|
حصان حلاوة لما كنا صغيرين... كان الحصان رمز الفوارس حصان حلاوة بنشتريه وقت الموالد والكل واقف وحارس اللي يفضل للنهاية ده يبقى جامد الكل بيزين حصانه خايف عليه من كل واحد بس الحقيقة المعلنة ان الحصان هيجيله وقت ويتكسر لكن محدش مننا عنده الجراءة يفتكر وبلدنا برضو حصان حلاوة فيها كتروا الفوارس بيبالغوا جدا ف الغلاوة والكل شاهد وحاسس كل واحد ليه حصانه همه يفضل هو بس لما يفضل للنهاية يبقى فارس قوم عبس والمهمة هتبتدي بفرض الإتاوة حصان حلاوة بيشتري كل المزايا واللي شاطر ينتهـي لخط النهاية والنهاية بتبتدي فوق الضحية قصدي أقول يعني الضحايا فارسنا مش هازم أعادي أو شق نيل يروي الأراضي ده بس إنجازه الوحيد إنه كتّف ف الأيادي إنه كسّر ف الحصان المنافس وزاد حصانه ف الغلاوة. واللي حصانه بيتكسر بيجري ويستخبى بياكل ف الحصان حبة حبة ويقول خلاص أهي بايظة بايظة لازم اكل م الحلاوة. مقصدتش بكلامي أشخاص معينين لكن الكلام عام |
مع أن المعنىَ واضح جداً لِمَنْ يقرأ رائعتك يا دوك لكن يظل دائِماً المعنىَ الحقيقي في بطن الشاعر رائعة خاطرتك أخي عبدالله وأجاد قلمك تصوير مشاعرك علىَ الورق قلمك كان وسيظل دائِماً مُتَمَكِناً مِنْ أدواته تقييمي البسيط + ***** 5 تحياتي لفكرك الراقي والقيم وقلمك المُبدِع أبو عصام |
حلوه حكايه الحصان دي انا عايزه العروسه هههههاي بتبقى لذيذه هههههههههاي انا فاهمه قصدك سورى ربنا يصلح الحال. اسفين يا دكتور |
اقتباس:
وربنا يصلح حال بلدنا وينقذها من الضياع أشكرك جدا لذوقك العالي ابو عصام لك كل التحية والتقدير |
حصان حلاوة كانت البداية هى الخيانة حطوا ايدكم فى ايدى من البداية وامضوا لى تفويضات للنهاية عشان احارب الفساد واحارب كل مخرب للبلد أكيد وكان القصد الكرسى والعرش أكيد وحصل المراد وبقى الحصان هو الكينج بالتحديد صال وجال وشيد من الزنازين الكثير واللى يفكر يتكلم أو يبوح بأى سر خطير يلاقى غلو الاسعار والبنزين وقلة الموارد للمساكين الكل ساكت والحصان هو الوحيد ثلاجته محرومة من كل حاجة كفاية المية فى التلاجة هى كدة بتكون رمز العروبة والوفاء يا بخت اللى يتصف بمثل هذا الولاء حصان حلاوة اخى الدكتور عبدالله أحسن قلمك فى السرد وأجاد فن التعبير تقبل تحياتى ومرورى عليك أيها القلم الخلوق خالص ودى |
الله يصلح حال مصر الغاليه واهلهاالطيبين وحال امتنا العربيه تسلك اخوى عبدالله لروحك السعاده |
كلمات رائعه من تشبيهات ولحن ربنا يصلح الحال تسلم دكتور |
اقتباس:
بس الحاجات دي تقريبا انقرضت مفيش داعي للأسف , خلينا نهزر أحسن ما نطق ونموت |
كلمات كتيرر رائعه حروف نسجت ابداع قلمك يملكـ الاحساس و الاحرف الجميلة سلمت اناملك دمت بكل خير |
الحصان خلاص داب والفارس اتكسر سيفه فلا الحصان بقى حصان ولا الفارس بقى فارس كلمات رائعه دوك تحياتي |
| الساعة الآن 08:28 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب