منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   ياريتني فضلت بعيد (https://forums.banatmasr.net/msryat563122/)

شاعر الحب الحزين 10-30-2016 02:13 AM

ياريتني فضلت بعيد
 

البنت اللي انا حبيتها

وحلمت بيها واتمنيتها

وكتير يا قلبي استنيتها

لما لقيتها مش لقيتها



كنت راسم ليها صورة ف خيالي

لقيت الصورة زي ما قلبي رسمهالي

ولما قابلتها لقيتها مش زي اللي ف بالي

انا كنت فاكر إنها هتصون الحب الغالي

شفتها حقيقة قدامي وفضل الحب ف خيالي



نفس الصورة اللي حلمت بيها امبارح

نفس الشكل نفس العيون والملامح

بس إحساسها عدم وقلبها جارح

زي البحر حلو شكله تفضل قدامه سارح

بس متقدرش تشرب منه أصله مالح



كنت بكلمها والمحلها من بعيد لبعيد

قلت خليني اقرب يمكن الحب يزيد

قربت وجربت ورجعت من الحب وحيد

وياريتني ما قربت ياريتني فضلت بعيد



مشاعرنا التايهة ياما قربتنا من بعض

وأما بقت رسمية اتقابلت بصد ورفض

قبل الإعتراف بنكون حبايب

ومن بعده أغراب لا طايلين سما ولا أرض

درب الحب مليان عجايب

قبل التلاقي تلاقي القلوب م الشوق تتشد

نقرب مش عاجبنا نبعد مش عاجبنا

ولا بنتوب مهما ندوب قلوبنا حكمتنا لأبعد حد



ياريتني فضلت بعيد

أهون ما يتغير احساسي ناحيتك

كنت بحبك وانا بعيد

ولما قربت لقيت سكتي غير سكتك

ياريتني فضلت بعيد

كنت فضلت قريب منك وساكن دنيتك



شــــــــــــــــــــــــــــــــــــــــ . حـــــــــــــــــــــــــــــــــــــــــ

ندوشه 2011 10-30-2016 06:22 AM

انت مين ههههههههههاي حب ايه يا عم صلي على النبي. الحب بهدله خلاني منيله ههههههاي يا عزيزي مافي أحلى انك تلاقي حد تحبه ويحبك ومعلش الأمور تتاخد ببساطه ربنا يسعدك

*فجر الاسلام* 10-30-2016 12:37 PM

اوقات البعد بيبقى افضل لان القرب بيبين الحقائق
والحقائق بتبقى صعبه احيانا
تسلم ايدك شاعرنا رووووووعه
تحياتى

ايمان طلعت 10-30-2016 06:33 PM

معرفه الحقيقه افضل بكتير من العيش مخدوع
فبعض الالم يهون
تحياتي

αЛαstoOorα 10-30-2016 07:06 PM

هههههه
هى حلوة
بس انا حسيت ان الرتم سريع
يعني الكلام بيجبرك انك تنطقه بسرعه
بس حلوة آوي والله ياخالد
مبدع آنت

حـيـــــآة ❤ 10-30-2016 10:50 PM

رائع ياخالد
فعلا والله لك الحق
بعض الاشخاص الافضل عدم معرفتهم عن قرب

تسلم ايدك ياشاعر بنات مصر

شاعر الحب الحزين 10-30-2016 10:51 PM

اقتباس:

المشاركة الأصلية كتبت بواسطة ندوشه 2011 (Post 5101699)
انت مين ههههههههههاي حب ايه يا عم صلي على النبي. الحب بهدله خلاني منيله ههههههاي يا عزيزي مافي أحلى انك تلاقي حد تحبه ويحبك ومعلش الأمور تتاخد ببساطه ربنا يسعدك

ههههههاي وكمان بتضحكي ضحكتي الرسمية هههههاي

مجرد كلام مش اكتر يا ندوشة

نورتيني واسعدتيني بوجودك وردك ندوشة

الله يوفقك ويسعدك

شاعر الحب الحزين 10-30-2016 10:54 PM

اقتباس:

المشاركة الأصلية كتبت بواسطة fagr alislam (Post 5101749)
اوقات البعد بيبقى افضل لان القرب بيبين الحقائق
والحقائق بتبقى صعبه احيانا
تسلم ايدك شاعرنا رووووووعه
تحياتى

عندك حق فجر ابعد تحلا

ربي يسلم نبض قلبك الطيب فجر

الأروع رقي تواجدك وروعة تفاعلك الطيب

نورتيني واسعدتيني بحضورك الطيب

الله يوفقك ويسعدك

شاعر الحب الحزين 10-30-2016 10:58 PM

اقتباس:

المشاركة الأصلية كتبت بواسطة *:•. إيمان طلعت.•:* (Post 5101866)
معرفه الحقيقه افضل بكتير من العيش مخدوع
فبعض الالم يهون
تحياتي

وبعض الألم يهون العمر ولا يهون يا إيمان

لكن اوافقك الرأي بأن معرفة الحقيقة أفضل من أن نخدع بأحدهم

اشكرك نورتيني واسعدتيني بتواجدك وتفاعلك الرقيق ايمان

ربي يوفقك ويسعدك

شاعر الحب الحزين 10-30-2016 11:01 PM

اقتباس:

المشاركة الأصلية كتبت بواسطة αЛαstooorα (Post 5101879)
هههههه
هى حلوة
بس انا حسيت ان الرتم سريع
يعني الكلام بيجبرك انك تنطقه بسرعه
بس حلوة آوي والله ياخالد
مبدع آنت

ضحكتك بالدنيا يا برنس فارس

ما هو الرتم سريع عشان كنت عايز ارجع

بعيد تاني وكنت مستعجل هههههاي

انتا الحلا والغلا يا ابو الفرس

تسلملي ويسلم نبض قلبك يا غالي

ربي يوفقك ويسعدك


الساعة الآن 11:03 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w