منتديات بنات مصر - انــا والعســل .. الحلقـه الثـــانيــه

http://banatmisr.com/up3/uploads/1477564950851.png

مساء الخير
اهلا وسهلا بيكم في تاني حلقات انا والعسل
معايا النهارده ضيفه مميزة جدا
ومن اقرب الناس ليا هنا :ah:
منوره ي Aya 7ekaya
ومبروك الترقيه الجديده تستاهليها :414:

حبيبتى ي سهر بقا :414:
والله يبارك فيكى

مستعده نبدأ الأسئلة

مستعده ي باشا :002:

الفقرة الاولى من الأسئلة

كلمينا في الأول عن نفسك شوية ؟

انا آية 21 سنه ف كليه فنون جميله
بحب الرسم والديزاين وبس كده :m46:

كل واحد فينا عايش لحلم معين عايز يحققه , ايه هو حلمك ؟ واتحقق ولا لسا ؟

احلامنا بتتغير بس حلمى دلوقتى ان ربنا يرضى عنى

بتخافي من ايه ؟

اكتر حاجة بخاف منها انى اخسر الناس اللى بحبها

أيه انسانه خياليه ولا واقعيه ؟

على حسب المطلوب يعنى اوقات الحياه بتحتاج اننا نكون واقعين زياده واوقات بحب اخرج من الواقع واكون انسانه خياليه

لو قولتلك غمضي عينكي ثواني ايه اول حاجه جت في دماغك ؟

دعوه معينه بينى وبين ربنا ^^

ربنا يحققلك اللي بتتمنيه

الفقره الثانيه من الاسئله

انتي شايفه المعاني دي ازاي وشايفه نفسك فيها ايه :

الجمال
الجمال مرتبط عندى بالروح يعنى ممكن شخص يكون جميل شكلا بس انا مش متقبلاه
وشخص تانى بسيط بس لانى شايفه روحه حلوة ف بشوف فيه معنى الجمال

الموضه
الموضه حاليا هى تقليد اعمى لتفاهات ناس تانيه

الذكاء
انى ارد رد مناسب فى الموقف المناسب مارجعش بعدها اقول ياريتنى كنت قولت كذا بحس نفسى غبيه جدا :m46:

الرجولة
الاحتواء

الخير
ربنا

الشر
البشر

الفقره التالته حد السيف ( مسموح عدم الاجابه على سؤال واحد بس )

1/ جواز الصالونات ولا عن حب ؟؟
فى الوقت الحالى جواز الصالونات

2/ حاجه عملتيها وحسيتي بندم بعد كدا ؟
مابحسش بالندم غير لو عملت حاجة تغضب ربنا

3/ فتره في حياتك نفسك ترجع تاني ؟
مفيش :m46:

4/ تقريبا كل شلتنا اختفت من المنتدى ايه سبب تمسكك بيه وتواجدك على طول ؟
اتعلمت حاجات كتير فى المنتدى ، كونت صداقات ، بحب التحدى والنجاح وحققت جزء من ده فى المنتدى

5/ لو جتلك فرصه تقعدي مع كل واحد فيهم 5 دقايق هتقولي ايه ؟

- ظافر العابدين http://forums.banatmasr.net/images/s...0Smiles/33.gif
انت عندك 40 سنه انت :ah:

- دينا الحلو ( اشهر مشجعات الزمالك مؤخرا )
ماعرفهاش :m46:

ازاي بس دي باقت اشهر من مرتضى والسيديهات بتاعته :154:

- عميد الكليه عندك :m46:
روح ي شيخ ربنا &*&^*)() :1312:

6/ في قانون في المنتدى عيزاه يتغير ؟
فى اكتر من حاجة بس الاهم الصحوبيه والمجاملات اكتر عيب شيفاه

7/ اصعب حاجه بتواجهك في منصبك الجديد ؟
دى مش هقدر اجاوبها :m46:

شكرا ي ايه لقبولك الدعوة http://forums.banatmasr.net/images/s...0Smiles/98.gif
يارب تكون الاسئله خفيفه عليكي
نورتيني ي صديقتي

العفو ي سيهو انا فرحانه انك رجعتى وفرحانه انى كنت معاكى :414:

ربنا يخليكي حبيبتي :m41:
استنوني مع ضيف جديد وحلقه جديده من انـــا والعســـل
سلام :414:

سهــــــــــر :D