نساني اسمي خد مني عمري وبالناقص من بعد الماضي..عايش عالفاضي ف جرحي بدادي..ولا راضي يطيب بيزيد ويكبر ... يوجعني اكتر مبقتش اقدر.. افضل أو اغيب عرفت امثل ..ولسه متحمل ماشي وبكمل ..ويا النصيب دور مش ليا..لقيته اتفرض عليا بقيت بكذا شخصية..ولسه غريب الفرح فيه ضيف شرف الحب فيه ملوش مكان فيلم هندي ملوش هدف زي صاحبه ملوش عنوان شــــــــــــــــــــــــــــــــــ . حـــــــــــــــــــــــــــــــــــــــ |
عنوانك التميز والابداع دوما خالد تسلم علي كلماتك الرائعه |
كلمات موجعه لكنها رائعه برغم قسوة الاشعور تسلم خالد ابدعت |
شعور قاسى وموجع خالد تسلم ايديك رااااائع دئما |
كلماتك جميلة جدا و معبرة تسلم بقا |
فيلم هندي والناس عايشة فيه رائعة كلماتك شاعرنا دام هذا النبض |
بحول الله حياتك سعيده وربى يعطيك العافيه لروحك السعاده |
مش كل اللى بيتمناه الانسان بينوله وهى حياتنا مجموعة من الافلام المختلفة سلمت اخى شاعر كلمات بها شجن ولكنك تنسجها دوما بابداع اسعدك ربي اخى |
الحياه فيلم هندى فعلا ربى يسعدك تسلم ايدك |
يعجبني صدق قلمك ودفء مشاعرك بانتظار جديدك دمت رائعا ومبدعا |
| الساعة الآن 09:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب