هتفرق ايه لو مكتبتش عنوان ؟؟ السلام عليكم ورحمه الله وبركاته كلنا بيجينا فترة ونفكر ف حياتنا اللي كان واللي فات كله ويمكن كمان االي جاي ازاي كنا راسمين حياتنا وفجاه الرسمه تقع عليها كل الالوان م تفهملهاش ملامح كل كلمه بتتكتب دلوقت يمكن مش بفكر فيها قبل م اكتبها حاجات كتير بتتغير ناس ف لحظه بيبقوا حياتنا برغم من كونهم كانوا اغراب ف يوم وناس بعد م بقوا خياتنا بيرجعوا اغراب تاني بتكلم عن صحوبيه اتحولت لعداوه او بقت صحوبيه كلام وبس او حب اتحول لصحوبيه او اخوه وساعات بيتحول لكره عن وعود وهعود بتدوووب مع الوقت زي الملح والسكر ف الميه عن حد تثق فيه تعطيله حياتك بعد م ياخدها ينساك ويتهمك ويتمادي .. وفوالاخر تتوجع انت وهو يبدا حياته من جديد مفكرش قد ايه بتحس انك ظالمه وانت ف وسط كل دا مظلوم وبتتوجع وبيانبك ضميرك وع الفاضي عن قلب تاب من علاقات بشعه بيحط نفسه فيها احنا ليه بقينا كدا لامتي هنفضل كدا لامتي .. ؟؟ عن كل كلمه اتقالت يمكن باحساس عن جرح وحب وكذب وظلم وكل اللي كان كل دا وازاي اقول عنوان!؟ هتفرق ايه لو مكتبتش عنوان؟ |
فضفضة ما أشبهها بحكمتك المفضلة هدي أعصابك وروقي عشان هي الدنيا بقت كده ومحدش هيتعب غيرك من التفكير هما كتير بيداروا اطماعهم ورا اطباعهم بس برده لازم نواجه صدماتنا فيهم وخذلاننا منهم ولازم م نبكيش ع اللي فات لأن الفاس وقع في الراس انا عارف إنه إحساس صعب بس عشان نقدر ع الإحساس ده لازم نسهلها على نفسنا ما نصعبهاش بزيادة ونعيش وم نيئسش طبع بعض البشر إنهم يتقلبوا ويتغيروا ما تزعليش وخليكي أقوى من الظروف فضفضة قلبية مؤثرة ماليها الإحساس بالخذلان والحزن على أمنيات لم تكن كما أردناها ولم يستمر نقائها طويلا تستاهلي كل خير آية ويارب اللي جاي في حياتك يكون اجمل واجمل وان شاء الله المرة الجاية يكون العنوان موجود بس خلي الأمل موجود بتمنالك كل خير وسعادة |
من الاخر كدا يا يويا كأنك معاكى بالون مثقوب وعماله تنفخى فيه وعماله تنفخى وعندك امل ان البالون برغم انه مثقوب بس مصيره هيتنفخ ويبقى بالون متتعبيش نفسك عشان كل شىء اتغير مش هقولك احنا فى زمن مش عارف ايه وكدا لأن الزمن ملهوش ذنب مع تمنياتى لك بالصحه والسعاده الدائمه |
حبيبتي متحطيش ف دماغك مش دي كلمتك برده.. اي حاج وحشه حطيها ع جنب وهتبقي احلي لوحه اساساً انتي جميله وتستاهلي كل خير نايس فضفضه |
كل ده في قلبك ولسه عايشه في الدنيا دي هتشوفي كتير فيها الحلو اللي هيحبك وهيخاف عليكي وفيها الوحش اللي كل اللي بيفكر فيه هوه تدمير حياتك |
مافيش حد بيفضل على حالوا يا يويا ومافيش حد هيبقى لحد |
الساعة الآن 08:32 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب