منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   كلمة بحبك (https://forums.banatmasr.net/msryat563604/)

شاعر الحب الحزين 11-08-2016 10:52 PM

كلمة بحبك
 

كلمة بحبك لو مش من قلبك متقولهاش

دي مش مجرد كلمة دي حياة بتتعاش

ياما ناس قالوها من غير ما يحسوها

لمجرد إنهم بقلوبهم لحظة بس عرفوها

وف وقت الفعل بان الكداب والخاين والغشاش

لو مش من قلبك اعفي لسانك ارجوك بلاش



يسبقها تفاصيل وحنين ولهفة

يملوا القلب مودة واشتياق

بتحرك أحاسيس كانت واقفة

بتخدر تعاملنا ع الاخلاق

تحس إن اللقى أجمل صدفة

يبقى كل خوفك م الفراق

ده الحب المبني ع الود والألفة

واسئل عنه اللي منه داق

بنكهة الوفا محبوك بصدق الوصفة

مش مجرد كلام على أوراق

ده حب صاحبه قلبه أبيض متصفى

تاريخه بيشرف كل العشاق



ياما فضلت ف قلوب عشقت بصمت ورضى

ياما اختفت قدام أحباب واتقالت قدام العدى

ياما بيقولوها كدابين وبيداروها مخلصين

المعنى عند قايلها وكل القلوب قدامها متروضة

مع ان الكلمة دليل ع الصحبة واللمة

بس لما تسمعها من غريب تحس فرحتك هتسع الفضا

يمكن تسمعها من قريب وتحسها عادية جدا مش كده

مش ضروري إن اللي بيحبك يبقى حواليك وجنبك

يمكن اللي جنبك يسيبك والبعيد يفضل حبيبك بروح عاشقة ومتنهدة

يمكن عمرك الجاي كان الحب فيه بيتمهدلك من وقت سبق ومضى



مش بس مجرد كلمة من أربع حروف

ليها كذا معنى وفيها من المشاعر ألوف

ثقتك ف نفسك وف حبك لأبعد حد

تخلي الكلمة بين كل حرف والتاني مد

تقدر تتحدى الدنيا بحبك وتواجه أي ظروف

متقولهاش كتير تسمعها كتير

خليها ف قلبك يا ابو قلب كبير

دي نورها لو زاد بيعميك وضلمتها بتخليك تشوف

الحب غموض المفروض فيه مرفوض

لو قلبك مش قده ريح قلبك واستناه اعمل معروف



شــــــــــــــــــــــــــــــــــــــــــ . حـــــــــــــــــــــــــــــــــــــــــ

Fatma eissa 11-08-2016 11:15 PM

الكلمه دي معناها عظيم وجميل
بس لاسف بعض الناس
مش عارف معناها الحقيقي
وشوهو معناها
وفكرنا كلمه وتتقال للخداع
وغش مش لاكتر
وناس تتيه تقع وتبدا تبني
احلام علي هذه الكلمه
وغالبا تكون النهايه اسوء
مما كنت تتوقع او يتسوره عقل
وناس تتلاعب بمشاعر لاخرين
من هذا المنطلق
عشان كدا بقول مفيش حب حقيقي
او اصبح في لانقراط
في عصرنا
بس كلماتك جميله
جدا
ومعبره

عاشقه الورد 11-09-2016 12:28 AM

لك احترامى وتقديرى
كلمات اكثر من رائعه
والاروع صدقها
سلمت اناملك

*فجر الاسلام* 11-09-2016 06:46 AM

يا عينى عليك
والله انت استااااااااااذ بجد
رساله قويه وكلام جميل من شاعرنا الكبير
يدوم الابداع تسلم ايدك
تحياتى

SaMa. 11-09-2016 05:03 PM

حلو. اوي الكلام ي ريت كلنا نفهم معناه
ثانكس خالد

حـيـــــآة ❤ 11-09-2016 05:32 PM

تقريبا ماتوا اللي يفهموا معني الكلمه دي وامته ولمين تتقال

دايما مبدع ولا غبار علي ابداعك ياخالد
تسلم ايدك

دمعه حائره 11-09-2016 07:34 PM

الحب من ارقى المشاعرلكن للاسف
كثير من يتلاعبوا بالقلوب باسم الحب
وهم افقر من ان يتفوهوا بحروفه
تسلم خالد ابدعت

حنان الروح 11-10-2016 05:32 AM

كلمات غايه في الجمال
شكرا لاناملك التي خطت
هذا الابداع وهذا الجمال
بإنتظار ابداعاتك القادمة..
لك تقديري واحترامي

شاعر الحب الحزين 11-11-2016 04:45 PM

اقتباس:

المشاركة الأصلية كتبت بواسطة fatma eissa (Post 5105567)
الكلمه دي معناها عظيم وجميل
بس لاسف بعض الناس
مش عارف معناها الحقيقي
وشوهو معناها
وفكرنا كلمه وتتقال للخداع
وغش مش لاكتر
وناس تتيه تقع وتبدا تبني
احلام علي هذه الكلمه
وغالبا تكون النهايه اسوء
مما كنت تتوقع او يتسوره عقل
وناس تتلاعب بمشاعر لاخرين
من هذا المنطلق
عشان كدا بقول مفيش حب حقيقي
او اصبح في لانقراط
في عصرنا
بس كلماتك جميله
جدا
ومعبره

عندك حق يا فاطمة كتير فاهمين معناها خطأ

فاقدين للإحساس في التعامل مع اللي بيحبوهم

الحب الحقيقي موجود بس قلت التقدير بتخليه ينتهي شوية شوية

تسلمي فاطمة لوجودك وتفاعلك القيم

أشكرك لسعة قلبك في الرد وإضافتك الجميلة

نورتيني واسعدتيني حضورا وقولا يا فاطمة

الله يوفقك ويسعدك

شاعر الحب الحزين 11-11-2016 04:47 PM

اقتباس:

المشاركة الأصلية كتبت بواسطة زهره نيسان (Post 5105585)
لك احترامى وتقديرى
كلمات اكثر من رائعه
والاروع صدقها
سلمت اناملك

تسلمي زهرة الأروع حضورك اكيد

سلمتي وسلم نبض قلبك

اسعدتيني بالحضور الرقيق زهرة

كل الاحترام والتقدير لك


الساعة الآن 08:07 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w