الانتحااار.... من كام يوم شوفت خبر موت بطلة مصر ف المصارعة ريم مجدي كان بيقول انها خبطتها عربية ع طريق الاسماعيلية النهردة عرفت انها موش اتخبطت دي انتحرت... رمت نفسها من عربية باباها لما ضربها بعد التمرين عشان مستواها موش عحبو..! ده كلام مامتها الل قالتو.. التحقيق قال انتحار لانهم اتاكدو ان مفيش حوادث حصلت ف اليوم ده فكرة الانتحار سعات بتيجي ف بال اي حد فينا لما يكون مخنوق ويئس م الدنيا بس موش كل الل بيفكر فيه بينتحر جايز عشان البت دي كانت صغيرة 15سنة ويمكن مكنتش تعرف ف دينها كفاية او زهقت من صغط باباها تفتكرو ليه روحنا بقت رخيصه اوي عندنا والانتحار كتر كدة ازاي اي حد فينا يحمي نفسو. م الفكرة ويمنع نفسو انو ينتحر اعرف ناس حاولو ينتحرو وانقذوهم وغيرهم. ملحقوش بس لما بسمع خبر كدة بخااف... |
السبب اللى يخلى الانسان مهما الدنيا قفلت ف وشه مايغامرش بالانتحار هو ايمانه بربنا وايمانه ان روحه مش ملكه دى امانه مش من حقك تضيعها وهتتحاسب عليها مهما اليأس سيطر علينا طول ماربنا موجود فى امل سميع عليم مجيب رحيم اوى بقلوبنا ، كل دى اختبارات بس فى النهايه ربنا ماخلقناش علشان نتعذب ف مش هيرضى ابدا اننا نضيع وكل حاجة وحشه بتكون بس مؤقته وربنا هيورينا النور تانى ربنا يبعد عنك اى يأس او هم سمسمه ويرحم البنت دى ويعاملها برحمته مش بعملها |
الانتحار شيئ حرمه الاسلام تحت اى سبب نقول ربنايغفرلها ويرحمها شكرا سمسم |
ربنا يرحمها .. سلمتى سما ع الطرح دور الآباء كبير في حياة بناتهم البنت أول فارس وبطل في نظرها بيكون أبوها والإيمان بالله هو السلاح ضد اليأس والانتحار إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ |
فعلا قرات الحادثه دى بالفعل الانتحار زاد جدا ف السنين الاخيره ولكن ف الحاله دى متهيالى اتعرضت لضغوط نفسيه رهيبه وفى لحظه تمكن منها الشيطان وهانت عليها نفسها الذى هى ملك خالقها وسببه طبعا عدم وجود الوازع الدينى الذى يجب ان يحميها سلمتى سما |
الانتحار دا بيكون سببه ضغط نفسي كبير اوي وهو منتشر عند الشباب اكتر بس قولك حاجه ربنا يسامحنا علي كل شئ البني ادم خطاء وخير الخطائين التوابين |
مافيش اى عذر مقبول مهما كان للأنتحار سبب الانتحار هو البعد عن ربنا سبحانه وتعالى وبيبقى يأس من رحمه الله مافيش حد فينا يملك فى نفسه شىء عشان ينتحر انفسنا ملك لله تسلمى سما وتحياتى لك |
موضوع مهم جدا وخصوصا ها الايام نسمع عن حالات انتحار كتير اولا لايفعله الا انسان مريض وصل لحاله من الاكتئاب الشديد وزادت حدته وهناك حلات من الاكتئاب ممكن فعلا تؤدي بالانسان الي الانتحار وهناك ادويه من ادويه الاكتئاب لمن يتعاطها ممكن تؤدي الي الانتحار ودا بيحدث في امريكا ودول اخري ولكن اي انسان واعي ولا يعاني امراض نفسيه خطيره فهما كان السبب لايجوز علي الاطلاق في ها الحاله يكون بعيد كل البعد عن الله والذي ينتحر بغير مرض نفسي ويكون غير واع يكون مصيره جهنم ولكن هل يخلد فيها اميل الي الراي القائل انه لايخلد فيها طالما شهد انه لا اله الا الله محمد رسول الله فموضوع مصارعه وضغط من والدها لا اصدق هذا ابدا لربما يكن هناك سبب اخر او ربما في حادث فعلا لانها مثقفه واجتماعيه لانها تلتقي بفتيات اخريات في المنافسات وتعرف الروح الرياضيه يا خوفي ليكون حاله حب وزمان ايام عبد الحليم الله يرحمه لما مات سمعت انه قد انتحرت الكثير من الفتيات ولو يعلم هؤلاء ما اجرمن في حق انفسهن وحق من انتحرن لاجله ما اقدمن ابدا علي ها الفعل الشنيع ولان الانسان لايملك شئ من نفسه فروحه وجسده ملك لله ما فعل ذلك فالانسان بنيان الرب ملعون من هدمه يسلموا يارب وثانكس سما ربي يحفظكم والجميع من ها الفكر |
الانتحار ذنب لا يغتفر اى كانت الضغوطات والظروف اللى بتمر بيها مينفعش يكون دا رد الفعل ربنا موجود وواجب نلجأله دايماً ربنا يسامحها ويغفر لها ويهدي الجميع تسلمي لطرحك الطيب سما ،، ودي لكي |
اقتباس:
الاخت الفاضله لا توجد دوافع للإنسان أن ينتحر أو يسلب روحه وينزعها بيده.. ماهو المقابل لقد حرمت من متاع الدنيا بقنونها الإلهى... والأخره أم من أهل النعيم أو من المعذبين فى نار جهنم وربنا لا يجعلنا جميعا من القانطين تحياتى |
الساعة الآن 08:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب