الجواز قرار صعب
 

جالك عريس ؟؟ زي الفل
ميعرفكيش ولا تعرفيه قبل كدا؟
مامتك عايزة تفرح بيكي وكدا حقها برضو !
بس تيجي ع نفسك وتقولي اما اجرب لا والف لا !!
حد يقنعك ويقولك الرجاله كلهم زي بعض ولما بيتجوزو بيتعدلو !!
قوليلهم امضولي شيك ع بياض بالكلام دا!
اصحابك يقولولك خلينا نحضر فرح بقي بقالنا كتير مفرحناش!!
قوليلهم افرحو بنفسكو ملكوش دعوة بيا .
قالولك بتتامري ع ايه ماالبنات قاعدين ولا انتي عاجبك قاعدتك دي!
قوليلهم قاعدة بكرامتي بدل مااتنازل ومحدش فيكو ف الاخر ينفعني لما اعيش تعيسه!!
مش عيب انك تعدي مع عريس عايز يشوف عروسه ولا حاجه تقلل منك انك تشوفيه وتخوضي التجربه..
بس تعالي بقي اقولك شويه حجات عشان لما ترفضي ترفضي وانتي مرتاح ضميرك...
1-لو سالك ع مرتبك كام .. ارفضيه!
2-لو قالك لازم تشتغلي تساعدي البيت .. ارفضيه!
3-لو جالك مبهدل ومش مهتم بنفسه .. ارفضيه!
4-لو تخينه وقالك لازم تخسي، او العكس ههههه .. ارفضيه!
5-لو قالك بس ماما قالت واختي رايها .. ارفضيه!
6-لو اتكلم ع اهله بطريقه وحشه .. ارفضيه!
7-لو بيدخن وقولتيله ناوي تبطل وقالك لا .. ارفضيه!
8-لو عرفتي انه مبيصليش .. ارفضيه!
9-لو مبيحترمش اهله .. ارفضيه!
10-لو مش مرتاحه .. ارفضيه! ارفضيه! ارفضيه!
كل النقط اللي فاتت دي مش بسيطه متستهونيش بيها .. دي مش عيوب عاديه دي جزء م شخصيته اللي هيترتب عليها حياتك معاه
ركزي ومتسمعيش لحد .. نسبه العنوسه بتزيد اااه بس نسبه الطلاق اكترر .

هههههه كدا كله هيتطلق وكله هيعنس
الف شكر لك والله

بشرة خير
ونصايح كلهامفيدة وتهد الحيل
شكرا ليك
والطرح الجميل

صح كلامك انا. موافقه عليه

ثانكس عسولة

الزواج قرار صعب ولازم التفكير كويس قبله
تسلمى على الفضفضه العاقله جدا