منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   لسه بتوحشيني (https://forums.banatmasr.net/msryat564408/)

شاعر الحب الحزين 11-25-2016 03:47 AM

لسه بتوحشيني
 

مع إننا افترقنا وكل واحد عاش في حب تاني

مع إن حبنا انتهى ودبلت فيه الورود والأماني

مع إن اللي حبيتها من بعدك بحنانها مغرقاني

لكن معرفش ليه لسه بتبقي كتير واحشاني

وليه بحنلك ليه وإنتي بعيدة عني وناسياني

حاولت أنساكي لقيت حبك محتل كياني

انا قلت يمكن أنسى لما أعيش ف حب تاني

حبيتها وحبيتني تعبت وعملت حاجات كتير عشاني

عوضتني عن غيابك ما خلتنيش في يوم أعاني

بقت تغيب هي وافتقدك انتي ولما ترجع الفرح يملاني

كنت بشوفك فيها حتى لما بضمها بحسك انتي بين أحضاني

كانت حاسه إني مخبي حاجة ف قلبي ولما سألتني سكت لساني

معرفتش أرد وم اقدرش اكدب سبت دموعي تتكلم قالت واحشاني

كان حبها أكبر من حبك ليا وكانت اكتر منك مهتمة فيا وفاهماني

ثقتها الزايدة خلتني أحنلك كتر اهتمامها خلا قلبي عليها جاني

وبرده لسه بتوحشيني مع إني مش عايزك ترجعي من تاني

نفسي ابطل احبك ونفسها اني احبها قد الحب ده ولو ثواني

م اقدرش ابعدك عنه م اقدرش ابعد عنها م اقدرش انسى الحب الأولاني

اخترتك وهي اختارتني حبيتك وهي حبيتني حبيتها وسبتله مكاني

كان لازم أحبها مكنش ينفع اغلط نفس غلطتك عشان انا مش زيك أناني

يمكن افضل فاكرك يمكن تفضلي واحشاني بس مش هعيش ف الوهم تاني



شــــــــــــــــــــــــــــــــــــــــــــ . حـــــــــــــــــــــــــــــــــــــــــــــ

ندوشه 2011 11-25-2016 06:36 AM

ودا من ايه. لا ألف سلامه عليك

*فجر الاسلام* 11-25-2016 06:50 AM

فى الاخر جبت الاخر
مش هعيش فى الوهم تانى
هو فعلا وهم ولازم يتنسى
تسلم شاعرنا ربنا يسعدك
تحياتى

العاشق الذى لم يتب 11-25-2016 01:17 PM

اكيد الشوق موجود
طالما كان فى الاصل صادق الحب
كلمات ولااروع
من مشاعر نقية
باقات السوسن
وتحياتى وودى

Fatma eissa 11-25-2016 02:35 PM

كل واحد بيكون فيه حياته
الحب لأول
ونظرة لأولي للحب
ف يفتكر مهما كان سيستمر
بس لأسف ينتهي
ويأتي الحب التاني
ويخليك يفتكر أن قبله
كان سراب
بس مهما كان بيضل يحن
عشان خد من ايام حياته
كلمات جميله
وفيها حنيه ايام
زمان

شاعر الحب الحزين 11-25-2016 11:14 PM

اقتباس:

المشاركة الأصلية كتبت بواسطة ندوشه 2011 (Post 5112410)
ودا من ايه. لا ألف سلامه عليك

الله يسلمك ندى

تسلمي نورتيني

الله يوفقك ويسعدك

شاعر الحب الحزين 11-25-2016 11:18 PM

اقتباس:

المشاركة الأصلية كتبت بواسطة fagr alislam (Post 5112420)
فى الاخر جبت الاخر
مش هعيش فى الوهم تانى
هو فعلا وهم ولازم يتنسى
تسلم شاعرنا ربنا يسعدك
تحياتى

محد بيتعب قد اللي بيحب من قلبه

مهما يضحي بيلاقي الجفا من حبايبه

تسلمي فجر لتواجدك الطيب

اسعدتيني بكلامك وحضورك

ربنا يوفقك ويسعدك

شاعر الحب الحزين 11-25-2016 11:20 PM

اقتباس:

المشاركة الأصلية كتبت بواسطة العاشق الذى لم يتب (Post 5112452)
اكيد الشوق موجود
طالما كان فى الاصل صادق الحب
كلمات ولااروع
من مشاعر نقية
باقات السوسن
وتحياتى وودى

تسلملي رفعت الغالي الأروع تواجدك

نورتني واسعدتني بتواجدك وكلامك الطيب

الله يوفقك ويسعدك

شاعر الحب الحزين 11-25-2016 11:26 PM

اقتباس:

المشاركة الأصلية كتبت بواسطة fatma eissa (Post 5112480)
كل واحد بيكون فيه حياته
الحب لأول
ونظرة لأولي للحب
ف يفتكر مهما كان سيستمر
بس لأسف ينتهي
ويأتي الحب التاني
ويخليك يفتكر أن قبله
كان سراب
بس مهما كان بيضل يحن
عشان خد من ايام حياته
كلمات جميله
وفيها حنيه ايام
زمان

عندك حق خصوصا إن احنا اتعودنا

على وجودهم ف حياتنا

دايما في القلب حنين للماضي الجميل


تسلمي فاطمة لتواجدك وتفاعلك الجميل

نورتيني واسعدتيني بروعة حضورك وصدق احساسك

الله يوفقك ويسعدك

دمعه حائره 11-26-2016 07:12 PM

حيرة مشاعر ماينفعش تستمر كتير
لان الخساره هاتكون كبيرة
كعادتك مبدع وتكتب كل جديد وراقى


الساعة الآن 07:35 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w