منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   : عن نوفمبر "! (https://forums.banatmasr.net/msryat563182/)

αЛαstoOorα 10-31-2016 03:30 PM

: عن نوفمبر "!
 
http://n4hr.org/up/uploads/n4hr_13848750163.jpg
عن نوفمبر ذكرياتي
جوه آجواء الخريف

وف بداية التسعينات
طفل ميت م السعاده

المطر فوق مني نازل
والشوارع ف النضيف

والآمل كان فيا هكبر
وآمتلك كل الآيراده
/
والبرائه ف ضحكة مني
لسه مش فاهمه الحياه
لما كنت ف صغر سني
قلبي عمره مافيا تاه
كنت آحب الكون بحاله
وبمشاعري كتير سعيد
وآما آشوفها آم الضفاير
يبقة يومي كآنه عيد
/
وف جمال آمي ف عيونها
جوه رقتها زمان
آفتكر بعض الملامح
من سعادة جلالتها
كات بتشبه لوحه طاغيه
من تآلق آسمهان
كنت عاشق ابص فيها
واحضن العمر ف حالاتها
/
طفل قمة آنسجامهُ
آنه بس يشوف مطر
أو بيلعب ف الشوارع
او يبهدل لبس يومه
آو يشوف بنت الجيران
لما يؤمرله القدر
آو يقول رمضان دا آمتي
لجل يقدر فيه يصومه
/
بس راح عمري الصغير
وآنتابتني كتير هموم
كل حاجة كانتلي حلوة
كنت آقوة ومش ضعيف
ايوة نفسي آعيد ف عمري
حتي لو ساعة ف يوم
وآبقة عايش في نوفمبر
جوه آجواء الخريف
/
( مجرد حاله وخداني )

همس الكناريا 10-31-2016 04:19 PM




مفيش أجمل من أيام الطفولة والبراءة
لو كان بإيدنا كنا وقفنا عجلة الزمن عند فترة معينه من حياتنا

أبدعت شاعرنا بوصف حالتك
أسعد الرحمن وأبعد عنك الهم والأحزان
ودام القلم وصاحبه ينبض بكل ما هو جميل
احترامي
همس الكناريا



العاشق الذى لم يتب 10-31-2016 07:10 PM

لأ خلى عندك أمل
وخليك بقلب طفل بريئ
وسيبك من الهموم والاوجاع
وروعة
فروس

شاعر الحب الحزين 10-31-2016 11:12 PM

الأيام الحلوة ما تتنسيش وبتسيب أثر جميل جوانا

الأيام هي هي مش بتتغير الناس هما اللي بيتغيروا

الظروف بتتغير الحنان بيقل نظرتنا للحياة بتتغير

كان لازم تاخد جرعة من ذكريات زمان الحلوة

ف ضل واقع بيتغير للأسوأ ولو عن الخريف وحلاوته ف مفيش اجمل من كده


عبرت بإبداع كبير يا مانش وقدرت توصل المعنى صح

ربنا يجعل نوفمبر ده من اجمل أيامك والشهور كلها من بعده

دواااام التميز يا فنااااان الكلمة

ايمان طلعت 11-01-2016 11:47 AM

مفيش احلي من ايام الطفوله
ببرائتها وشقاوتها والدماغ الفاضيه
لا هم ولا مسئوليه

حلوة حالتك دي في نوفمبر

Doaa Hammam 11-01-2016 04:17 PM

مفيش اجمل من ايام الطفولة

كنا نعيش اليوم بيومه ..

لا يأخذنا التفكير ولا التخطيط لغد..

ولا كنا نفكر كيف سنكون وماذا سنفعل

تحياتي لشخصك الرائع وقلمك الراقي

لا حرمنا الله من جديدك


د/ عبد الله 11-01-2016 07:16 PM

الله عليك يا فنان
رجعتنا لأيام زمان
أحلى أيام ف العمر

أنت فنان بجد يا مانش

فصيح 11-03-2016 04:54 PM

حلوه أوي والله
واحساسك عالي فيها
تسلم يا فنان ^ *


الساعة الآن 09:33 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w