"الكشري"
 

https://z-1-scontent-mrs1-1.xx.fbcdn...e9&oe=58CEA838


طريقة "الكشري". وده من الأكلات الشعبية المصرية المشهورة والموجودة في كل شارع هانلاقي محل كشري .. وهو يعتبر من الأكلات النباتية المغذية لأنه مليان بروتين من الحبوب والبقول ونشويات.
دي طريقته بالتفصيل بخطوات سريعة وسهلة جداً!..
اول حاجة: نحمر بصلة في شوية زيت ونحط عليها كوب ماء ولما يغلي نحط العدس البني ولما يتشرب ويستوي نحط كباية رز مع كباية ميّه.. لما يتشرب نهدّي ونوطي النار لحد مايستوي.
ودلوقت نسلق المكرونة الصغيرة المدورة ونصفيها ونشيلها على جنب.
وكمان نسلق الحمص ويكون منقوع من قبلها بيوم.
بعدين نقلي بصل كتير في زيت لحد مايبقى لونه غامق...نصفيه ونشيله على جنب
ونعمل الصلصة: في نفس زيت تحمير البصل نشوح توم مفروم ومعاه شوية خل وطماطم مفرومة وملح وفلفل وشطة ونسيبها تتقل او تتسبك زي الصلصة.
(ممكن ناخد جزء من الصلصة دي ونحطلها فلفل حامي عالنار وتبقى صوص حار لو عايزين)
ونعمل الدقة في حلة تانية نحط شوية من زيت البصل برضو..نشوح فيه شوية توم ونزودله خل.
ودلوقت نرص الكشري في الطبق.. طبقة الرز بالعدس وطبقة المكرونة وعليهم الصلصة والدقة والبصل المحمر عالوش.
اعملوه وابعتولنا!!
.
.
.

انتى جيتى على الجرح

الكشرى اكله الكل بيحبه محدش مش بيحبه

يسلموووووووووو

ليه بس كده يا انجى بتفكرينى بالكشرى ليه

انا بعشقه

تسلمى