"الجزرية"
 

https://scontent-cdg2-1.xx.fbcdn.net...20&oe=58EA832D

النهاردة المولد النبوي.. فيه ناس اشترت علبة حلويات المولد وإبتدو ياكلو فيها بقالهم شهر!..
وفيه ناس بتشتريها وتفتح العلبة يوم المولد الصبح مع كباية الشاي في نفس يوم المناسبة ويقعدو ياكلو فيها بقية السنة!
وفيه ناس بيحبو يعملو اصناف معينة من حلويات المولد.. فيه انواع كتير ممكن نعملها في البيت زي السمسمية.. واللديدة والفولية. تعالو نجرب النهاردة طريقة "الجزرية".
..تعالو نشوف إزاي بخطوات سريعة وسهلة جداً!
هانحتاج كيلو جزر مغسول ومبشور.. كبايتين سكر.. كباية ونص ميّه.. ربع كباية عين جمل(جوز).. زبيب.. فانيليا.. نص لمونة.. رشة قرفة.. ممكن رشة ميّه ورد.
هانقلب السكر والميه والفانيليا يغلو عالنار.. نحط اللمون عالميّه وبعدها الجزر والقرفة ونسيبهم عالنار لحد مايتقلو زي قوام العسل.. نشيلهم من عالنار ونفردهم في صينية على ورق زبدة ونزينها بالمكسرات ونسيبها تبرد.. وبعدين نقطعها.
إيه أكتر حاجة بتحبو تاكلوها من حلويات المولد.. وبتخلصوها الأول؟!..
وايه أكتر حاجة محدش بياكلها وبتفضل في العلبة لحد أخر السنة؟!
كل سنة وانتو طيبين.
.
.
.
.

وصفه جديده اول مره اسمع عنها

تسلمى ياقمر

يسلمووووووو على الوصفه