منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   واااااااااااا بصارتاااااااااااااااااااااااااااااااااا (https://forums.banatmasr.net/msryat564295/)

طارق طروق 11-21-2016 08:06 PM

واااااااااااا بصارتاااااااااااااااااااااااااااااااااا
 
النهارده الصبح وانا رايح الشغل امى قالتلى اعملك غدا ايه يا طارق
قولتلها بصراحه نفسى فى البصاره بقالى كتير مكلتهاش قالتلى
من عيونى يا حبيبى ومعروف عنى فى الشتاء انى بحب البصاره
وشوربه العدس الاصفر والعدس وكدا والكشرى المصرى
المهم امى كانت صلت الفجر ومجلهاش نوم قولتلها قومى ريحى جسمك ونامى
قالت لا مش جايلى نوم جهزت ليا الفطار عباره عن بقسماط مع بديفور وكوبايه شاى بالحليب
واغمس بقى واكل كام واحده بقسماط مع كام واحده بديفور والحمدلله على كدا وفل
قولتلها اوعى تنسى تقلى فلفل شطه مع بتنجان قالت ماشى متخافش مش هنسى
روحت الشغل عادى ولما رجعت من الشغل وبعد ما استحميت مش هقول اخدت شور والكلام الاتيكيتى ده
قالتلى اجهز لك الاكل قولتلها ماشى لقيتها جيبالى مكرونه وكفته وسلطه انا بصيت للأكل وتنحت شويه كدا
لقيتها بتقولى اصل حصل موقف كدا هقولك عليه بعد ما تاكل قولتلها مش هاكل الا لما تقولى الموقف قلقتينى يا امى فيه ايه من فضلك؟ قالت طبعا انت اكيد مستغرب ليه معملتش بصاره اصل عملت البصاره وحطتها على البوتاجاز ووطيت عليها النار بس نعست وانا قاعده ونسيت البصاره على النار وصحيت على ريحه الشياط
البصاره نشفت واتحرقت على النار ولجل ستر ربنا شميت ريحه الشياط بتاع البصاره لما اتحرقت وجريت على المطبخ وطفيت البوتاجاز وبسرعه حطيت الحله فى الحوض وفتحت الميه عليها
معلش حبيبى هعملهالك بكره ان شاء الله قولتلها ولا يهمك اهم شىء سلامتك يا امى
انا اللى اخترت وقت مش مناسب وخصوصا انك منمتيش وكدا
بس المره الجايه هعلمك ازاى تعملى البصاره لما تكونى نايمه ونعسانه وهتطلع زى الفل :140:
قالتلى انت كل حاجه تاخدها كدا عادى وتهريج يا واد قولتلها يابت بهزر معاكى
حكم انا وامى واخدين على بعض اوى والدليل على كدا قالتلى بت تبتك يا مجرم يا قليل الادب
اصلك مش متربى حد يقول لأمه يابت؟ قولتلها بصى مش ههرج معاكى تانى عشان التهريج بيقلب بضحك
راحت ضحكت وانا ضحكت وراحت عليا البصاره واااااااااااااااا بصارتاااااااااااااااااا

حـيـــــآة ❤ 11-21-2016 08:12 PM

قصة حياتك وكفاح البصاره مع الوالده هههههههههه

ربنا يخليلك الوالده يارب
واسمحلي اتقل التوبيك لليوميات ههه

ندوشه 2011 11-21-2016 08:18 PM

ههههههههاي امك حرقت الأكل عادى أما لو انت كانت نفختك وسمعنا سلام الست دي امي نفخاني طول عمرها ماشلتش غير اكلي وعشان كدا بحبها وست لما. لما لما

ايمان طلعت 11-21-2016 08:21 PM

الحمد لله انها اتحرقت اصل مبحبهاش ههههه
المكرونه والكفته احلي كتير
ربنا يخليهالك وتفضل الضحكه ملازماكوا يارب

طارق طروق 11-21-2016 08:23 PM

اقتباس:

المشاركة الأصلية كتبت بواسطة حيــــــاة ❤ (Post 5111286)
قصة حياتك وكفاح البصاره مع الوالده هههههههههه

ربنا يخليلك الوالده يارب
واسمحلي اتقل التوبيك لليوميات ههه

ههههههههه ايوه قصه حياتى وهنزلها فى كتاب عايزك اول واحده تشتريه
ويخليكى يا هاجر لا عادى بقولك انا اللى حطيته فى مكان غلط عندك حق

طارق طروق 11-21-2016 08:31 PM

اقتباس:

المشاركة الأصلية كتبت بواسطة ندوشه 2011 (Post 5111288)
ههههههههاي امك حرقت الأكل عادى أما لو انت كانت نفختك وسمعنا سلام الست دي امي نفخاني طول عمرها ماشلتش غير اكلي وعشان كدا بحبها وست لما. لما لما

هههههههه ايوه عندك حق وغنيت اغنيه
خساره خساره ماكلتش بصاره
نورتى وشرفتى

طارق طروق 11-21-2016 08:35 PM

اقتباس:

المشاركة الأصلية كتبت بواسطة *:•. إيمان طلعت.•:* (Post 5111289)
الحمد لله انها اتحرقت اصل مبحبهاش ههههه
المكرونه والكفته احلي كتير
ربنا يخليهالك وتفضل الضحكه ملازماكوا يارب

ههههههه لا بحبها انا فى الشتاء صيف لا
ويخليكى ايمان ويسعدك
نورتى وشرفتى

*فجر الاسلام* 11-22-2016 06:49 AM

وهى دى حكايته مع البصاره
تصدق امى اول امبارح قالت هعمل بصاره ومعملتش هههه
ربنا يخليها ويحفظها مش مهم الاكل المهم انها بخير بقى
يوميات شاب نفسه ياكل بصاره ههه
تحياتى

Fatma eissa 11-22-2016 12:37 PM

يعني ايه بصاره
ههههههههههههه
مره اكلمها زمان
ومتكررتشي تاني




ان شاء الله تعوض
ومتنساش تعزمنا بقي

ربنا يخليلك مامتك
ويديها الصحة
ويباركلك فيها
يارب

SaMa. 11-22-2016 01:44 PM

منعرفش الاكلة دي بس باين عليك بتحبها اوي
ضحكتني والله وانتا بتحكي
ربنا يخليلك مامتك ي طارق


الساعة الآن 05:07 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w