اوهم نفسك اوهم نفسك إن الدنيا لسه حلوة ما انتا بتوهمها ياما بحزن وقسوة اوهم دمعك إن في حد بيمسحه اوهم قلبك إن مفيش حد بيجرحه خلي الوهم ياخد جواك مطرحه اوهمها بالأمل دي دنيا ولا تسوى خلي أوهامك عنوان كلامك والغنوة اوهم مشاعرك إن مفيش حد خانها اوهم روحك إن الكل بيضحي عشانها اوهم ضحكتك إنها باقية وهتدوم وإن مفيش جوه منك أي هموم خلي الأمل ف الوهم جواك مرسوم اوهم أيامك إنها لسه هتبدأ ف زمانها وإن الذكريات لسه ثابتة ف نفس مكانها اوهم نفسك بالوهم وعيش في وهمك وصدقه اوهمها بأحلام كتيرة واوهم كل حلم انك هتحققه اوهم حياتك إنك قد طموحاتك وإنك بتتنفس حرية ورأيك بتقوله من غير م تخاف حد يلفقه وإن حقك بتاخده فإيدك ومفيش حد بياخده منك ويسرقه اوهم برائتك إن لسه فيه ناس طيبين وإن كلمة مصالح مجرد مصطلح لعين اوهم قلبك إنهم بيقدروا طيبته وقد ما بيحبهم الكل بيعشقه اوهم نفسك وانسى يأسك يمكن تحلا لما نعيش الوهم ونصدقه شــــــــــــــــــــــــــــــــــــــــــ . حـــــــــــــــــــــــــــــــــــــــــ |
اه على رأيك حلو بردوا أننا نوهم نفسنا بحاجات كتير وبعدين نفؤ نلاقي دا كله وهم صح ياشيخ اسكت كدا سمعت خالتك أصالة وهي بتقول اه كان وهم وعشت في صدقت وعيشني في كان يكدب علي قلبي وحس واشوف دا في عنيه كان نفسي لوحده يوم يعرف يفؤ ويحس واحدوا ان الحياه هي انا. طظ في الوهم |
يا سلام يا سلام علي الوهم لما يحلي الايام وليه ما يكون بالامل نعيش الحيا بالامل ولكن مقدرتك الجميله في توظيف الكلمات جعلت الوهم نعيش عليه وتحلوا الايام به مبدع والله شاعرنا الجميل ومنور دائما اسال الله ان يسعد قلبك ولا حرمنا الله تواجدك الراقي الجميل |
والله ياغالى نحن امرنا بالأمل والتفاؤل ولازم نستبشر خير جميلة كلماتك ورائع همسك سلمت ايها العملاق تحياتى |
اقتباس:
كله بيوهم كله وكله بيصدق كله على الاقل اهو طريقة نضحك على نفسنا ونوهمها ان الدنيا لسه بخير ولا انتي مش عايشة بيننا ف زماننا ؟ نورتيني ندى |
اقتباس:
وكل حاجة بتصيبك ملهاش تفسير هتحس إن الوهم أمل كبير وهتفرق معاك كتير تسلملي ابو الحزم يا جميل الاجمل تواجدك وتفاعلك الطيب اسعدتني بروعة حضورك وكلامك الله يوفقك ويسعدك |
اقتباس:
بس لما تبقى مش فاهم اعمل نفسك واهم انتا الاجمل والأروع يا ابو قلب طيب تسلم ويسلم نبض قلبك ابو الرووف الله يوفقك ويسعدك |
صحيح عشان نقدر نعيش لازم نتفاءل قليلا ولو حتى بالوهم راقت لي كلماتك |
اقتباس:
سلمتي والنبض لرقي تفاعلك وإضافتك القيمة أسعدتيني الراقية دعاء بروعة حضورك هنا ربي يوفقك ويسعدك |
اوهم برائتك إن لسه فيه ناس طيبين ؟؟؟؟ شاعرنا اتفق معك فعلا اوقات كتير بنوهم نفسنا ان الحياه حلوه وفيها اللى يستحق لكن مش هنعيش فى الوهم دايما لازم نفوق قبل الحقيقه ماتفوقنا بنفسسها ساعتها هتبقى صعبه علينا نتقبلها تسلم ربى يسعدك تحياتى |
الساعة الآن 11:13 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب