فضفضة الواحد بعد العشرين في عمري https://pbs.twimg.com/media/Bmu-rm7IEAAe9p_.jpg صباحكم ومساكم خريفي حلو مع المطر الي عندنا كان امبارح بس الجو حلو فحبيت اصبح عليكم بكامل الطاقة الايجابية الي عندي النهاردة عايزة اتكلم معاكم في ازاي نتفائل بيوم حلو الناس عند نفس الموضوع الواحد بيكون قسمين مثلا لما تضحك من قلبك وعنيك تدمع هتلاقي ناس تقولك ربنا يستر اصل بعد الضحك نكد وناس هتشوف الضحكة انها يغرت جواها وخليتها مبوسطة واننا لازم نتبسط فيها للآخر انا من النوع التاني الي شايف ان طالما ضحكت يبقى مفكرش في الي هيجي بعد الضحك وبيكون عندي يقين انه خير دايما فبيبقى خير امبارح على نص الليل نزلت مطر وكان رعد وبرق في سماء المدينة المنورة جو خريفي منعش ويفوق الوصف مبهج على كافة الاصعدة النفسية الجو دة حقيقي بيخليني شايفة ان يوم ميلادي النهاردة زانا بدخل اول سلمة للواحد بعد العشرين اقول يارب اعيش كمان يوم مع اهلي واصحابي وانا مبسوطة بشوفتهم النهاردة هيكون مختلف ، انا هخليه مختلف ههدي نفسي كتاب ابدأ بيه السنة الجديدة وههديني عطر الياسمين بتاع الي صعب وهتصل على صحباتي افكرهم كاالعادة ان النهاردة يوم ميلادي واديهم فرصة يقولولي كل سنة وانتي طيبة هشتري لكل البيت حاجة حلوة هدية مني ليهم وهختم اليوم بخروجة مع اختي الصغيرة و ولاد اختي الكبيرة واقضي اليوم معاهم الاطفال مبهجين :75: احنا الي بنخلي يومنا حلوة وبادينا نخلي يعدي بسلام اه في ناس تخصصها تنغص عليك يومك بس نصيحة مني متديش الناس السلبية فرصة تخلي يومك يكون وحش حاول قد متقدر تشوف هتعدي يومك ازاي ومع مين خليك مع الايجابيين والسعداء لانهم هيعدوك ع طول بفيرس الطمئنينة بس انت تفائل ومتنساش تدعي في اطراف اليوم اللهم انا نسألك خير هذا اليوم وخير مابعده الخير احبائي هو السعادة محدش عارف الحالة الحلوة هتخلي اليوم يعدي ازاي / تحياتي ليكم بيوم حلو ياسكاكر |
كل سنه وانتي طيبه ياجميله واكيد احساسك باليوم هيخليه جميل وزي ما هتفكري باليوم هيحصل باذن الله فقط تفائلي دعوه جميله زي قلبك ياحبيبتي تثبت بقي بمناسبة عيد ميلادك:*:* |
يسعدلي قلبك وروحك الطيبة ياسكر |
والنبي انتي عسل ومتفائلة ونشرتي فينا الطاقة الايجابية تسلمي خديجة |
اقتباس:
|
مااجملك وقلبك الرقيق والطيبه والتفاؤل فى كلامك كل سنه وانتى طيبه حبيبتى وعقبال 100 سنه صحة وسعادة وتحققي كل ماتتمنى |
اللهم امين التفاؤل من صفات المسلم وخليكي دايما كدة علي طول متفائله كل سنه وانتي طيبه وعقبال ما تخطي عتبه ال90 |
كل سنة وانتي طيبة وبألف خير الله يبارك في عمرك ويجعل حياتك مليانة بالسعادة والأوقات الحلوة فضفضة جميلة كلها تفاؤل وحياة الله يوفقك ويسعدك |
تفائلوا بالخير تجدوه سلمت اناملك الرقيقة التي سطرت لنا اجمل الكلمات تحياتي |
كل سنة وأنتي طيبة وبصحة وسعادة دايما ويدوم عليك ِ روحك الجميلة ونعمة التفاؤل ويارب يحقق كل ما تتمنين فضفضة راقيه كرقيك خديجة مودتي همس الكناريا |
الساعة الآن 06:54 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب